ام فيصل:ماتردين صمخه هذى انتى حيه من تحت تبن
الا علا دخلت خالد ............شنو عسى ما شر ......ولا علا طول ادموعها انزلت .......اتشوف يا خالد اتشوف هذى
اخرتها .....جاهل من دور اعيالى اتهزانى وتقولى انتى شكو فينى انا وزوجى .....لاواتقول انتى اصلا عجوز مخرفه
اشفيها لو حضنته زين ما بسته جدامكم ......خلاص يا اخالد اهى اضمنت انك ما تقدر تستغنى عنها قالت هالكلام
خالد : ما استغنى عنها تقول هالكلام وما تبينى استغنى عنها
والتفت علا ملاك اللى مصومه وعطاها ككككككف طيحها علا الارض
ولا علا دخلت ابوه وعلا طول راح لخالد وعطااه ذاك الكففف وهذى اول مره يمد ايده عليه
ابوفيصل انت الحين تستعرض عظلاتك علا ملاك الحرمه الضعيفه ..........خسارت تربيتى فيك ومد ايه علا ملاك
ورفعها من الارض
ولتفت شوف انت وامك اللى وراك البيت بيت ملاك واللى موعاجبه لايدخله .......
وسحب ملاك وراح لسيارته
اركبى ملاك خن اوديج للبيت
ملاك كانت منهاره حدها وطول الطريق وهى تبكى ..........والله يا عمى انى ما ........قاطعها عمها
ما يحتاج اتبررين انا ادى بكل شى وادرى انج مستحيل اتغلطين عليها هذى انا عارفها
خبزايدى .......................وخالد ماعليج منه هذا جزاه واقل من جزاه
خالد :قعد واقف مو مستوعب اللى صار ......................انا يطقنى ابوى وعشان منو عشان ملاك
(((((الجزء الثامن عشر))))
ملاك وهى بغرفتها ومنهاره من اللى صار اليوم والله انج صاجه يا فرح انا من دخل البيت هذا والمصايب معاى بس
والله انى ما اسوى ولا اذيت احد اهم اللى مو متقبلينى .........ياربى عليك يا خالد انا وانا ما سويت لك شى مو
سالمه من شرك اشلون عاد بعد هالموقف ............ والله ليذبحنى يارب اتعينى علا ما بتلاى ......
خالد :بعد ما استوعب الموقف طلع علا طول مثل الصاروخ ......................
محد يدرى وين راح ....... واخذ له كم يوم ولا احد يدرى وين راح
ملاك ما تبون حالها ما تطلع الا اذا نا داها عمها علا الغدى ولا تنزل الا اذا درت انه وصل بس من الخوف منهم
حتى فجر تغيرت معاملتها مع ملاك بعد الموقف الاخير يعنى كل الناس غلظ وهى بس اللى صح
ملاك وهى اتحاول تتصل علا خالد وتوضح له الموقف وكانت كل محاولاتها فاشله طبعا
ودزت له مسج
(خالد الله يخليك تكفى انا بطلع من البيت اول ما ترد بس انت رد عمى حده متظايق عليك الله يخليك وانا مستعده
اسوى اللى تبيه بس رد )
خالد من قرى المسج .....لاوبعد ادز مسج والله ثم والله ما اخليج ويا ملاك الشر ......ولا انا ابوى اللى عمر ابوى
ما طقنى و يطقنى عشانج ....بس انا اللى كبرت راسج هاليومين يوم عطيتج وجه ....وما صدقتى وتما ديتى علا
امى .....
