امسكت ملاك جهاز الخاص بمسجات خالد ودزت له
أنا لانيب لاشاكي .. ولاعتاب كفاني اشطون هواك اللي نثرته لاتعجب لاأنكسر كاسه
ترى ما يذبح العاشق مثل دمعٍ بكته اعيون على موت الأمل واللي يحبه هو سبب ياسه
حبيبي ما خبرت الدمع يرقا وجنة المشطون ذليل الدمع .. لابد يتحدر لو رفع راسه
بقالي عزتي ياللي على اللي ما سواها تمون وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شجر وغصون حداه البرد والليل الطويل وشب في فاسه
حمد الله علا السلامه مع انى زعلانه عليك
خالد:هلا بالحب كله
ريم :لاتو النس توك تتذكر يالخاين من امس واصل ولا حتى مسج ......اى شعليك عندك ست الحس والهلاقه
خالد:ريم وبلهجه صاربه .....شوفى انا لاكلمتج لاتجيبين طارى ملاك ....فاهمه
ريم اللى خافت:خلاص خلاص محنا جايبين طاريها.....يعنى هذى كلمت احبج اللى انتطرها منك
خالد: احبج واموت عليج بس انتى مرات عليج حركات اتخلى الواحد يفقد اعصابه
ريم :اشتقت لك
خالد:اللى خق من الكلمه وانا بعد ياقلبى
ريم :خالد والله ما عاد عندى صبر وابوى من جهه وامى من جهه ضاغطين على
خالد :ريم خلاص انا وعدتج وعند وعدى (حس خالد بانه مو مثل اول وحماسه لريم عادى شعور عادى مافيه
اللهفه اللى تدفعه انه يواجه الناس عشانها بس خلاص وعد ولازم يلتزم فيه)
شاف المسج اللى وصل لموبايله وعتذر اريم يالله ريم معاى خط ثانى وسكر
ولا يقرى المسج
خالد(الله يسلمج اولا وثانيا زعلانه علا شنو)
ملاك(امس كسرت بخاطرى )
خالد:اللى علا طول راح فكره لملاك..............معقوله اهى
(زعلانه من شنو)
ملاك:0(منك)
خالد(منى ليش )
ملاك:امس ولا حتى عبرتنى )
خالد:لاء لاء اكيد هذى ملاك(انا شفتج عشان ازعلج)
ملاك:امس وانا بالمطار شفتك وانت ما عبرتنى)....تبى تتوهه
خالد:اللى رجع عن اللى كان يفكر فيه (امس انا ما اذكر انى شفت احد اعرفه .....الا صديقت امى ام سلطان
لايكون انتى ام سلطان)
ملاك:(وهى تضحك لاء انا لا ام سلطانولا ام غيره انا ام منصور)
خالد:شهالثقه(لاء عاد صج شفتينى صج )
ملاك:(اى شفتك انت موكنت لابس جاكيت وقميص سماوى وفيه كروهات بنى )
خالد:(اى صحيح خساره ما شفتج)
ملاك:(راح اتشوفنى عن قريب)مالك امل
خالد:(بس عاد انتى حلوه ولا ......)ملاك الا بتنصدم لو تدرى
ملاك:(يعنى فيه ناس اتقول انى حلوه وشخص واحد محطمنى )
خالد:(منو هالشخص)
ملاك حست انها خارتها ونست نفسها ...وتبى تغير الموضوع....(خالد انت قريت القصيده)
خالد (اى بس ما فهمت معناها)
ملاك لانك ما تفهم اصلا (حاول تفهمها)
وسكرت الجهاز
ام فيصل اللى بدت تخاف ان ولدها يميل لملاك ويترك ريم ...تبى ترضى اختها باى طريقه
خالد متى تبى تتزوج ريم ....اشةفك ما عاد اتطرى هالشى ولا الحست مخك هالساحره
خالد: (الحست مخى وخلصت) عن قريب يمه عن قريب بس امهد لبوى وبعدين اتزوجها
ام فيصل :وهذى شبتسوى فيها
خالد:ملاك بخليها علا ذمتى
ام فيصل من صجك انت اتزوج ثنتين
خالد:ليش نى شايقتنى ما اقدر ....عادى ترى ...يوم عند هذى ويوم عند هذى
ا
ام فيصل :مستحيييل ابوك بيرضى
خالد :بيرضى يمه بيرضى
وعلا الغذى انزلت ملاك وهى لابسه دراعه مغربى واسعه لاان فيصل وياهم علا الغدى وحطت مكياج ناعم
خالد كان يسترق النظر لملاك وده يشبع منها شكلها حيييل ناعم وايده ايدها اللى تاسره وده يرد بيوسها لين يشبع
منها
ابو فيصل :ترى باجر راح انروح المزرعه بنسوى عشى لخالد واعزمواللى تبون وانتى يا ملاك لازم اتعزمين
جدتج واللى تبين
ملاك:ان شالله اذا تقدر اكيد بتجى
طلع خالد وما رد البيت الا الساعه 1الفجر بما انه ماعنده دوام وفى ايجازه
دخل ولا يلقى ملاك لابسه قميص ففففوششى طويل وفيه فتحات من الاجناب وملاك ولا كانه موجود وتطالع
التلفزيون وحاطه رجل فوق رجل واللى مخليه الفتحات اتبين اكثر اللى تحتها ولامه شعرها وحاطه مكياج مو
طبيعى وروج فوشى شكلها قمه بالاثاره
حس خالد برعود وبروق وعواصف وفيضنات داخله بلع خالد ريقه واخذ نفس ....مساء الخير
ملاك وبنف الوضع وما لتفتت :مساء النور
