م :صالح : يالله يالله قومى البسى ومشى معاى
ملاك:وين
ام صالح:بيتج بعد وين!! وعطينى رقم عمج ابو فيصل بدق عليه
ملاك :ليش يمه
ام صالح :بسلم عليه ....فيها شى
ملاك :لاء عادى وعطتها الرقم
وكلمته وقالت له انها جايه لهم الحين
اطلعت ملاك وام صالح والهم راكبهم الثنتي
بعد ما اوصلو البيت ودخلوا الثنتين ولقوا ام فيصل وابو فيصل اللى كلن ينتظرهم ......
التفتت ام صالح علا ملاك ...ملاك اصعدى فوق يمه
سلموا علا ام صالح وكان سلام ابو فيصل حار بعكس زوجته
ام صالح :يابوفيصل ابيك بكلمت راس
ام فيصل انقهرت ....حتى انتى بعد يا عجوز النار عندج اسرار وياه
ابوفصيل اى حياج بالمكتب
ادخلوا وام صالح امبين عليها انها امفوله من القهر .....وطبعا ابوفيصل عارف السبب
بعد صمت دام اكثر من خمس دقايق
ام صالح:يرضيك يا ابوفيصل اللى سواه خالد بملاك
ابو فيصل :وهو منحرج حده من هالفعله ......يشهد الله يا ام صالح انى ما عرفت غير امس وانى مهو مرضينى
اللى صار
ام صالح:يابو فيصل ملاك من اعرسه وهى مبين عليها الحزن والهم بس كل ما اسالها اتقول ما فينى
شى......................... واسكت بس والله انه ظلمها بهالعرس ....ليش يعرس ها وهى مو مقصرع بشى لو عنده
عذر ومو مريحته كان انا اللى بخطب ................له بس اهى مو مقصره وانا مربيتها احسن تربيه وعارفه ملاك
لايمكن اتغلط علا احد او اتقصر بحق احد ....اولدك يوم انها موعاجبته وما يبيها وموماليه عينه شاللى حده ياخذها
محد اجبره وقاله تعال اخذ بنتنا ........ليش يظلن هالمسكينه معه
ابو صالح :اللى يلقط وجهه اللى قطعته ام صالح برشلش السانها القاتل........يا ام صالح ملاك بنتى وانا قايله
ملاك ما تطلع من بيتى ومرتك ما تدخل البيت اللى فيه ملاك وملاك والله انها تاج علا روسنا كلنا وانها عندى اغلى
حتى من بناتى وماراح اهتم بوحده من بناتى اكثر مما اهتم فى ملاك
ام صالح:وهذا اللى جابنى يابو فيصل .....ودنقت راسها واخذت لها نفس .....وردت ارفعته.......يابو فيصل انا يوم
زوجت ملاك كان وكان جبل كبييير علا صدرى وانزاح يوم ادخلت بيتك قلت خلاص انا الحين متطمنه انها عند
ناس يمكن حتى احسن منى عندها ......ملاك ...ما كان لها الا الله ثم انا وكنت كل يوم ادعى الله انه ماياخذ امانته
الا بعد ما اتطمن عليها عند راجال يحميها ويكون سندها بهالزمن ......ملاك ظعيفه ملها سند والحين بعد ما ارتحت
يصير لها هاللى صار .....انا اليوم عندها لاكن باجر من بيكون لها محد يتحمل احد يولدى............وملاك وين
بتروح اولدك ذبحنى يا بوفيصل ......
ابو فيصل :يا ام صالح خالد صحيح اعرس بس ترى ما تنازل ولا راح يخلى ملاك اهى اللى قايل لى بلسانه وانا
شارط عليه مايدخل البيت الاعشان ملاك والاانا خلاص طابت نفسى منه .........يا ام صالح ملاك لاتحاتينها ودام
راسى يشم الهوى ملاك ما راح يضرها احد ولا تحاتين ملاك بنتى وما راح تطلع من هالبيت الا علا جثتى
اماانتى فتطمنى .......
ام صالح :عساك علا القوه وعسى ربى يخليك لعيالك والله هذى الهقوه فيك ....ملاك انا عارفه حضها من
زمان ...بس الحمد الله اللى وقفك بطريقا .....ون شالله يرزقها الله بولد مثلك يحميها ويكون سند لها بهالزمن
.....