بعد ما مر تقريبا اسبوعين علا السالفه
فيصل حس ان ابوه علا طول ضغطه مرتفع
فيصل يبه انت ضغطك مرتفع صارلك كم يوم مع ان اكلك زين
ابو فيصل :وليش ما تبى ضغطى يرتفع واخوك بهالوضع انا كل ما اشوف مكانه فاظى بالسفره احس بالتعب اكثر
وودى اسافر اريح بس كاسره ظهرى هالبنيه اللى مالها والى واخوك ومك مستخدمين كل انوال العذاب النفسى
والجسدى عليها .....يبوك هذى يتيمه وانا اللى زوجتها من اخوك ولاول مره ادرى انى اخطيت بس مو بحقه لا
ابحق ملاك انا فكرت بولدى وما فكرت فيها وبالاخر محد اكلها الا هى ......وسكت اشوى
والله يا فيصل لو شايف شكلها وهو طاقها يمكن اتسوى اعبر من اللى سويته يعنى عشان ما لها ظهر يطقها
ويهينها حتى قبل لا يتاكد من اللى اسمعه
يبوك انا عمرى ما مديت ايدى علا امكم علا كثر اخطائها بس اعرف اشلون اعاقبها باللى ايناسبها اما بالعضلات
هذى اسمه جبن لاتك اذا تبى اتواجه احد بعضلاتك واجه احد مثلك موبنت لاحولا لها ولاقوه
والله لو ينعاد الموقف لاسوى نفس الشى
فيصل :وهو منزل راسه والله انك صاج يبه بس انت تعرف خالد ما يتعامل الا بهالاسلوب من وهو صغير ومتسرع
فى كل شى
ابو فيصل :انت قلتها يوم اهو صغير لاكن هذا عمره 32سنه يعنى الى كبره اعيالهم طولهم انا ابى اعلمه شلون
يتحكم بقراراته وما يكون متسره ويضلم الناس معاه ........اما بالنسبه لملاك انا اعتبرها مثل بنتى وانا اللى بتولاها
مثل اى وحده من خواتك
فيصل وهو خايف علا ابوه وحس اشكثر اهو شايل بقلبه وساكت
طلع وهو يدق تلفونه علا خالد ......هذى مو حاله كل يوم طالع لنا بسالفه
خالد كان منسدح علا السرير ولما طالع الاتصال حوله صامت ورد غطى اعيونه بذراعه يحس ان اى شى من
طرف اهله يذكره بالكف مره ثانيه وكانه توه ماخذه
فيصل يوم ياس من الاتصال دز مسج
(خالد ترى ابوى تعببببببان حيييل منك وظغطه مرتفع )
خالد اول ما قرى المسج قام علا طوله ابوى تعبان وسحت اشماغه وعلا طوووووول راح البيت
فيصل :صج انه ما تستحى حتى وانا اقولك ابوى تعبان ما ترد
وقعد خالد بالصاله وهو متضايق علا حال البيت وحال ابوه
الا علا دخلت خالد وهو اعيونه طايره .......وين ابوى وين ابوى ...
فيصل هدى هدى ابوى بغرفت المكتب وترى اذا جاى ادور الشر اطلع احسلك بعد خالد ايد فيصل ...ودخل المكتب
ولا يلقى ابوه قاعد ....
خالد يبه انت ابخير ....اشلونك الحين
ابو فيصل وهو يقوم من الكرسى اللى قاعد عليه و هو وده ياخذه بحظنه من كثر ما اهو مشتاق عليه ... وغمز
لفيصل عشان يخليهم ابروحهم وكان فعلا امبين عليه التعب بس مو مثل ما قال فيصل
ابو فيصل تو الناس يا خالد انت كنت تنتظر اموت علشان اتفكر تجى خلاص كل قراراتك صارت بهالطريقه ما اتعرف
قيمه الشى الا لما تحس انك بتفقده
خالد :بعد ما هدى يوم شاف ان ابوه ما فيه اللا العافيه وانها حركه من فيصل عشان يجى .......يبه انت عمرك ما
عاملتنى يالطريقه وتمد ايدك على ..... على وانا بهالسن ولا جدام مرتى بعد وتقول البيت بيتها يعنى تبينى ادخل
البيت بعد هالكلمه وبعدين وين اقدر احط عينى بعينها
ابو فيصل اقعد يا خالد
قعد خالد وابوه مقابله .....خالد انت عمرك شفتنى فى يوم مديت ايدى علا امك
خالد :..............
ا
ابوه :رد على عمرك شفتنى
خاد: .....لاء
ولا حتى انتوا بس قادر اسيطر وافرض شخصيتى وكلمتى ما شيه ومسموعه بس بالشخصيه انت لما اتمد ايدك علا
بين يتيمه مالها الا الله ثم انت يعنى هذى الرجوله بعينك ....