خالد راح غرفته سيده ...اعوذ بالله شنو هذى يخرب بيتها اييه من الجمال شى موطبيعى كل يوم احلى من اللى قبله
لاء مستحيل اقدر اصبر انا لازم اتزوج ولا خربتها معاها
ملاك:حست فيه وانه تلخبط وقامت علا طول ودخلت غرفتها ...خاف يغير رايه ويجى
ملا: :وهى اتسكر الباب :يس يس يس واخيرا والجاى اجيد يا خالد
(((((الجزء السابع عشر )))))
سكرت ملاك الباب وراحت لسريرها وهى اتحس انها اقدرت اتحرك شى من مشاعر خالد البارده ناحيتها
ملاك:واخيرا يا خالد والله لوريك السنع .......وحطت راسها ونامت وهى تحس برظى مو طبيعى وراحه خياليه
اما خالد فكان مثل اللى واجعه ظرسه رايح راد فى الغرفه مو عارف شنو اللى قاعد يصير فيه وليه
خالد انا اشفينى قاعد افكر فيها حلوه صحيح حلوه بس انا شفت احلى واجمل لاء لاء ابصراحه هى الاحلى
لاء لاء لاء الظاهر ان امى صاجه يوم قالت انها اساحرتنى مانى قادر اشلها من تفكيرى
انا لازم احاول انساها واشلعها من مخى انا اعرف نفسى هذى نزوه و الفرق انى ما قدرت اوصل لها مثل عيرها
بس خلاص انا بحاول ما افكر فيها مثل اول الى حتى ما كنت احس بوجودها ....اصلا اهى شنو لاهى من مستواى
ولا حتى نفس تفكيرى من باجر ما راح حتى اصبح عليها وكانى ما اشوفها ......والمشكله اذا اهى حاست فينى
والله لاتشوف نفسها ......انا متزوج متزوج قبل لا افقد اعصابى.........
يازين الفوشى عليها ...... لاحول الله رديت افكر فيها
وراح لفراشه وكل ما تطرى عليه وهى بالفوشى يقلب علا الجنب الثانى من القهر
وما نام الا بعد طلعت الروح
لما قعد الصبح كانت ملاك لابسه بجامه ستان لو وست وفوقها قميص قصير اللى لحد طرف البجامه لونها بنفسجى
غامج ونفس الشى رافعه شعرها لفوق وريحت عطرها شقت خشمه شق ............ ودخلت لين وصلت قلبه وخلته
يضرب ويضرب
يضرب وحس انه بيضلع وبتشوفه
خالد:ملاك صباح الخير (طبعا راح كل اللى كان يقوله امس من توعد وحلفان نساه ونسى نفسه معاه )
التفتت ملاك وكانها مومهتمه وردت لعليه وهى منزله راسها وتكمل ترتيب الريوق علا السفره
ملاك:صباح النور وعلا طول راحت غرفتها
قعد خالد علا السفره
خالد :مو حاله هذى شنو اتروح وتخلينى اجرب انا ولا فينى شى والله وشفتى نفسج يا ملاك وانا بوريج وقام من
السفره وهو ما كلى شى ولبس له دشداشه سودا وجاكيت اسود وشماغ وكان شكله ررروعه
شافته ملاك من طرف الباب
ملاك:الله يحلو شكله بس مبين عليه انه معصب ااحسن خل يزعل لو مره مثل ما هو كل يوم يزعلنى
وبعد ما تاكدت انه طلع وصارله تقريبا ساعه دزتله مسج
كـل مااقــفـــــيـت نــــــادني تعـــــــــــــال
وكل مااقــبـــــلت عــــــــزم بالـرحـــــــيل
وكل مااجــــنـبت واعــــــدني شـمــــــــال
يااهــــل الحــــــب ضـــيعـت الـــــــــدلـيل
الحــــقـيقة غـــــــــدت مـــثـل الخـــــــيال
هـو عـــــــدوي وهـــــو اغــــلى خــــــليل
شفـــت انا الظـــــلم من بعـــض الـــــدلال
يجـــــــرح القــــــلب لو كـانه جـــــــــميل
اشهـــــــد ان الهــــــــوى مـابـه عــــــدال
هـــــو خـــــلى وانـا قــــــلـبي عـــــــــليل
وكل ماقـــــلـت له يـابــــــــن الحــــــــلال
المحــــــــبة عـــــــــطا وانـت بخـــــــــيل
الـتـفـت لـي وهــــــو عـجـــــــل وقــــــال
لـــــــــذة الحــــــــب في الشىً القـــــــليل
ً
خالد من قرى المسج وهو بالسياره ردعلا طول للبيت وراحمثل الصاروخ لغرفت ملاك وفتح الباب بكل قوه وكانه اعصار داخل الغرفه ولا يلقى ملاك تبدل ملابسها وفاكه شعرها واول ما دخل شهقت ملاك وعطته ظهرها تبى تستر نفسها .....انحرج وتراجع اشوى
خالدملاك استرى نفسج بسرعه ولا ترى بدخل
ملاك وعى ميته من الخوف لبست الروب اللى عندها ممخمل زيتى ولمت شعرها علا السريع وطلعت وعيونها كلها خوف وبراسهل الف شى وشى ونو يبى هذا
اطلعت ملاكوهى خايفه خالد اشفيك
خالد:جيبى تلفونج وهو يصارخ جيبيه
دخلت ملاك وجابت له الجهاز ....لاانه ما يعرف رقمها اصلا وفتح التلفون وشاف الرسائل المرسه والصالدره وكل شى وفتش التلفون من اوله اى اخره .....