اما خالد اللى هذا اوله ماينعرف وش تاليه علا الاقل اتجيب لها بزر يكون سند لها بهالدنيا اللى مالها فيها احد لااخ
ولا ولد
ابو فيصل :انا قلت لج ملاك ما تنظام وانا حى .....وترى خالد بعد متمسك فيها اكثر منى
ام صالح :اهو جانى اليوم بعد ما جتنى ملاك منهاره وقالى انه ما راح يتركها ......بس بعد ما عرفت انه بيعرس
عليها وبالهسرعه وهم لى الحين معارس لاوالله الا خفت وخفت .....
قام ابو صالح :ياام صاح تعوذى من الشيطان ورلا اتحاتبن ملاك تراها ابيت ابوها ...خبرتى بنت انظامت فى بيت
ابوها اللى يحبها
ام صالح:بعد كلانم انا ارتحت ....وترى ملاك امانه برقبتك يا ابو فيصل ...
ابو فيصل :وانا بحافظ علا هالامانه لين اموت ....ويالله انا الحين استاذن للصلات وانتى لاتروحين اليوم غداج عندنا
ام صالح اسمحلى ياولدى انا اليوم عازمه ناس علا الغدى وقت ثانى ان شالله
ابو فيصل والله لو منتى عازمه احد كان ماخليتج تطلعين لاكن ترى لج عدا عندنا
ام صالح :ان شالله (طبعا اهى لاهى عازمه احدولاشى بس ما تبى اتواجه احد من اهل البيت اكرهتهم كلهم )
ملاك فوق قاعده ومو عارفه شتسوى ولا اشلون اتعاملمع خالد ماودها اتشوف وجهه لايعه جبدها منه
بعد ما خلصت الصلات والكل تجمع علا الغداء .....نادى ابو فيصل ملاك
واول ما قعدت
ابو فيصل :هلا هلاوالله بشمعت الجلاس هلا والله ننور البيت
انحرجت ملاك من اللى قاعدين.....وابتسمت ابتسامه فيها خجل
ابو فيصل ....وهو يطالع خالد .....ترى الاسبوع الجاى باخذ البنات علسان ملاك وبنروح لبنان كم يوم انتونس
واللى يبى يروح معانا حياه الله
خالد :انقهر ما يقدر يقول شى او يعترض علا راى ابوه........
فيصل :اللله انا وحنان بنروح معاكم بعد
ام فيصل :اللى انقهرت حدها من اهتمام زوجها فى ملاك ..........انا اسمحولى مع انى ادرى الروحه من دونى مو
مرتبه ولا حلوه ....بس شسوى ولتفتت علا خالد عندنا ظرف ما نقدر انخليه ونسافر ....
خزها ابو فيصل لين خلاها ترتبك
ملاك بعد ما اسمعت كلمت الظرف حست بنغزه قويه فى قلبها ...وغصتها العبره ودها تبجى بس ما سكه نفسها
......قامت ملاك بعد ما قام ابو فيصل ....وصعدت فوق
وعلا طووووول علا غرفتها وقفلت الباب
صعد خالد وراها ابسرعه .....واتجه لغرفتها المقفله......تذكر وقفته امس وحس بضعفه ,,,,وتراجع علا طول وطلع
ام صالح :دقت علا ولادها صالح ......الو
صالح :هلا والله بالغاليه اشلونج يمه
ام صالح :مانى زينه وابيك تجى باقرب وقت
صالح:اف يمه عسى ما شر شاللى صاير
ام صالح :فيه خبرين واحد زين والثانى مهوزين
صالح:شنهو الزين
ام صالح : البنت اللى خطبتها لمحمد اللى قلت لك عليها وافقوا اهلها ..وابيك تجى عشان الملجه وخلافه
صالح :ززززين بالمبارك يالله ان شالله شهر ونجى كلنا
ام صالح :لاء ابيك تجى هالاسبوع ترى ما صارت وانا ابروحى وواجه هالمشاكل ابروحى ما كان عندى اعيال وحد
بالشرق والثانيه بالغرب انا خلاص مانى عايشه لكم اكثر من اللى عشته ولاحتى نصه ولاربعه
صالح :يمه هدى هدى الله يخليج لنا انا والله يمه بعد زهقت بس الواحد شيسوى هذا رزقنا ورزق اعيالنا
ام صالح الناس كلها تشتغل بالكويت ومرتاحه اشمعنى انت وانت عندك شهاده ومنصبك حلو وماديتك احسن منها ما
فيه خل الطمع منك وتعاال والله انى مشتاقه لشوفتك وشوفت اعيالك