قاطعه خالد :بس هذى سبه امى يبه وانا ما
قاطعه ابوه ما سبتها وانا شخصيا متاكدوالحين اثبت لك
ونادى ام فيصل ........اللى جت وهى مييته من الخوف من ابو فيصل
ابوفيصل :ام فيصل ملاك سبتج ولا لاء
ام فيصل :اى اهى قصدى يعنى مو سبتنى سبتنى
ابو فيصل :ابى كلمه وحده بس
ا
م فيصل اللى تخاف منه مممموت موسب بس انا يمكن فهمتها غلط
خلاص ام فيصل ممكن اتخلينا الحين\
خالد :انقهر حده( يعنى يا يمه اتحطينى بهالموقف انا وابوى وتخلينى اطق هالبنيه واسوى اللى سويته وهو الاكيد
وتقولين فاهمه غلط)خالدكان منزل راسه وهو يحس انه تايه ويحس كانه بحر ماله لاشاطى ولا مرسى موعارف ا
الصح من الغلط اللى يحبه من اللى يكره
ابو فيصل خالد تدرى ليش مديت ايدى عليك لانى شفت الظلم بعيونك وشفت انت اشلون مستضعف هالبنيه
وحط يده علا لحيته :انزين يا خالد ابك اتفكلا باسلوبك ابيك تتخيل وياى لو دخلت فى يوم ولقيت واحد توه متزوج
اختك فرح او فجر وقاعد يطقها بكل قسوه لانها مو عاجبه امه شبتسوى
خالد:علا طول وبطريقته تفكيره الخاصه والله لنتفه وما يكفينى موته
ابو فيصل وهذ اللى صار انا معتبر نفسى ابو لملاك يعنى لو عندها ابو كان صبر علا هالمعامله لبنته ....مستحيل
احد يرضاها ... هالبنت من ادخلت هالبيت وانا معتبرها بنتى يوم حسيت
انك انت مو موفرلها الامان
خالد : يبه انت تدرى بظروف زواجى بملاك ويمكن يبيلنا وقت عشان نفهم بعض وانا بحاول
ابو فيصل :يولدى حاول علا الاقل تعاملها برحمه حتى لوما كان بينكم حب وانا اشوف ان ملاك صعب الواحد ما
يحبها ...انت لو اتشوف شصار فيها وهى تترجانى اسامحك وتبى تترك البيت عشانك وشكثر حاسه بذنب اهى ما
ارتكبته كان ما سويت اللى سويته.....وفالاخر امك اتقول الظاهر انا فاهمه غلط ....يعنى مشاعر هالانسانه شنو
عندكم انت وامك .....يا خالد ترى ملاك زوجه مو جاريه اشتريتوها بفلوسكم
خالد :من سمع طاريها كان وده يروح طيررران فوق ويشوفها بس ما زال حاس بشرخ كبير بعد كف ابوه قدامها
ملاك اللى من اسمعت ان خالد رجع وهى محتاره تنزل ولا تقعد بغرفتها وراحت للكبت وهى محتاره اشتلبس وعلا
طول طلعت لها بدلهتنوره زيتى وبدى برقبه طويله بعنابى ورفعت شعرها فوق لانه ما يحب تفتح شعرها قدامه
وحطت مكياج علا السريع
مسكره وروج عنابى مثثثير للى يشوفه وحطت عطرها اللى يموت عليه خالد
وفظلت انها تقعد تنتظره بالجناح مالها خاف يفشلها او يصير شى ثانى وهى السبب
ابو فيصل :روح وانا ابوك لحرمتك وارضيها بكلمتين وترى هذى احلى ايامكم استغلوها باللى يسعدكم وابعد عن
المشاكل شوف اخوك ما خلى اى احد يتعدا علا حياته الخاصه والحمد الله عايش احسن عيشه مع زوجته
خالد اللى كان عنده موفاجاه او بالمعنى الصحيح فاجعه يبى يقولها لبوه بس مو عارف اشلون يبتدى
يبه انا وهو يحك شعره انا ترى .....
ملاك خلاص توترت حدها متى يجى او خاف زعل مره ثانيه وطلع .......يارب يارب يتصالح مع ابوه
يارب وتنتهى السالفه هذى وارتاح من هالموال
نرجع لخالد
يبه ابصراحه فيه شى انا كنت ناوى اسويه ومفكر فيه وماجله فتره بس بعد اللى صاح حسيت انى محتاجه ومو
قادر ااجله اكثر انت تدرى انى تزوجت ملاك علشانك ومن اختيارك وانا ما انكر ان ملاك كانت صبوره على وعلا
معاملتى لها بس القلب وما يهوى وانا هاوى ........
