لا تحسب إني بأعتذر لك وأراضيك
عساي أموت ولا يجيك إعتذاري
غلطان لو ظنيت إني بداريك
كرامتي ترفض علي انكساري
روح للذي عن دربي اليوم مغويك
وأنا بأعلن للزمان انتصاري
مرت سنين للاسف منخدع فيك
وأترك مع الايام تهدم جداري
تخطي وتزعل ثم تبعد واناديك
وياما انتظرتك بس طال انتظاري
وياما مشيت الدرب اتبع خطاويك
كم مرة لاجلك اغير مساري
لكن حسافه ضاع عمري وانا ارجيك
وأنت بشقواي ولوعتي كنت داري
ما أبيك ترجعلي انا اليوم مابيك
رميت انا ذ**** في وسط ناري
بس ابتعد مليت انا من تغليك
بعتني من بعد ماكنت لي شاري
ويديني اللي زمان ضمت أياديك
بآخذ بها حبك وبأكتب قراري
لا عاد ترجعلي ولا عاد أجيك
وهذي نهاية كلامي وهذا قراري