المشاركة الأصلية كتبت بواسطة زحلط

نبعد عن الهم .. نلقى الهم يتبعنا
من وين نبعد .. نلاقي همنا فينا

كنّا .. وها الحين كنّا وش بتنفعنا ؟
نادى الرحيل .. وسرق دربه خطاوينا

رحنا ورى الحب .. لين الحب ضيّعنا
مدري نسينا الزمن .. والا تناسينا !!

الين عشنا بلا صوره .. ولا معنى
ارواح .. تشبه لنا ظلمة ليالينا

واليوم .. ماعاد باقي شي يجمعنا
الاالوجع, والضياع , وحزن ماضينا

على كثر ماحلمنا .. ماتوقعنا
ينسى الزمن كيف كنا يوم حبينا

شكراً .. لأحساسنا اللي كان يخدعنا
شكراً لوقتٍ خذانا .. قبل يعطينا

شكراً لعمرٍ تركنا .. قبل يسمعنا
شكراً لأيامنا .. اللي جت توصينا

شكراً لأحلامنا اللي وقفّت معنا
شكراً لأحزاننا .. شكراً لأغانينا

بكت لنا الارض يوم انّا توادعنا
لأن الارض احضنتنا يوم حبينا