صالح:اللى حس بحزن وغصه ان امه اشكثر انعانى من بعدهم ........يمه خلاص انا بحاول اجى هالاسبوع بس ما
اوعدج لان عندنا شغل بسان ايمحولى بجى ولا تزعلين يا الغلى
ا
ام صالح :اى والله ترنى تعبانه
صالح:انزين شنهو الخبر الثانى
ام صالح :ااااااااااه يا صالح لاجيت بقولك
صالح:يمه طمنينى الله يخليج ترى ما فينى صبر
ام صالح :لايوليدى لاتخاف الموضوع بينحل ان شالله بس انا ودى اشوفك
صالح :يعنى ما تقدرين اتقولينه لى الحين
ام صالح :لاجيت قلت لك
سكر صالح الخط وهو خايف وخلاص عزم انه ياخذ اجازه ويروح الكويت مع ان الاجازه مابقى عليها الا شهر
صالح: انا لازم ارد الكويت امى عمرها ما كانت بهالحزن
ام محمد /اترد الكويت انت من صجك وشغلك والضغط اللى عليك اشلون
صالح: ماادرى ابصراحه امى حدها متضايقه
ام محمد :صالح انت اتعرف العجايز ترى دايم حساسات وكلامهم عاطفى انت لو تسمع امى لما اتصل فيها جان
قايل انرد علا طول بس عاد الواحد شيسوى نتعب اشوى وبعدين نرتاح
صالح :لالالا انا لازم ارجع امى عمرها ما كانت مثل ما تقولين بالعكس ...بس هالمره غير
ام محمد يعنى اشلون انهد البنات ودراستهم الى ما بقى عليها شى ونرد .....صالح كلمنى بالعقل الله يخليك احنا
بامريكا.....مو بالعبدلى عشان نجى لها اسبوع ونرد
صالح:والله انى مانى عارف شسوى
ام محمد :دق علا محمد واستفسر منه شالسالفه
صالح :مافيه الا هالحل
ام صالح لما دقت علا صالح كانت محتاجه قربه حاسه انها متضايقه وانه لو اهو موجود كان عرف يحل الامور
عدل ويوقف خالد عند حده...مع ان الحقيقع غيييير ذالك
صالح:الو قوه محمد اشلون يبه
محمد :هلا يبه اشلونك وشلون امى
صالح:مبروك سمعنى ان العروس موافقه
محمد اى يبه الحمد لله
صالح :انزين يالهيس انا اخر من يعلم قايل لمك وانا لو امى ما قالت لى ما دريت
محمد والله بدق عليك بس انت سبقتنى وعموما تو الخبر جاينا من ساعه
صالح:محمد يبوك امى شفيها تعبانه دقت وهى حدها متضايقه
محمد :اى يبه امى متضايقه علا ملاك بنت عمتى
صالح :ليش يبه اشفيها ملاك
محمد:زوجها النذل تزوج عليها
صالح:شنو خالد يتزوج علا ملاك صج انه ما يستحى وملا ملاك احد يتزوج عليها .....انزين اهو طلقها ولا لاء
محمد :لاء ما يبى يطلقها
صالح:اشوه بعد يطلقها وين اتروح امى خلاص ما عاد تقدر علا الاهتمام بحد
محمد :اى والله يبه بس اذا ملاك ما تبيه ما عليها منه و العين اوسع لها من الدار(ارجل من ابوه صراحه)
صالح :اللى انحرج من رد اولده ....اى اى والله صاج يولد يالله الحين اخليك وما اوصيك علا جدتك
محمد :جدتى بعيونى يبه
((((((الجزء الثانى والعشرين))))))
ام محمد :شفت شفت ان امك ماعندها سالفه يعنى ملاك زوجها وتزوج عليها احنا شدخلنا بالله اتهد شغلك
والتزاماتك وتروح اتشوف ملاك ........ترى ما صارت هالملاك اللى الكل يحاتيها من صوب
صالح :انتى اشفيج الحين احد قال انى بروح خلاص كلها شهر شهر ونص ونرجع واشوف الامر ...اساسا انا
الحين بظبط الاوراق والامور كلها لاننا راح ننقل للسفاره اللى بلندن وخلالالالالاص راح اتكون اخر محدطه لنا انا
تعبت وتعبت امى معاى .......وبعدين انتى اتعرفين امى ملاك عندها روحها اللى تسرى بجسدها ......والبنت ترى
مسكينه مالها الا الله ثم احنا ......