قاطعه ابوه ....لاتقول انك تزوجت بنت السكيير
خالد :هذى علشانى وملاك عشان ارضيك وكلهم بخليهم علا ذمتى وملاك ما راح اقصر بحقها ....ومثل ما قلت لك
القلب وما يهوى
ابو فيصل اللى مسك نفسه علا الاخر وشد علا قبضت ايده
تدرى يا خالد انى اخطيت يوم خطبت لك ملاك ومو انت اللى اتقرر تقعد عندك ملاك ولا لاء اهى صاحبه القرار
بس شوف يا خالد هالبنت ما تدخل بيتى لا بوجودى ولا بعد موتى ....وايذا ملاك وافقت انها تقعد عندك بعد زواجك
تجى بيومها وبس
وتاكد يا خالد انك اسات الاختيار والايام بتثبت لك
خالد :يبه ملاك بتقعد علا ذمتى وانا متاكد وما راح اتخلا عنها بس بالنسبه لريم فهذا اختيارى وانا اللى راح اتحمل
النتيجه مهما كانت
ابو فيصل :هذى حياتك وانت اللى اخترت بارادتك
طلع خالد
خالد بعد الموقف اللى صار له من ابوه علا طول رفع السماعه وقال لريم انه بيتزوجها وانه بالليل راح يمر يخطبها
رسمى من ابوها
ريم اللى طارت من الفرحه والله يا خالد والله مو مصدقه يالله متى يجى الليل وتجى
خالد والملجه بعد ما اخلص اوراق الموافقه من الشرطه
طبعا خطبها ابروحه وعلا طول وافقوا ..................
ودخل فيصل علا ابوه علا طول بعد ما طلع خالد
ابو فيصل تخيل يا فيصل ...تزوج بنت خالته وانا اخر من يعلم ......ولافكر اشلون هالناس اتزوجه من دون علم ابوه
واهله ......والله انه ضايع وبيضيع هالبنيه معاه بس ملاك ما راح تبعد عن عينى
((((((((الجزء التاسع عشر))))))))
ابو فيصل :اااه يالقهر بيذبحنى اخوك والله يا هالزواجه انها جتنى فى مقتل يا فيصل علا كثر ما حاول وحاول امنعه
بس ما كو فايده كل ما ارفعه يرجع واااطى
فيصل يبه الله يهديك لاتظايق عمرك الله ان شالله بيهديه واذا علا زواجه من ريم هو اللى بياكلها خله يتحمل نتائج
قراراته بنفسه اذا عليك انت ما قصرت منعته بكل الطرق لاكن الحين خله اهو اللى يتحمل ويعرف ان محد بيتظرر
من اعناده غيره اهو وبس
ابو فيصل :هذا انت قلتها اعناده كل امورهتنوخذ العناد ....وانا مو ذابحنى الا هالبنيه اللى متزوجها وظالمها اشلون
بتتقبل انه يتزوج عليها وهو ما صار لهم وقت متزوجيين يا فيصل
فيصل :اهو مو كفو ملاك ...........خساره هالبنيه فيه بس هذا نصيبها بعد الواحد شيقول
خالد صعد فوق وهو متششششوق حده علا شوفتها ......يحس ان اعيونه عطشاااانه لشوفتها
ملاك :كانت فى قمه توترها ....ياربى لايكون زعل وطلع من البيت يارب يارب يتصالحون اهو وعمى وافتك من
غذاب الظمييير الى مالى شغل فيه .......... ونظرت الحزن اللى بعيون عمى علا ولده ...وانا السبب
وبعد انا زهقت من هالسجن ابروحى علا الاقل يجى حتى لو نتهاوش يردلى الصوت .....واحس ان معى احد لو بعيد
بس بنفس الجناح بدال ما ك يوم اتخييل اشياء واشياء
دخل خالد ,,......وتلاقت العيون ........اللى كلها شوق لبعض بس محد يقدر يعبر عنها للثانى
ملاك مو قادره اتحدد النظره اللى بعينه .....هل هى غضب .................لاءلاءلاء مو نظرت غضب .....هل هى
شوق .......هم بعد ما اظن .............هل هى رضى ........يمكن
بهاللحظه
خالد .....يتاملها .............شكلها ........طولها ...جسمها .........شعرها........عيونها ..............فمها ......اى فمها
اللى دوخه وخزبطه علا الاخر ولا الروج العنابى .............مثثثثثثثثثثير عليها
ملاك:هلا خالد ومدت ايدها تصافحه
خالد:(لالالالالالالالاء تكفين الا الكريما مابى لمسها مابى امسها اخاف اتهور واكلها )..........ومد ايده وهو متردد
ولمسها لمس وسحبها علا طول
خالد وهو يحاول يسترق النطر لملاك اللى اهى بعد امبين عليها التوتر......كان اموتره الموضوع اللى
عنده ....مايبى يخرب هالجو اللى بينهم ونادر ما يكون .........
