|
ســر يـــاقلــم مــالى على الــصــبــر طــاقــه ...
السلام عليكم ورحمه الله وبركاته ...
مساء معطر بأريج الورد أبعثه اليكم على أجنحه الفراشات
المحلقه في آفاق بساتين الورود 
اعـزائي .. حللت في ربوعكم احمل معي ما راق لي لاضعه امام ذائقتكم علّي اجد من يسمعني ويشاركني نبضي
فقد ارخت رحالي ساعياً عن كلمه تُحيِنيِ كلمه صادقه معبره خارجه من قلوبكم لتلامس قلبي فهل اجدها عندكم ؟؟
يقول الشاعر ...
سر ياقلم مالي على الصبر طاقه *** صبر تعدى الحد ماعاد ينطاق
اكتب لمثلي قصته واشتياقـــــه *** في خطك الواضح على بيض الاوراق
قصة حزين صافي المر ذاقــــه *** اليا ذكر ماصار له خاطره ضاق
باقو به الاصحاب والوقت باقــه *** واصبح ضحيه مابين بايق وبواق
يمشي وهو ماحس في كسر ساقه *** امسي على ساقين واصبح على ساق
وهذي سوات الوقت شين اصطفاقه *** الوقت لو يصفيلك ايام دراق
ان شان قطع معك كل العلاقــــــه *** وان زان خلالك مع الناس عشاق
ومن شان معه الوقت قلو رفاقــــه *** وراحت حياته كلها هم واقلاق
والله خلق خلق تحب اللباقــــــه *** كما خلق له خلق ماعندها اخلاق
احدن يعيش بخير واحد بنفاقـــه *** واحدن يعيق ايام وايام ينعاق
واحدن معه حكمه وصبر ورواقه *** سبحان منهو للمخاليق خلاق
لاكن يامن معك عقل ولباقـــــه *** ابنصحك كانك للامثال تشتاق
لاتنخدع باهل العلوم الرقاقـــه *** اللي سوالفهم توهق توهاق
صادق رجال يعرفون الصداقه *** يقفون صفك يوم يبسات الارياق
ومن رغب في فرقاك ارغب فراقه *** جاز اللذي يجزيك بفراق..بفراق
وتعلم التعشيق قبل السواقــــه *** لاتحسب انك بالدرقسون سواق
ورزقك يجيك بدون تحضر بطاقه *** عند الله المعبود تقسيم الارزاق
يقوله اللي جاير الوقت عاقــــه *** ولازال في غيبوبة الهم مافاق
.
|