ام محمد :يييييييوه ترى اذيتونا فيها ...كيفك هد امورك وجامعات بناتك وشوف ملاك ليش متزاعله مع زوجها
يبه هذى اتحمد ربها انها اخذت واحد مثل خالد وتزوج شتسوى بعد لاهى اول وحده ولا اخر وحده
ام محمد :انزين لو هى وحده من بناتج بترضين ان زوجها يعرس عليها وتقولين عادى
ام محمد :...................
ابو محمد (صالح): يالله اشوف سكتى
ام محمد :بناتى انا امهم وانت ابوهم ...اما ملاك لنت ابوها ولا انا امها عشان اشيل همها
طلع صالح وتركها وهو معصب منها
ملاك بعد ما طلع خالد البست ونزلت
ملاك :الو
عمتها :هلا والله بالغاليه
ملاك:حمدالله علا السلامه عميمه والله اشتقت لج
عمتها :ياقلب عمتج والله حتى انا .....الا انتى وينج شكلج بالسياره
ملاك:اى بالسياره
عمتها انزين تعالى ابيج مرينى شنو شاريتلج شغلات موطبيعيه
ملاك:اصلا انا جايتج وقريبه من البيت
عمتها :خوش يالله نا طرتج
وزهبت عمتها القهوه والجاى والمكسرات لزوم القعده
بعد السلام وملاك اخت لها ساعه مع نجلاء بنت عمتها اتبوس فيها وتسولف معها لاانها اتموت بالجهال وطول
عمرها محرومه منهم لااخوان وحتى خالتها اللى تجى من السعوديه وتبات عندهم هم ما عندها اطفال
ومتعطشششين لشوفت جاهل
عمتهاا :نجولاء يالله ماما روحى شوفى التلفزيون فوق
ملاك كانت حاظنه زجلاء وما ودها اتروح ودها انها تلهيها عن الواقع لان عمتها اكيد راح تسالها وهى حدها مالها خلق
عمتها نوره:ملوك شخبار الخطط انشالله انجحت ...الا اكيد انجحت وانا جايبه لج شغلات والله ياملاك راح اتجننه
ملاك:اى يا عمتى تخيلى من كثر ما انجحت الخطه ومنكثر ما تحطم فينى ومنكثر ما خلاص مو قاادر يستغنى عنى
.........................تزوج على ...تخيلى
نوره اللى تبلمت ومو مصدقه ................ملاك انتى شقاعده اتقولين مانى فاهمه.....شنو يعنى تزوج
ملاك وهى اتحاول تتماسك :يعنى اشلون الواحد يتزوج ...تزوج وخلاص
عمتها :انفجرت شنوى يتزوج هالحيوان مو كافى انج تحملتى عقده وبلاويه هالحيوان النذل الحثاله حسبى الله ونعم ا
لوكيل .......وانتى عاد وبكل برود جايه اتقولينها
ملاك :اهنيه انهارت .....موناقصه
احضنتها وعمتها وقعدو الثنتين بجى علا حال ملاك ........عمتها تحس ان قلبها تقطع علا بنت اخوها اليتيمه
والظلم اللى صار لها من هالزواج......
عمتها :بعد ما مسحت اعيونها من الدموع ...ملاك لايكون انتى لحد الحين عنده
هزت ملاك راسها ......اى
عمتها :خلاص مالج قعده عنده النصيب اللى بينكم خلاصانقطع وهو اللى اقطعه .....