خالد:ملاك ممكن اتزهبيلى الحمام
ملاك:ابفرح ان شالله خمس دقايق ويكون جاهز وهلا ما اتخاص حمامك اكون جهزت لك العشى
هز راسه بالموافقه
راحت ملاك اتزهب له الحمام (غريبه ايقولى ممكن هذىالكلمه عمرى ما سمعتها من خالد يالله تهديه اكيد اهو
حاس بغلطته ...بس مو منه وهى تضحك ...من الكف اللى خذاه ياليتك ياعمى معطيه هالكف من ليله العرس )
ودخل واخد الحمام وطلع وكان لابس بيجامه كحلى وشعره ما زال فيه شويت ماى
ملاك خالد تبى اجيبلك الاستشار انشف شعرك
خالد:لاءمشكوره ملاك
ملاك:(لالالالاء مو معقوله ممكن ومشكوره فى ليله وحده ....تسلم يمينك يا عمى )
اقعدو علا العشى وكان خالد مبين عليه ان عنده شى ....بعد ما خلص
خالد :ملاك تسلم ايدج ....
ملاك :الله يسلمك فيه الف علفيه (عادى الوضع ما كانه لللعن خيرها من كم يوم المسكينه تبى تسلم بعمرها)
خالد :ملاك بالنسبه للخلاف اللى كان بالمزرعه امى فهمتنى الموقف وقالت انها مسامحتج
ملاك :(لالالاءما قصرتو سامحتونى....علا شنو بالظبط....انقهرت ملاكمن اسلوبه يعنى بعد اللى سوته اتقول
سامحتها )....ملاك انا اهم شى عندى يا خالد ان انت وعمى تراضيتوا وهذا المهم عندى
خالد :يعنى ماهميتج انا (تكففففين قولى انى اهمج تكفييين)
ملاك:خالد انا ما اهمك وانت بعد ما تهمنى ......
انقهر خالد علا الاخر ......انزين يا ملاك وفرتى على المقدمات بالموضوع اللى انا بقوله لج
ومسك تلفونه وبطريقه وكانه مو مهتم ....لانه مو قادر يحط عينه بعينه
ملاك ابيج تدرين منى قبل الناس ....انى تزوجت ريم.....رمى القمبله اللى فجرت ملاك
حست ملاك وكان صوط نارى لسعها بوجهها .......ماتوقعت انها راح تتضايق لهالدرجه من الخبر
يعنى خالد ما يهنى انا ليش اتضايق(ملاك اتحب خالد اتحبه من الصميم قلبها بس اهى قتل هالشعور وطمسه من
اول ليله وضيته ما عادت اتحس فيه من الصدمه
قامت ملاك من مكانها:خالد مبروك منك المال ومنها العيال
((((((الجزء العشرين))))))))
ادخلبت ملاك الغرفه وصكرت الباب وراها .........رمت نفسها علا السرير ونهارت من البكى ....ليش يا
خالد ....ليش ......ريم ريم لو اى وحده بالعالم اهون من ريم ........يعنى اهى بشنو احسن منى شنو بالظبط
............انزين انا الحين شنو مزعلنى ....واهو اساسا بلغنى بهالشى من زمان ......بس والله قويه مانى قادره
اتحمل ....ظلمه ......وتجريحه ...ولا كانى بشر انا خلاص ماعد فينى ماعاد فينى اصبر اكثر من جذيه
وراحت فى نوبت بكى .......
راح وراها خالد وطق الباب .ملاك ملاك فجى الباب .....ملاك فجيه ابيج بموضوع مهم
ملاك :شنو يبى هذا يبى يكمل على بعد اكيد الموضوع المهم انه يبى يطلقنى ...بس خلاص اليوم مانى متحمله
اسمع اكثر من اللى قاله ......
خالد انصدم من ردت فعل ملاك .....معقوله اهى اتحبنى ...معقوله بعد كل اللى سويته اتحبنى والله لو ادرى انها
اتحبنى ...مواخلى ريم واللى خلفو ريم ......بس انا متاكد من انها ما اتحبنى .........لاء ...بس ردت فعلها ما اتقوا
انها تكرهنى .....وبعد ما مرت ساعه تقريبا رد وطق الباب عليها .....