ماكو شى
وملاك مشبكه ايدينها وتطالعه...............خلاص خلصت بحثك ياحضرت الظابط
خالد اللى حس بالاحراج بس مايبى يبين لها......شوفى يا ملاك انا شاك بشى اذى اللى ببالى ياويلج منى اما اذا
صارحتينى انا راح اتفهم الموضوع اما اذا اكتشفته بنفسى فياويلج منى واعتقد انتى عارفه شنو يمكن اسوى فيج
ملاك اهنيه ما تبون حالها صج صج خافت من اعيونه اللى اذا عصب تخرعها ما فيها اى نظرت حنان كلها قسوه
وجفى من اى رحمه .................وعلا طول طلع من المكان
ارتاحت ملاك لما طلع .......اف شنو هذا والله بغيت اموت من الخوف بس والله للعب باعصابك
وعلا طول دزت له مسج
((اشدعوه اشدعوه علا طول اشتقت للمدام علا طول يعنى انا ادزلك مسج وانت اتروح لها يحضها ما حسدت احد
كثرها))
خالد صار يتلفت وراه وهى يسوق هذى وين جنيه تعرف كل شى ودز لها مسج وهو حده منظقط
(انتى شنو ا اتراقبينى عبالج ما اقدر اجيب رقمج والله لا حطيتج براسى لجيبه)
ملاك: خافت انه صجيقدر يطلع الرقم (ليش يعنى انت مومستمتع بالمسجات)
خالد (انا ما احب احد يراقبنى وانتى الظاهر ماعندج شغل اتلاحقين الشباب)
ملاك:(عاد والله والله ما عمرى سويتها لحدولا احد اثر فينى او حبيته كثرك وانت اتعصب على ليش)
خالد(شنو ليش انتى تعرفين كل تحركاتى وانا ما احب هالاسلوب) وهو يشوف بالمرايه السيارات اللى وراه
ملاك:حست انه منقهر منها قالت خن اخف عنه اشوى(خالد ياقلبى والله احبكانا اصلا مجنونه بحبك)
خالد:(انتى فعلا مجنونه)
ملاك: (وهذا احلى جنون ولو يقولون لى اعقلى بقول لهم انا مرتاحه بجنونك)
خالد:حس انه ابتلش فيها ما كوفايده منها
اما ملاك فراحت وطلعت كل اللى بالكبت ومحتاره شتلبس اليوم علا العشى اللى بالمزرعه
ودقت علا جدتها تعزمها
املاك :يمه امانه حاولى تجين
ام صالح والله ما اقدر المكان بعيد وانا مو حمل الطريج والقعده
ملاك :انا اللى بوديج وجيبجوما راح اطول (ملاكودها احد من اهلها وياها )
ام صالح ادرى والله يمه بس والله تعبانه
ملاك:بخيبه امل علا راتج وسكرت منها ودقت علا عمتها ..اللى اعتذرت منها وانها معزومه علا استقبال وحده من
صديقاتها
قامت ملاك وراحت تستعد للعشى وزهبت لها جنده اصغيره لان عمها لمح انهم يمكن يباتون اهناك واخذت لخالد
بيجامه بجنطه اصغيره وحطتها يالسياره
علا العصر لبست لها بنطرون زيتى وبلوزه صوف ضيجه لحد الفخذ وحطت عليها شال طويل لى تحت الركبه ولبست
لها بوت طويل لونه كركمى ....ولفت لها ملفع شتوى زيتى ,....وحطت لها شدو زيتى واطرافه ذهبى لبست عدسات
عسلى وحطت قلوس فاتح لامع.......
وقعدت تنطر خالد عشان اتروح معاه
وصل خالد والعلاقه متوتره حييل
خالد وهو صاد وما يطالعها خلصتى
ملاك اى انا جاهزه
ودخل ولبس له درنج من قاب لونه عسلى ولف اشماغ علا راسه ولبس فوقه فروه وطلع .....
ومشى وما حتى التفت عليها
انزلت ملاك ولا تلقاه سيارته الهمر
ملاك خالد اروح معاك ولا بسيارتى
التفت عليها شنو كل واحد ابسياره مستانسه بسيارتج الجديده يعنى
ملاك:لاء خاف عندك شى او منت راضى......
