يا طولين العمر انا كان لي خويه من الابتدائي وهي معي ,,


يعني كانت كل شي كل شي احبهااا ولحد اللحين احبهااا , اختي صديقتي حبيبتي توأم روحي


مهما قلت كيف كنت انا وياها قراااب مررره من بعض ما راح تتخيلون ,,


اول ما أصحى من النوم اكلمها ,,


اروح المدرسه ونصير انا وياها زي الظل كل وحده ما تفارق الثانيه ,,


بالفصل جنبي نفس السواق يوصلنا ,,


بيوتنا مقابله بعض احنا في بداية الشارع وهي بنهايته ,,


كنت اول وانا صغيره اكلمها من الدريشه تشوفني وكانوا كل الحاره يدرون بالسالفه من زود الحمااس ,,


كبرنا وصرناا كل يوم على العصريه نتكلم مع هالدريشه بس بالتلفون يعني اشوف وجهها ,,


يعني علاقتي فيها كانت زي خواتي وأكثر ,,


حتى عزايمهم صرت احضرها , يعني كل جماعتهم يعرفوني خالاتها عماتها ابوها اخوانهاا ,,


حتى إلي بالديره يعرفوني ,,


<< صرت اشهر من نار على علم ‘‘


طيب المشكله بدت متى , لما تخرجنا من المتوسط انا وهي حددنا مدرسه وحده ندرس فيها ,,


وقدمنا ملفاتنا وخلااص كل الوضع تمااام ،،


جاء اخوها إلي عمره ما جبر بخاطرها وداايم يبكيهااا جعله فدوة اخوااني ,,


قبل الدراااسه بأسبوع قالها المدرسه إلي انتي ناويه تدرسين فيهااا انسييييييييهاا ,,


مستحييل اخليك تدرسين فيهاا وهو إلي كان موافق وعاادي عنده ,,


هي انصدمت واتذكر كانت تدق علي وهي تشااهق وانا ابكي معهااا تقولون مفارقه رووحي او قطعه مني ,,


طبعا صار إلي يبيه وسحب وملفها وقدم على المدرسه إلي هو يبيها مدرسه بس مبناها بيت كتمممه ,,


واذكر ذاك اليوم ما نمنا انا وهي نكلم بعض نسولف ومانمنا إلا حزة الفجر ,,


وقبل لا تدااوم هي بمدرستها بعد كلمتني ,,


انا كانت عندي صداقات غيرها بس طبعا مو مثل علاقتي معها ,,


ما أكذب عليكم كانوا هم يحبوني اكثر ما أنا احبهم بوااااجد حتى كنت استغرب منهم ,,


[ اللحين هم احب واغلى وأثمن ناس بهالدنيا مستحيل مستحييل ابعد عنهم ] ,,


طبعا صارت لي ظروف وما قدرت انتقل لمدرستها وانا كنت ابي اروحلها بس عشان هالاربع بنات ,,


ما جاو لهلمدرسه إلا عشااني سجلت فيها فقلت مهما كاان ما راح اتركهم بمعمعة بنات الثانويه ,,


<< يزعم اني كنت الأجرأ بينهم عاد خبركم بنات اول ثانوي يطنزون عليهم بنات ثالث


وشغل حركات مبزره وتفاااهه لأبعد حد بس مو على راااسي ,,


المهم انا قلت علاقتي معها بتضل مثل ماهي اجي بيتهم اكلمها بالتلفون نفس السواق ,,


اللهم هالسبع ساعات ما أكون معها ,,


بس وش صار البنت تغيررت تغيييرت حيييل حييييل صارت تمر اسابيع ما أكلمهاا عاادي عندهاا ,,


تمر شهور ولا تسمع سوالفي ولا صوتي عااادي جدااااا ,,


كله اهلها يصرفووني يصرفووني ,,


ما بقى طريقه ما سويتها تدرون حتى رسايل اكتبها لها بالورقه واوصي احد يعطيها ياها بمدرستها


ترد علي بس ما أدري كأني وحده عااديه اشتقتلك ووحشتيني انتي والبنات كلهم


سلميلي عليهم يا الله بااي انا وفلانه اللحين جالسين ورى نسولف لا تشوفنا الابله


با لله عليكم هذا رد ,,


صارت لي موااقف معها صرااحه ما أدري يعني مااتنقاال ,,


ولد اختي وهي تعرف هو بحياااتي ايش تعرف اني من دوونه ما أعيش والله ,,


يعني بس اسولف عنه تخنقني العبره اعششقه اموووت بتراااب رجوله ,,


صارت له موااقف ومر بشغلاات يعني لا تعليييق ,,


ومررره تأثرت نفسيتي مرررررره مرررره صرت من داخل انسانه مييته جسد بس يتنفس مافيه رووح ,,