ملاك ....ملاك ......يا قلبى انتى انتى زعلانه يعنى انتى اتحبينى ترى اذا انتى اتحبينى اطلعى وانا اترك الدنيا كلها
علشانج مو بس ريم .....
.ملاك ردى على ........
وبعد ما نفذ صبره ملاك اذا ما طلعتى الحين راح افهم انج ما تبينى ورافضتنى
ملاك .......ماردت ...لانها ننننايمه وماتدرى عن الدنيا نامت من التعب بعد البكى.....وطبعا ما اسمعت اى شى من
اللى قاله......ولا اسمعت اعترافه الخطير
انقهر خالد وحس بخيبت امل مو طبيعيه ......ترفظنى انا ترفظنى بعد ما اعترفت لها باللى بقلبى وانا ما عمرى
سويتها .....ااااه ياليتنى ما قلت شى وخليتها ابقلبى انا اشلون قلت هالكلام
اقعدت ملاك علا الساعه خمس الفجر ودخلت الحمام (وانتو بكرامه) واخذت لها حمام دافى وتوضت وصلت واخذت
القران وقعدت تقرى لين اطلعت الشمس وحست انها ارتاحت اشوى وهدت نفسها
البست عبايه وملفع وطلعت ولقت علا الباب رساله
(انا عند امى )
راحت لبيت جدتها
اول ما ادخلت حست بشعووووور مو طبيعى ....حنين وراحه وهدوء ...ولاتلقى جدتها حاطه الريوق والقهوه
والجاى وقاعده تتفرج علا التلفزيون.......اوقفت ملاك اشوى تحاول اتصيطر علا نفسها
وانحنت اتبوس راس جدتها
ام صالح :اللى تخرعت ورفعت راسها بسرعه .......ملاك .......اشفيج
ملاك كانت اعيونها وارمه ومبين عليها التعب ووجهها امبين عليه الارهاق
اقعدت ملاك ........ولاكلمه ....تبى تمسك نفسها ...........بس
ام صالح :ملاك عسى ماشر
خلالالالالالالالالالالالالالالالالالالالالالالاص ......ملاك ماتقدر تمسك نفسها اكثر وحظنت جدتها وصارت تبكى
وبصووووت عالى ......خانتها اعصابها مثل ما خانها زمنها القاسى
ام صالح اللى صارت تبكى مع ملاك مع انها ماتدرى شالسالفه........ملاك يمه اشفيج يا بعد قلبى
ماردت ملاك ودها اطلع اللى بقلبها من حزن ودها انه ينتهى مع البكى .....ودها ترفع راسها وتلقا كل شى كذب
كل شى كابوس وانها مازالت بنت اصغيره لااعرفت خالد ولا اعرفت الهم
اما خالد بعد ما صحى الساعه 9 وهو تقريبا مانام ....لبس وقبل لايطلع قرى الرساله ......التفت علا المكان معقوله
خلاص راحت وخلتنى لهالدرجه كارهه المكان ما صدقت .....وعبالها انا بخليها
بعد ما هدت ملاك اشوى بس ما زالت تبكى
ام صالح ملاك يمه خلاص قولى لى شالسالفه ترى عورتى قلبى يمه
ارفعت راسها ملاك ابسرعه وحطت ايدها علا قلب جدتها ......يمه انتى اتحسين ابشى وتمسح ادموعها
يمه فيج شى قولى
ام صالح :مافينى الا العافيه انتى اللى اشفيج ياملاك
ملاك مافينى شى يمه
ام صالح:كل هالبجى ومصبحتنى من الصبح واتقولين ما فينى شى
ملاك:يمه اشويت مشاكل مع خالد
ميرى ......ملاك انتى زوج برى وعيون مال هو فيه ووواجد مشكله
اصعدت ملاك علا طول فوق ما تبيه ايشوف ادموعها....عشانه........ واطلعت ...ام صالح
ام صالح :هلا هلا والله بخالد تفظل يمه ليش واقف
خالد :اسمحيلى خالتى خلى ملاك تطلع انا مستعجل
ام صالح:ابتطلع لك الحين يمه بس انت ادخل وانا امك اترد عزيمتى لك
انحرج خالد ودخل ....صبت له ام صالح فنجال
خالد : يرضيج اللى ايصير ملاك تطلع من غير شوى(لاوعينه قويه بعد)
ام صالح :لاء ما يرضينى والغلط راكبها من ساسا لراسها .....بس يا وليدى ترى ملاك جاهل بزر وتجهل الامور
وانت اصبر عليها
خالد :انا ما قصرت معاها (كل هذا والاخ مومقصر)وما راح اخليها مهما صار