خالد مانى شنو ماخذج معاى لاء تعالى عادى كلها ساعه والله يعينى علا الطريج
انقهرت ملاك .....وحبت اتغيضه ...ترى اذا ما تبى عمى قايل لى تعالى معاى
خزها ذيك الخزه ...اقول تعالى بس مالى خلقج ترى
ملاك انزين بروح اجيب اغراضى بسيارتى
وجابت اغراضها وحطتها بالكرسى اللى ورى
خالد شنو مهاجره ترى كله ساعات ونرد
ما ردت ملاك وركبت السياره
وطول الطريج وهى اتفكر الله يستر من خالتى وفرح (وهى ما تدرى ان العصابه كامله اليوم ريم وامها)
((((الجزء الثامن عسر))))
خالد طول الطريق وهو يسترق النظر لملاك اللى مسنده راسها علا الدريشه
خالد: اااووه هذى ليش لابسه نطارات شمسيهعلا الاقل اضيع الوقت بالنظر لعيونها ..........بس يالله اقزرها بشفايفها وااااه من شفايفها وهاللى حاطته يلمع يخرب بيت شفايفها محلاها
والاحلى اشوف ايدها اللى كانها ريمه لو يصير احطها بصمونه واكلها ((متوحش حتى بتفكيره الغزلى))
اما ملاك فى عالم ثانى ما تحب المواجهه معهم ...ولا حتى القعده معهم اذا عمها موجود اتحس بالامان والراحه بس اذا مو اهناك لالالازم خالتها اتقط عليها كم كلمه
اوصلوا ومتزالو عند الباب الى عمها وزوجته والبنات صافطين
خالتها طالعتها من فوق لى تحت وكانها اتقول انا اوريج وفرح وريم دخلو علا طول
كانت المزرعه خياليه فيها بيت ارضى وكله جامات تطل علا مسبح مكشوف كلوى والجهه الثانيه فيها خيام بيت شعر ومزروعه كلها ثيل اخضر والنخيل محاوط المزرعه والشلال الصناعى اللى علا الجدار دخلت البيت كان علا النطام الامريكى البسيط والمطبخ كورنر برى وكا ل واحد فيهم له غرفه بس اكثر قعدتهم بالخيام
وفيه ملحق بعييد عن البيت والخيام فيه الدواوين والمطبخ الكبير اللى فيه طباخ هندى
ومن الجهه الثانيه للمزرعه ملحق مقسوم قسمين قسم مكون من صاله كبيره ومغاسل خياليه وعرفتين اضعار هذى للحرم اذا كان عندهم مناسبه والجزء الثانى فيه حمام سباحه مغطى وجاكوزى رررروعه هذا للحريم دعد
ابو فيصل ملاك شرايج بالمزرعه شنو تقترحين ازيد فيها
ملاك وهى مازالت تتلفت والله ياعمى ما فيها اى شى ناقص ما شالله كل شى احلى من الثانى
خالد : اى تدرين ليش لانج اول مره ادشين مزرعه بحياتج وعشان جذيه اتحسين انها حلوه وهى عاديه بالنسبه للمزارع الثانيه
ملاك:مستحيل ما يخلى النغزات الجارحه بس انا اوريك والله لخليك تتلفت حولك وتشك حتى بنفسك
ردت ملاك عليه ....انا يمكن ما شفت بس متاكده ان ذوق وختيار عمى ما فيه عليه ومسكت ذراع عمها وهى تطالعه بنظرات خلته يغلى وخلت امه تغلى من وراه
عمها اللى تشقق من مدح ملاك له........ملاك امشى خن اوريج الحيوانات اللى عندنا فى الحجهه الثانيه ملاك(ما يحتاج هذوا احم واقفين ...تقصد خالد زامه..) وركبت معاه سياره صغغغيره مكشوفه خاصه بالمزرعه ...واول ما مشت التفتت علا خالد وهى مبتسمه وغمزت له بعينها
خالد اشوى ويطلع من راسه دخاااان من القهر والله لوريج بس ردى وتشوفين
اما امه ....اتشوف اتشوف ياخالد اشلون ابوك مدللها حتى بناته وحنان عمره ما عاملهم هالمعامله شفت اشلون تمسكه من اذراعه وبكل وقاحه خلاص ما كو حى خلاص واله اقص ايدى اذا مهى ساحرته
خالد:خلاص يمه تكفين والله ما لى خلق (والله ما اخليج يا ملاك بس ردى)
لفت ملاك ويى عمها المزرعه وشافت الحصن والنعام والطيور والخرفان والبقر شى عجييب وعمها مستمتع ان فيه احد مهتم بهالاشيلء لو بالنظر بس
وقف عم ملاك ولتفت لها
ابو فيصل :ملاك انا حاس ان علاقتج انتى وخالد كان فيها نوع من الجفاف اشوى
ملاك:وهى مرتبكه لاعمى مو مثل ما انت متصور انا اشوى مرات ما افهم خالد وانرفزه بس بعدين انتدارك هالشى وينتهى بس انا اقولك يبيلنا وقت عشان نفهم بعض اكثر
عمها :ملاك يمكن مرات اتلاقين خالد عنديد ومخه مقفل بس ترى بالحقيقه قلبه طيب واللى يخرب عليه اعناده
لاتقولى ترى انا ابوه واعرفه خالد يضيع صيدته بعجاجنه .....بس انا متاكد انج اذكى منه وتقدرين توسعين صدرج عليه وتكسبينه ...
ملاك :الله كريم يا عمى الله كريم
عمها :يالله الحين خن نرد صلات المغرب ما بقى عليها شى
نزل ملاك عند الباب وراح اهو للدوانيه عشان يصلون المغرب
دخلت ملاك الصاله ولا تلقى عمتها قاعده والشرار بعيونها من الغظب
ام فيصل :اقول انى عطينا من اللى مسقيته عمج عشان يحن علينا مثلج
ملاك:......ماردت
فجر انتى شنو صمخا ياملا الصمخ
ملاك :خلاص يا ملاك زمان البكى راح مو كل ما يقولون لج شى تبجين لازم اتوقفينهم عند حدهم وتعاملينهم بنفس الاسلوب
ولتفتت ملاك وهى تتوجه الكلام لفجر وقصدها الكلام لج يا جاره ...اعتقد الكلام هذا المفروض ما يطلع من وحده بمستواج الاجتماعى يا فرح شنو اعطيه ما اعطيه تبين اتصيرين مثلى سوى نفسى
وعطتهم ظهرها ومشت لغرفت خالد وهى اتحس ان ودها تبجى منهم واشلون بتكمل اليوم ااااه لو عمى يدخل ويانا عند الحريم
بعد المغرب وصلت سيارت عمهم وبناته
اطلعت ملاك وسلمت عليهم وهم بعد كانوا متشوقين للقعده معاها ومع فجر اما فرح فما كانوا يستلطفونها
وراحو للصاله الخاصه بالضييوف ولقوا ام فيصل وحنان وقعدت مرت عمهم وبناتها
size="6"] حريم عمهم خالد وراشد كانت علاقتهم بام فيصل مو شى بس يوجبون لهم بالمناسبات
رهف ورها بنات عمهم خالد وعفاف وعواطف بنات عمهم راشد اقعدو جمب ملاك وسوال وضحك
فرح:اف متى تجى ريم مو هالعلل اللى يزهقون
عفاف :ملاك ما شالله مكياجج روووعه وين حاطته
ملاك:انا اللى حاطته
رهف ما شالله روعه اشويه عليه والله عبالى عند صالون
ملاك:استانست وحست بالثقه ....اى هذولا الناس مو اللى عندى كله احباط....
