يا شمعة ايام العمر لا تغارين
قلبي وملاذك والحنايا محلك
أنتي عرفتي تقلبين الموازين
يا نقطة التغيير فعيون خلك
كلي على بعضي لحبك براهين
من يوم صرتي شمسي وصرت ظلك
منك الشكوك أحيان مثل السكاكين
لكن معَ ذلك لا يمكن أملك
استرسلي بافكارك يسار ويمين
راضي بتفكيرك وقانع بحلك
تدرين ولاّ عن شعوري ما تدرين
أقدر أعزّك بس ما اقدر أذلك
وعلى اعتبار ان العذارى رياحين
أنا حظيظ بياسمينك وفلك
معاك كني من كبار السلاطين
من بعض ما عندك أجل كيف كلك
تطمّني محدٍ معَك بالشرايين
هذا الأكيد ويا عساك ولعلك