2011- 9- 6
|
#18
|
|
:: المراقب العام ::
الساحة العامة
|
رد: النفـس طابت من الدراسه .. وماعاد بالنفس شهاده جامعيــه
أخوي العزيز, كل عام وأنت بخير
راح أكلمك بدون عواطف أو مجاملات
أقول لك عن تجربة, أكبر غلط أنك تواصل دراسة وانت مالك نفس, راح تجيب العيد لا محالة, سويتها أيام ما كنت أدرس انتظام وعلى قولة واحد صاحبي يقول هذي نكتة مو نتيجة, وتسببت في حصولي على الإنذارات المتتالية وخروجي من الجامعة. واتمنيت لو أني حذفت ترم علشان أجدد نشاطي وأرتب صفوفي, لكن الحياة دروس ونتعلم منها.
يعني رايي أنك تشوف حل لنفسيتك أولا قبل ما تبدأ الدراسة, عادة الطالب يبدأ متحمس على أمل أنه يمشي كويس فما بالك بالبداية المتحطمة.
الشي الثاني واسمح لي على هالكلام بس لأنك انت وكل الأعضاء اخواني وتعزون علي, ترى الوظائف فيها فوق وتحت, في مدير وسكرتير, في عامل وفي مهندس, في فني وفي مستشار, واللي تحت يخدم اللي فوق, واللي فوق ما يصير فوق إلا بخدمات اللي تحت, وانت اختار لنفسك مكان. تبي تكون من اللي فوق واللي يخدمونهم اللي تحت, ولا تبي تكون من اللي تحت (مكانك سر)
أنا ما أقول أن الشهادة راح تفيدك أكيد, هاشي مو واضح لحد الآن وفي علم الغيب, بعد ثلاث أو أربع سنوات راح نشوف النتيجة. لكن الله سبحانه يطلب منا أن نسعى ومن عنده التوفيق.
انت احسبها صح وشوف, إذا متأكد أنك ما تقدر تمشي بيتك أولى بوقتك وفلوسك
وعلى فكرة من العبارات الأكثر استخداما لأعداء النجاح هي "خلك واقعي"
تقبل رأيي وودي, وان شاء الله ما أكون ثقلت عليك
أتمنى لك التوفيق في أي قرار تتخذه 
|
|
|
|
|
|