موقف محرج/
برمضان عندنا ضيوف عالسحور والعشا طبعاً بالمطعم ذبيحه..قبلها اخوي دق علي قال جهزوا كل شيء انا بجيب السحور
وجهزت كل شيء بالمطبخ السلطات والمويه واللبن والخضرة غير الحلا...قلت حتى يظل بارد..
المهم/انا ماادري وش شغلني وطلعت من المطبخ..
وجووا اخواني واخذوا كل شيء ...
بعد شوي كذا رجعت المطبخ عند خواتي وامي قلت:هاه كل شيء تمام..
قالت امي:ايوه اخذوا كل شيء...
وبالصدفة آفتح الثلاجة ابي موية ..وأشوف الحلا قدامي..
وهيئئئئئئئئئئئئئئ>>شهقة..
أقول لامي:وش ذا ليش نسيوا الحلا حقي ..والله تعبت وانا اسوي وانكسر ظهري..>>حشى جاتو عشر ادوار..
مين كان يسمع الكلام ولد اختي عمره 7 سنوات...ويتليقف ويجري المجلس بصوت عااااااااااالي سمعته وانا بالمطبخ...:
ياخال ياخال تقول لك خالتي(,,وباسمي بعد..)تعال خذ الحلا اللي تعبت فيه وانكسر ظهرها وهي تسويه...
يالييل الاحراج...
بلا مبالغه مرت كم دقيقة والصمت مطبق فالمجلس ....
جوني اثنين من اخواني كذا,,,
يبي يعصبوا علي ومو قادرين من الضحك...
وش ذنبي انا...