ا
م راشد :مرت عمهم خالد اللى حاسه ان ام فيصل ما تحب ملاك ولا تطيقها ......ماشالله ملاك الله يرحم من سماج
ملاك عزالله انج ملاك
ملاك:مشكوره خاتى من اعيونج الحلوه
ام راشد :لاوالله الا انتى الحلوه
ام منصور :مرت عمهم راشد ...ملاك الا ليش ما جت جدتج...تستانس معانا والله كنا متوقعينها تجى
ام فيصل :(وهى حاطه رجل علا رجل عشان تكمل مره وحده)*
ملاك : جدتى تعبانه ولا ودها تجى معانا
ام راشد وام منصور :لاء ما تشوف شر
وشوى ولا تدخل النسره خالتهم ام سعود
ام سعود لها اسمين ام على وام سعود على ولدها مات وهو صغير واللى يعرفونها من زمان كانوا يقولون لها ام
على والباقى ام سعود
سلموا علا الموجودين ما عاد ملاك اللى ما قامت لهم وحطت رجل علا رجل .....لانهم هم اللى بدو معاها بهالحركه
ريم من اقعدت وهى اتخز ملاك وبنظرات مستفزه وملاك ولا كانها اتشوفها
وبعد ما تقهوو وسوالف قامت فجر بنات شرايكم نروح للخيمه جوها احلى........ مو نطلع من البيت وندخل بيت ثانى
وافقوها البنات كلهم وطلعوا
بعد ما اقعدوا وصارت القعده ملموومه
ريم :بنات بقولكم سالفت وحده من اعز رفيجاتى
حست ملاك ان السالفه فيها انا
هذى سلمكم الله وحده كانت تحب واحد وهو يموت يموت عليها بعدين ابوه اجبره انه ياخذ وحده دددون المستوى
وجيكره ولا فوق هذا كله خخبله تخيلو وهو منصب ويجنن وروحه مرحه بس من خذاها وهو صاير عصبى
ماينلام بعد عقب حبيبته اللى يموت فيها ياخذ هذى وتاشر وكانه بشكل عشوائى علا ملاك
وتخيلوا بعد اهو ما زال علا علاقته بالبنت اللى يحبها وواعدها بالزواج وانه بيطلق هالخبله
حاولت ملاك تمسك نفسها علا الاخر وردت
ابصراحه هذى اللى خبله الرجال لو يبى شى بيوصله وبعدين شاللى خليه يصبر علا هذى اللى ما يحبها ومو من
مستواه وما ادرى شنو الو يبى الاولى اللى يحبها كان اخذها ولاهمه احد بس هذى مخليها تسليه له يتسلا يمكن
اهو من النوع اللى يحب العلاقات المتعدده واكثير رجاجيل من هالنوع المهم بالاخير وين يروح لا تعب يرد لزوجته
كل ليله وينام بحضنها ولو انه مو مرتاح شاللى يخليه يخليها علا ذمته وبعدين الحين البنات ما ينغصبون علا شى
عشان ينغصب رجال هذا عذر كل واحد يتسلى بس لما يجى عند الزواج يختار الكفء انها تشيل اسمه والباقى
للتسليع فقط
ريم :فففولت وودها تمسك ملاك وتزنطها من القهر
ريم وهى تاشر باصبعها لاء لاء يعنى سورى ملاك انتى ما تدرين يعنى شنو حب انتى من اللى عرفناه انج تزوجتى
خالد زواج تقليدى وما فيه حب عشان اتحكمين
ملاك: اللى ما تعرفينه حبيبتى عن الحب ان اجمل انواع الحب اللى يجى بعد الزواج ولتفتت علا البنات انا بالبدايه
بصراحه ما كنت اهضم خالد لاكن بعد قلبى اهو اللى حببنى فيه
رها :اكيد ملاك ابصراحه ما الومه من يشوفج ولا يحبح حتى اخوى وهابى الصغير من جن عليج زيقول لبوى ابى
عروسه حلوه مثل روجت خالد
ريم ما اقدرت تمسك نفسها وقامت وهى مبتسمه ابتسامه مصطنعه ...بنات عن اذنكم انا بروح قريب وطلعت وهى
منقهره كان الظرب من تحت الحزام حامى بينها وبين ملاك
ريم :خالد انت وينك ابصراحه الله يعينك علا زوجتك ترفع الضغط
خالد:ليش صاير شى
ريم :من اقعدت وهى خالد حبيبى وخالد عمرى وخالد قال وخالد فعل
خالد :(ما صدق من الفرحه ملاك اتقول عنى جذيه) ....يا حلو اللى يغارون بس انتى هاليومين صايره تنسين واجد ا
انا شقايل طارى ملاك ما ابى اسمعه بيننا
ر
ريم :شسوى حر.....وقاطعها خالد........ريم انا شقايل
ريم :خلاص خلاص هذا اللى قدرت اتقوله يالله يالله مع السلامه
خالد:ريم مو انتى اللى تنهين المكالمه فاهمه