ثلاث اياام ما أنساها ولا أتصلت ولا عبرتني ,,


اخوي صارله حادث , ابوي بدى يمرض وزااد مرضه عليه وماا أتصلت ,,


الزبده صرت عندهااا ولاااا شي صرت مااضي مغبر قديم ,,


وانا مع كل هذا صااابره عليها ,,


طبعا بهالوقت إلي كانوا واقفين معي الاربع وردات خوياتي ,,


جاء ثاني ثنوي صرت اعاملها بربع معاملتها لي ,,


تدرون الغريب وين يعني من أول سنه تغيرت النااس بعد فتره هي لا من اول سنه ,,


المهم وصل لي كلام تقول اني تغيرت عليها وما صرت زي اول معها هنا الصدمه ,,


مع كل إلي سويته لها مابين بعينهااا يا سبحان الله ,,


انا هينا طلعت وجهي الثاني وجه وينك يابوي إلي على شكل وحش له قروون ,,


شفتها وقلتلها كل إلي بخااطري وعاتبتها ما أنكر اني قلت كلام شووووووي قااسي بس تستاهله ,,


هي اعترفت بغلطتها وقالت مدري وش فيني ليه تغيرت ومن هالكلااام ,,


بس رجعت لوعيها شهر بعدين رجعت تي تي مثل ما رحتي جيتي ,,


حتى مستوااها الدراسي نزل صارت تكلمني عااادي ببرود اغلبه اكلم نفسي وهي مع إلي جنبها ,,


أنا مازلت صاابره عليهاا ,,


طبعا هي بالثانوي تعرفت على بنااات ثانين انا ما أحب نوعيتهم ,,


وصاارت تتكلم من كلامهم واسلوبها زيهم ,,


المشكله هي كانت محيرتني كانت لما تشوفني تضمني وتبكي تبكي تشااهق ,,


بعدين مجرد ما تطلع من المكان تصير ادميه ثانيه ,,


اذكر سوو في مدرستنا حفل وكذا فاختاروا اسمي اعتذر لشخص بحياتك ,,


وقلت اسمها وبالمايك يعني كل الطالبات اسمعوه ,,


ووحده قالت لها إلي صار استانست عاد هي يعني ما أدري ارضت غرورها ,,


وانا كل هذا اسوبه وانا متعمده وقاصده ابي اشوف وش بتسوي ,,


طبعا كبرنا صارت معي عادي جدااااااااااااااااااااااااااااااااااااااااااااااا ,,


مات ابوي جات تعزيني ربع ساعه ونفس السالفه تضمني وتجلس تبكي ,,


طيب يختي ليه تسوين هالتصرفاااات مدري ,,


الصدفه الغريبه إلي صارت ان وحده اسمها امل إلي لو تطلب عيوني تفدااها ,,


كانت عندها صديقه ونفس حالتي افترقوا وراحت مدرسه غير ,,


امل تعرفت عليها بالثانوي ماكنت اعرفها ولا بحياتي شفتهاا ,,


خويتها "س" ما تغيرت علاقتهم مع بعض زي ماهي الله لا يغير عليهم ,


وخويتها" س" هذي صارت خويت خويتي القديمه وصارت علاقتها زي علاااقتي معهاا ,,


مره كنا في جمعة بنات وكانوا ثنتين من خوياتها موجودين<< صديقات خويتي القديمه ,,


والله العظيم مو مدح بنفسي اصلا ما احب امدح نفسي نهااائياااا ,,


بس داايم يعني يقولون الجلسه من دونك ما تسوى ومن هالكلام والقرقه ,,


واول ما دخلت نطوا علي بذات امول وبيشو وجوري وفوز وفطيم كذا اشووف اللهفه بعيونهم << قلبت شاعره


لا جد والله وهم سااكتين من دون مايسوون لي شي مبين حبهم لي وييه فديتهم ,,


حتى لمما شافوهم استقبلوني كذا استغربوا قالوا مين ذي ..؟


فكنت اقول سالفه لهم وكانوا كل الموجودين يضحكوون ميتييين ضحك دموع


حتى هم كانوا فيهم ضحكه , بس كل ما أقول سالفه يناظرون في بعض الثنتين ذولا ,,


شفتوا إليي عيونهم تقول شفتتتتي نظرااتهم غرييبه ,,


كل كلمه اقولها يتناغزون تقولون كأن احد يقرصهم بس كيفهم على راحتهم ,,


اللحين انا اخر مره سمعت فيها صوتها السمستر الاول وهي مادقت بكيفهاااا ,,


صحيح اني مشتاقتلها بس مستحيييل ارد لهاا ,,