ام صالح :كفو كفو والله ....بس يوليدى بطلبك طلب اخليها وانا اللى بردها ما تجى صلات الظهر الا وهى بالبيت
وتحت امرك واللى تبيه بيصير اهى ما تقدر اتعصى الك امر وان عصت انا اللى بكسر لك راسها (ام خالد كانت تبى
تمتص غضبه وخافت عليها منه لاانه كان معصب حده وخافت ياذيها ولا يطقها قالت بعد فتره ايكون هدى)
خالد :انحرج من ام صالح ::خلاص خالتى عشانج بس قبل الصلات اتكون بالبيت
ام صالح :صار
وطلع ....بعد ما طلع اصعدت ام صالح ولا تلقى ملاك لابسه بجامه من بجايمها القديمه وفاكه شعرها ومتمدده علا
السرير
ا
ام صالح :ملاك هذا اللى انا موصيتج عليه اتهدين بيتج وتجين من فجر الله ورجلج ما يدرى شبيقولون عنج
الناس ...بس انا ماعرفت اربيج عدل ........يالله يالله بيتج ولا اشوفج بهالبيت الا مسيره
ملاك :وهى كلها حزن والم وياس ان شالله برح بس خلينى اليوم علا الاقل
ام صالح (كانت تبى اتعرف السالفه وتبى اتفهم ملاك انها عارفه الموضوع)....عاد بصراحه السالفه عاديه وانتى
يا ملاك لانتى اول وحده ولا اخر وحده اتمر بهالموقف
ملاك:قال لها الوقح صج ما يستحى بس اشوى انجدتى تقبلت الموقف......
ملاك :بس يمه انا مانى قادره اتقبل انى اكون زوجه ثانيه وانا بهالسن والله صعبه
ام صالح: شنو يتزوج ....وقعدت علا اول كرسى وحطت ايها علا راسها ودها تمسكه لاينفجر
(حسبى الله ونعم الوكيل لاحول ولا قوةالا بالله ......اااااه عليج يابنيتى والله انج مقروده من يوم ماتو
اهلج ......الحين ملاك ..الزين الصافى .....واالطيب ...........والسنع.......والاخلاق يتزوج هذا عليها ....وحتى ما
صار علا زواجها كم شهر .....حسبى الله عليك يا خالد وانا اللى اقول لها عادى واصبرها .... ملاك ما تشتكى الا
من الشى الكايد............ا نا اكنت حاسه انها مومرتاحه بس مولهالدرجه..........وانا اللى ارتحت من همها يوم
تزوجت وقلت
بتطمن عليها قبل لاالله ياخذ امانته ....وترد لى ......شسوى الحين اترد وبعدين منو اللى بيتولها عمها اللى امرته
تكرها وما اتطيقها ,,,ولاعمتها ومع الرجال الغريب ...ولا خالها الى مسافر بالغربه وزوجته مهى بعيده عن زوجت
عمها بكثير....... ولا خالتها الا معا رجلها باخر الدنيا..ياقلبى عليج يا بنيتى.....مابقى الا.......ورفعت راسها )
خالد طلع من عندهم وراح لقهوه وكان امواعد عبدالله اهناك
خالد :سلام عليكم
عبدالله :وعليكم السلام ....ويبك تاخرت
خالد :كان عندى شغله قبل لااجى
عبدالله :شهالشغله اللى بضحى الجمعه ؟؟؟؟؟؟
خالد :تكفى عبدالله ترى واصل حدى
عبد الله :وهو يلتفت عليه ......خالد شالسالفه انت منت طبيعى يا خالد ....ياخى قول شاللى متعبك
خال د :انا تزوجت
عبدالله : وهو يضحك لا مبروك متى....شفيك انت صاحى يعنى جايب شى جديد
خالد :لاء تزوجت وحده ثانيه
عبدالله :صاحى انت توك متزوج شلك بالهم وعوار الراس
خالد :عبدالله احس انى مشتت
عبدالله :خالد شحادك علا الهم الواحد يدور الراحه والاستقرار .....انت حتى ما مداك تشبع وتمل من الاولى عشان
تاخذ الثانيه
خالد:0(اشدعوه شبعت ولاحتى ذقتها اااه محد قهرنى الا اتى يا ملاك).....عاد هذا اللى صار
عبدالله :انزين ليش زعلان الحين موهذا اللى انت تبيه
خالد:هذا اللى انا ابيه بس ابوى زعل وانا لما يزعل احس بضيقه ......