ريم الشرهه على اللى ابى اسالك متى راح اشوفك ولهانه عليك وانت قاعد اتزفنى
خالد:انا اصلا ناوى ادخل عندكم بس لما يروحون بيت عمى راشد وخالد
ريم انزين انا بنطرك والله يصبرنى علا هالحب اللى كله معانات
ضحك خالد خلاص يا حبى انا اليوم بدخل وبطول حتى انا ولهان علا شوفج
سكر خالد وهو حاس بفرحه مو طبيعيه مع انه كان ناوى لملاك نيه قشرى باللى سوته مع ابوه بس حس ان ا
الغضب اللى داخله تبخر
ملاك كانت كل شوى تدخل تطلب من الخدم اما عصير ولا جاى ولا قهوه وريم تتابعها وطرت عليها فكره نفسها
خبيثه
ريم الو
سعود :اشتبين
ريم بسم الله اشفيك
سعود اشفينى بعد من هالخمه اللى انا عندهم كله منج انتى ومج(سعود منحط لابعد درجه ومو عاجبه المكان يحب
المكان اللى نفسه قذر )
ريم :اسعود ما ودك اتشوف ملاك سعود اللى نط من مكانه يوم تذكر ملاك
خلاص سو اللى اقولك عليه
واول ما طلعت ملاك دقت علا اخوها وواجه ملاك وهى رايحه للبيت
سعود :قوه ملاك
ملاك :وهى مشمازم منه ومن اهله كلهم.....هلا
سعود :ملاك اشلونج
ملاك وهى تمشى الحمد لله انت اشلونك..ردت اتجامله
سعود :والله ملاك اتهمج اخبارى
التفتت ملاك وخزته بقرف اقول اسعود انا مشغوله عن اذنك
بهالوقت ريم دقت هلا خالد
ريم خالد ياقلبى ابى اسعود ادق عليه ما يرد امى تبيه ضرورى
التفت خالد يدوره ما لقاه وقام وين راح هذا بعد واو ما طلع ولا يلمحه ىواقف معا ملاك ونفصلوا علا طول
انجن خالد وسيده راح له
خالد :اسعود شعندك
سعود اشعندى بعد ابى امى وما لقيت الا ملاك ماره قلت لها نادى امى
ليش ما تدرى ان فيه اختراع اسمه تلفون وبعدين انا ما ابيك اتمر من هالمكان مره ثانيه اذا تبى شى قولى ولا قول
لفيصل انت فاهم
سعود :زين زين يبه ما تسوا علينا عزيه
وتجه بيروح لملاك يهزئها ولا يطلع فيصل ويناديه
بعد ما تعشوا الضيوف وراحوا بيت عمام البنات دخلت ام فيصل واختها ام سعود وحنان وريم وفرح وفجر وملاك
ام سعود ام فيصل وين خالد اللى ما عاد احد شافه .......وتطالع ملاك
ام فيصل والله حتى احنا بعد المسكين ما يقعد بالبيت من الظيم الله يعينه ولتفتت علا ريم من بين القاعدين
ريومه يا قلبى دقى علا خالد خل يجى
ملاك غلت من داخل وحست ان الدنيا ضيقه بعيونها كلهم يقهرونها وهى ابروحها
حنان وهى اتكلن فجر بس محد يسمعهم شنو هذا ملاك ما عندها احساس والله لو انا كان قومت الدنيا وما قعتها
ريم :الو وينك يالقاطع وطلعت من الخيمه وهى اتكلم خالد بدلع قدام الكل
انفهرت انقهرت ملاك خلالالاص ويكلمها وانا اللى عمره ما دق على ولا حتى يعرف رقمى انا اوريج يا ريموه انتى
وولد خالتج تبون تلعبون فينى انا اوريكم
وردت ريم وهى ودها اطير من الفرحه حست انها اقدرت تقهر ملاك
دخل خالد وهو عاصب راسه بشماغ ولابس الدرنق والفروه فوقها طبعا كان شكله حتى وهو مبهدل يجنن
سلم علا الموجودين ولا حتى التفت علا ملاك وكانت النظرات بينه وبين ريم اشكره جدام الكل وكان اللى قاعده
لللللللوح
اطلعت ملاك اشوى وردت
ملاك وهى ترجف يمه برد مو طبيعى برى وقربت من خالد اللى يطالعها بنظرات استغراب
ملاك :خالد ممكن ادفينى وياك بفروتك كان قاعد ومنصدم منها وهى اعيونها اترجاه بدلع ومد ايده اليمنى وجات
وقعدت وصارت اهى وياه بنفس الفروه وحطت اليدها علا خصره وقربت عند اذنه وقالت جسمك داااافى
حس خالد ان جسمه بيولع من الحراره وحس بالارتباك وخاف يلاحظون عليه الارتباك
خالد :::ااااه جتفى يعورنى ما ادرى من شنو
ام سعود وهى اطالع ملاك ....يمكن شايل شى ثقيل
خالد اللى فهم القصد يا خالتى انا اشيل اوزان ثقيله جت علا ملاك اللى مثل الريشه
ريم ما تبون حالها وقامت علا طول
