|
توني جيت من الضمان وابشركم الامور تسهلت
السلام عليكم ورحمة الله وبركاتة 
ادري كثير يسال عن موضوع التسديد للمستفيدين من الضمان
انا توني جيت من الضمان الدمام قسم النساء الى بهذلنا مكانة المهم
انا طبعت الورقه حقت البيانات الي منزلها الاخ هنا بموضوع
الورقه الي مكتب عليها المكتب الخيري الاجتماعي
المهم طبعتها
واخذتها ووديتها لهم قلت عبي لي بيناتي واختميها قالت حق اي جامعه قلت فيصل قالت اوكي
قالت بس يبي لك رقم صادر من المديرة قلت رقم صارد قالت اي هذا اهم شي بالورقه هي عبت بيناتي وانا رحت للمديرة دخلت بيناتي وقالت لازم اتاكد من ارقامك التلفون والجوال هي نفس الارقام الى انتي مسجله فيهم بالجامعه قلت اي نفسهم وسجلت لي رقم الصادر موجود فوق بالورقه اول شي وختمتهــــــا
لا تنسون ترا الاصليه المختومة من الضمان تنرسل للبريد وانا بصورها واحتفظ بنسخها والضمان احتفظ بنسخه بعد من بيناتي
الخطوة الثانية
اليوم بروح للبريد وارسلها للجامعه
دعواااااااااااااااااااااااااااتكم واي استفسار انا حاضرة
لا تشيلون هم الاجراءات بسيطة ومايبي لها اي شي
وعلى فكرة انا اخذت نسخه من الورقه حقت البيانات وعطيتهم الضمان قلت خلوها عندكم فيه بنات يحتاجونها مايقدرون يطبعون هذي لكم
وكانوا حيل متعاونات
لا تنسون تدعون لي بان الله ييسر لي اموري واروح للحج هالسنة 
|