عبدالله :ما الومه ابصراحه انت اتحر القلب
خالد:عبدالله ترى انا جاى ابى انسى ومو ناقصك
عبدالله :طول عمرك مالك الا شورك حتى لو ما يعجب احد ....
قام خالد ....الظاهر انى اخطيت يوم اجيك
عبدالله مسكه من ايده تعال انت بس خلاص مانى قايل شى اللى سويته صح بس تعال اقعد انا ما صدقت اشوفك
وقعدو وحاول عبدالله يطلع خالد من اللى اهو فيه اشوى ......
فى بيت ام سعود (ريم)
الكل كان فرحان بالزواج الجديد ابو سعود وسعود كان هالزواج بالنسبه لهم مصدر حمايه لاعمالهم الغير قانونيه
لان اسم خالد معروف بهالموحيط لاانه نشط وله سمعته بحكم وظيفته
ام سعود كانت فرحانه ....فرحانه حيل بزواج بنتها من خالد اللى اهو ولد ابو فيصل ....ابو فيصل اللى كانت دايم
اتغار من اختها اللى اخذته........................ واهى اخذت السكير الضايع ومضيعها معاه كان كل يوم مع وحده
شكل واهى تدرى ......ما يدرى عن بيته وعياله ومهملهم ........بعكس اختها اللى مرتاحه وماتدرى عن شى من
الهموم كل همها الموضه والكشخه وتبديل الاثاث وتبديل السياره ......ووين بتسافر هالصيف .....ووين بتشتى
بالربيع......كانت اتغار منها ودايم اتحاول اتخرب عليه ......مع ان اختها اتحبها ومو مقصره معها
اما ريم فكانت مو فارقه معها لانها كان عندها عرض مقارب لعرض خالد بس كان يبيها بالسر وخالد بالعلن فقالت
اختار خالد احسن واقهر ملاك اللى قاهرتنى .......ما خالد فكان بنظرها بطاقت الاكسبرس اللى ما ينتهى رصيدها
ام سعود :ريموه كلمتى خالد اليوم
ريم :ادق ما يرد.....عشتو بصحيه علا صلات الجمعه ....يعنى سنعه
ام سعود :اى خليه يحس انج اتحاتينه بستمرار وعلا طول ابالج
ريم :يمه من هالناحيه لاتحاتين انا اعرف اشلون اظبطه
ام سعود :منتى هينه اللى خليتيه يترك هالبنيه ويجيج .....
ريم :لااء يمه انا ما راح ارتاح لين اخليه يطلقها
ام سعود :وليش بالله اهو بيخليها علا ذمته ان شالله اكيد بيطلقها
ريم :ماادرى ذاك اليوم يوم سالته بييطلقها ما رد على وانا ما سالته مره ثانيه اتعرفينه ابسرعه يعصب
ام سعود :اى اى لاتقولين له شى اينرفزه بهالفتره وانا عبالى بيطلقها ....
ريم :انا اليوم بدق عليه وبقوله انتعشى برى وبجرجره بالحجى واعرف
ام سعود :اى واعرفى بعد موعد العرس حاولى يجدمه قد ما تقدرين ....مايندرى بعد احد يغير رايه
ريم :اى والله ابوه غاثنى ودى اذبحه ....ماادرى ليش يكرهنى وما يبينى اتزوج ولده
ام سعود :شايف نفسه ....وبينى وبينج ما ينلام لاشاف نفسه ....واحنا ياقلبى بنحط راسنا براسه ......
وباجر لاجبتى الولد والثانى خلاص مايقدر ايفج حاجه بعد ......وناخذ اللى نبيه ونتمتع مثل ما خالتج متمتعه
ريم :اي والله يمه ...كل ما اسمع بنات خالتى يسولفون عن سفراتهم ,ووناستهم وعلاقتهم ببوهم اموت قهر
لشمعنى احنا غير بس الحين خلاص كل المشاكل بتنتهى
فى بيت ملاك
ام صالح :بعد ما قكرت بالحل لملاك والشخص اللى ممكن يوفر الامان لها .......
ملاك يالله قومى البسى ومشى معى
,,,,,,,,,,,,,,,,,,,,,,,,,,,,,,,,,,,,,, يتبع