خالد ما قدر يصبر اكثر علا هالوضع حاس ان كل جسمه يشتعل واعصابه مو قادر يمسكها ...عن اذنكم انا بروح
انام من الصبح وانا قاعد وحاس انى تعبان
ودز لريم مسج (وينج)
ريم :وينى وينى بعد ما قدرت استحمل المسخره اللى مسوينها(ومكالمتها له مو سخره)
راح خالد لغرفته وملاك بعد ما اقدرت تقعد والله ينتفونها
دخل خالد وكان الغرفه فيها دفايه قعد عند الدفايه ولتفت علا ملاك
ملاك انا جتفى يعورنى وابيج تدلكينه لى
ملاك :شنو يبينى ادلكله كتفه من صجه هذا (ملاك والله ما عندى كريم مساج بالبيت وخاف تبرد وتمرض)
خالد :عادى مسجى بيدج....توهقت ملاك علا الاخر ...وحست انها فى موقف لاتحسد عليه
فصخ خالد وكشف عن صدره صدت ملاك وهى تشهق خالد والله ما اقدر ....ابصراحه انا استحى
خالد :(انا اعلمج اشلون اتسوين حركات جدام اهلى )...خالد بصوت عالى تعالى
قربت ملاك وهى خايفه علا مستحيه وجات من وراه وهى مو قادره اتطالعه
خالد :يالله ابسرعه
اول ما حطت ملاك ايدها عليه ولا يحس بالصاعقه اللى لمستع و صرخ ذيك الصرخه اللى سمعت اللى برى
ملاك ارفعت ايدها علا طول
خالد عورتك
خالد :لاء لاء كملى وصارت كل ما اتحط يدها يرد يصرخ أأأأأأأه امممممم ااااااااه بعد بعد
ملاك خلاص حاسه انها مو قادره اشفيه هذا انا يالله المسه وخفيف وهو يصرخ كالهصرخه
خالد اذا اتعورك حيل روح اعمى .........................يشوفك تبى الفكه منه
خالد وهو يضحك ويمسك ايد ملاك ويظغط عليها سوى جذيه ملاك انا المسك لمس وتصارخ اشلون لو اظغط اكثر
خالد خلاص انا بساعدج ومسك ايدها وسحبها من وراه لين صارت ملاك حا ضنته من ورى وحطها علا قلبه
ايصير تظغطين اهنيه
اسحبت ملاك ايدها منه علا طول خالد حرام عليك
رد خالد يضحك بصوت عالى
اما ريم اللى اسمعتهم وما تت من القهر ودخلت علا امها
ريم يمه يالله يسالله خن نروح البيت\
وطلعوا وهم زعلانين وام فيصل ماتت من القهر ان اختها اطلعت وهى زعلانه منها [/SIZE]
اطلعت ام سعود وبنتها وهم زعلانين ومنقهرين علا الاخر
ام سعود وهى اتقلد صوت ريم وتقولين بياخذى وما يحبا شوفى اشسوت وانتى يالخبله اتفرجين
ريم وهى تبجى والله لوريها اتشوفين ان ما خليته يطلقها ما اكون انا ريم
ام سعود اى انزين بنشوف ......خلاص الرجال مهو يمج
ام فيصل وهى منقهره حسبى الله عليها من مره ما تستحى شفتو اشسوت قعدت بحضنه جدامنا (لالالازم المبالغه)
ولاكان احد موجود مو قادره تصبر لين تدخل غرفتها حتة ريم المسكينه استحت وقامت من الموقف هذى وخويلد
ادواه عندى اللى حتى ما حشم الموجودين
فى الغرفه ملاك ححححححدها منحرجه من خالد وتصرفاته الغريبه
خالد بعد ما ضحك علا ملاك وشكلها و لبس راح عند سريره ملاك ما تبين اتنامين
ملاك وهى مرتبكه وتفرك ايدينها ببعض خالد ممكن اتجيب جنطتى بسيارتك
خالد:لاء لاء اخاف ما تشتهين ولا لايكون الخادم الخاص فيج وانا ماادرى
ملاك :خالد اخاف اروح بروحى .......
خالد اتخافين انتى اتخوفين بلد بس يالله بروح اجيب الجنطه عشان اعيونك ياحلو
صدت ملاك منه ونحرجه وحست انه قاعد يمسخرها ويستهزء فيها
بعد ما طلع تنفست ملاك ااف فكه منه
طلع خالد واخذ الجنطه وهو داخل ولا يلقى امه طالعه من الخيمه وتبى تدخل البيت واول ما شافته استلمته
وين اللى يقول ما احبها ما ابيها وبطلقها ومادرى شنو اشوف حتى اغراضها اتشيلها لها
خالد:وهو يبوس راسها يمه شسوى اعيونها تخرع فاخاف واروح ركض اسوى اللى تبيه
ام فيصل امبين من صوتك انت وياها فشلتونى بختى حسبى الله عليها
خالد عاد صج يمه صوتنا امبين
خزته امه ذيك الخزه
خالد: يمه شسوى والله اذبحتنى......شالسالفه يمه اخاف تغارين ....
ام فيصل :لاتجيب طاريها ........................انت اصلا ما تستحى ولا تنتخى انا من موقف اليوم يوم اتحطها بحظنك
جدام الناس وانا غاسله ايدى منك
خالد يمه شسالفه سويتيها سالفه وفلم هندى,السالفه وما فيها كتفى يعورنى والمسكينه تدلكه وانتى اتعرفينى ما
اخلى شى بقلبى وبس وبعدين يا ناس انا بغرفتى
ام فيصل :منت خالد اللى اعرفه
خالد :شسوى بعد اسحرتنى وصار اللى صار....دوريلى عاد احد يفك السحر
ام فيصل :اهى اسحرتك انت وبس حتى ابوك مايرفظ لها طلب ...اااااه قاهرتنى
راح خالد ولا يلقى ملاك قاعده تمسح مكياجها بمنديل
خالد:0(والله بدون مكياج احلى ....ابصراحه بكل حالاتها احلى)...انتى هى ليش تمسحين مكياجج حق التخرع
ترى انا واحد قلبى رهيف ما اتحمل افلام الرعب تالى الليل
ملاك نقهرت بس ما ردت عليه
مد لها الجنطتين ...والله انج ذهينه جايبه اغراضج معاج شدراج ان احنا بنام ......بس تدرين امى صاجه انتى اكيد
ساحره وتعرفين
التفتت عليه ملاك ومدت الجنطه له
خالد شنو هذى
ملاك :بجامه لك ومعجون وفرسه الاسنان مالتك
خالد (والله فشله) زين استخدمتى مخج لا لا ء انتى ساحره ما فيها روح تعال
ملاك:(ياليتنى ساحره نفس اللى مع الرسوم المتحركه جان هجيت لمى منكم )
خالد حس انه ثقلها معاها اشوى.......ملاك ما تبين اتنامين
ملاك:(والله ثقه انام انا وياك بفراش واحد ليش بايغه عمرى) لا خالد انا بقرى روايتى
خالد ماشى تصبحين علا خير بس ترى المزرعه بعد الساعه 2 راح تسمعين فيها اصوات بس عادى ترى ما ياذون
اطلعت اعيون ملاك من الخوف وهو اول ما شاف شكلها غطى راسه ومات من الضحك
ملاك قامت تتلفت (لاء لاء اكيد اكيد يجذب ما فيه شى اساسا اهو من متى صدق .......بس والله خايفه )
وقعدت طول الليل وهى تقرى قران وعيونها كلها نوم بس وين تنام ......
علا اذان الفجر طق بابهم ابو منصور الصلات الصلات فزت ملاك ....اشوه الحين اكيد راحوا الجنانوه مع صلات
الفجر(متاثره بافلام مصاصين الدماء )
قعد خالد وهو يتمغط ملاك لى الحين ما نمتى .......الا شخبار الربع تالى الليل كش جسم ملاك وما ردت عليه
دخل الحمام وبعد ما توضى وطلع ......... وقرب منها ملاك روحى نامى علا السرير انا بعد الصلات بنام بالدوانيه
ملاك وكانه مبشرها بشنوا واول ما طلع راحت وصلت الفجلا علا طول ونامت علا السرير وما حست بعمرها
علا الساعه عشر قامت ملاك وهى مستغربه من المكان اللى اهى فيه وتذكرت وردت انسدحت اشوى واول ما
التفتت ولا اتلاقى خالد نايم جنبها انتفضت ملاك زفزت علا طول من الفراش.........هذا متى جاء وشلون يقول انا
بنام بالدوانيه.............يمه الله ستر يالله اتعدى هالروحه علا خير
خالد لما راح الدوانيه لقى ابوه قاعد يقرى قران ومطول ما راح ينام ...فقال ارد غرفتى وانام
اقعدت ملاك واخذت لها شور دددافى ولبست لها دراعه مطرزه علا التطريز الاردنى وحطت كحل داخل العين وروج
رملى وطلعت ولا تلقى عمها قاعد فى بيت الشعر ابروحه والباقى نايمين
ابو فيصل:هلا والله بملوكتى
ملاك :هلا فيك عمى
عمها اشلون النوم بالمزرعه
ملاك :يعنى بس خفت من اللى يطلعون بعد الساعه 2 بالليل
ابو فيصل:ممممات من الضحك الله يقطع ابليسك يا خويلد اهو قالج السالفه
ملاك :ملاك وهى مستغربه اى قالى
ابو فيصل :هذا الله يسلمج يوم كانوا اصغار كانت امهم اتخاف وحنا نايمين يطلعون ويروحون برى ابوحهم فكانت
اتقول لهم هالشى وخالد طبق هالمقوله عليج ....ورد يضحك
ملاك :انحرجت ملاك من عمها وحست انها ساذجه
ابو فيصل :تريقتى يبه ولا لاء
ملاك :مومشتهيه
عمها :لايبه ونادى الصبى يجيب ريوق لملاك اللى ما اكلت منه شى واكتفت بالحليب
ابو فيصل :ملاك بتباتون اليوم بعد
ملاك :اللى خلاص ودها اتروح للبيت............... ما ادرى عمى شبيقول خالد
الا علا دخلت خالد وصبح عليهم وباس راس ابوه وهو يشوف ملاك
ابو فيصل : خالد شخبار اللى يطلعون بعد الساعه ثنتين وهو يضحك........خرعت ملاك وما خليته اتنام
خالد :انصدم ان ملاك قايله لبوه هالسالفه لاء ومصدقه السالفه وبعد .......خالد شسوى فيها تبى تسهر برى قلت
اقولها هالسالفه عشان اتنام
رد لبو فيصل يضحك الله يقطع ابيليسكم
التفت خالد علا ملاك ............يالله تبين انروح البيت
ملاك :كيفك يالله بعد فلم الرعب اللى عشته امس ما ودى اليوم بعد اجربه
ابو فيصل :لاء وانا ابوج ما فيه الا العافيه ....
اطلعت ملاك وراحت لغرفتها بعد مالبست تبى اتروح ولا خالتها بالصاله
انتى هى
التفتت ملاك انا
ليش فيه احد غيرج اهنيه
ملاك :)(يلله اتعدى اليوم علا خير)
انتىياللى ما تستحين ولا تنتخين بس تلممين بخالد وتحطنينه جدام الناس ولا كان فيه ناس قاعد
ملاك :...................