ملاك :ودى يا عمتى ودى ما ابى اشوفه ولا حتى اسمع اسمه
عمتها :اى خلاص بعد انتى ما قصرتى ولا تتظايقين انتى من ناحيتج ما قصرتى بس اهو مو كفو الطيب والصبر
ملاك :ما اقدر يا عمتى الحين
عمتها :شنوووو ........شنو ماتقدرين ياويلج ان قلتى لى جدتى
ملاك :اشياء كثيره .....واخذت لها قلاص ماى من الطاوله اللى مقابلتها وشربت ......وبعدين التفتت علا عمتها
عميمه انا بالوقت الحالى ما اقدر اولا اجدتى يوم جيتها اهى اللى ردتنى مع انها اعرفت بالموضوع......(.قاطعتها
عمتها .).....شنواتردج لاء ملاك انتى ما عندج كرامه اسمحيلى لازم اتتركين البيت انتى منتى رخيصه لهالدرجه
عشان اتردين له بهالسهوله
ملاك :عمتى خلينى اكمل.........ثانى شى اهو رافض يطلقنى فى الوقت الحالى ......وثالثا عمى رافض بعد انى اتطلق
عمتها :انزين الكل يقرر ويختار ويقول .....وانتى يا صاحبت الشان شنو رايج
ملاك:انا اذا على مممممممممممممممممابيه خلاص كرهته كرهته كره الموت خلاص مانى
قادره ................جرحنى ياعميمه جرحنى وذبحنى يوم تزوج ومو اى وحده ريم ريم يا عميمه
عمتها :وهى اتحط ايدها علا اذونها خلالالاص ملاك لا تقهرينى اكثر ولتفتت عليها انتى بتقعدين عندى منتى راده
خليه يولى لابوه لابوجده
ملاك: عميمه صعبه انتى ما تدرين اشلون كان شكله يوم تركت البيت ورحت لجدتى الصبح وانا ما ابى اعانده
ويعلقنى انا اكيد راح اتطلق اميه بالاميه منه بس ما ابى اعانده وعمى اهو اللى بيطلقنى منه بس بعد ما اقنع عمى
لاانه اهو بعد معند ......وقال له زوجتك الجديده ما تدخل البيت وانت ما راح اخليك تدخل الا عشان ملاك
عمتها :ابصراحه انسان فاهم وعنده نظر مو اولده ......اللى اشك انه ماعنده عقل يفكر فيه......بس مو معناته انج
تقعدين وتتركين مستقبلج يصيع والسنين عمرج مع واحد ضايع ومو عارف شنو يبى لا انتى حتى الدراسه تركتيها
عشانه....وكل هذا ما بين ابعينه
ملاك:عميمه انا تعبانه حدى مانى عارفه ولا فاهمه شالى يصير فينى
عمتها :ياقلبى يا ملاك .......اشرايج اتسافرين معاى لبنان بعد جم يوم منها اتغيرين جو ومنها اتفكرين عدل
مع ان السالفه ما بيى لها تفكير
ابتسمة ملاك ابتسامه من ورى الف والف تعبيره حزن....عمى بيى يودينى انا والبنات لبنان عالاسبوع الجاى
عمتها :حلو ...وانا بكون وياج بعد
اوقفت ملاك يالله اعميمه اساذن انا بروح قبل لايجى ...مالى خلق له ولا لمواجهه
عمتها :الله وياج يا قلبى انتى.....(ااااااه يا ملاك صج مالج حظ ولا هالزين كله وهالروح الصافيه ....وما يحبها
ويتزوج عليها)
اطلعت ملاك وهى بالسياره ولا تلفونها يدق
ملاك ::هلا والله بالقاطعه
ساره:انا القاطعه ولاانتى يا ملاك وينج من زمان مادقيتى
ملاك :ساره خليها علا الله انى شخبارج هاه ما قررتى لى الحين ترى ما صارت
ساره :ملاك انتى من صجج جدتج ماقالت لج
ملاك :علاشنو
ساره /انا وافقت
ملاك :صج مبرررروك ساره خلاص واخيرا بنصير ببيت واحد انا وياجد
ساره :شنو انا وياج لاحبيبتى كل وحده بيت زوجها
تذكرت ملاك الواقع :المهم صرنا قريب اكثر والله فرحت لج يا ساره والله وزين ما اخترتى محمد يا فلبى ما فيه مثله
ساره :لاحبيبتى لاهو قلبج ولاشى قلبج عندج وقلبه عنده
ملاك:الله من الحين غيره لالالاتخافين محمد اكثر من اخوى
ساره :والله يا ملاك انا وافقت بس لحد الحين مانى عادرف
ملاك :لاتتزوجين الا بعد ما اتحسين انج مقتنعه فيه واذا ما زال هالاحساس معاج خلاص انتو توكم علا البر مع
انى متاكده انج راح اتحبين محمد لاانه صعب الوحده ما اتحبه
ساره :اشوف الغزل مو طبيعى لايكون اتحبينه بس
ملاك:لالاتخافين انا خالد عوفنى الحب ابكبره زين بعد لحد الحين احبج ما كرهتج
ساره :الله الله الله لهدالرجه.....
ملاك :سويره غيرى الموضوع الله مالى خلق هالطارى .......الا متى الملجه
ساره :لى يوصل خالج بعد شهر لانه كلم ابوى بالتلفون وخلاص لما يجى اتصير الملجه علا طول
ملاك :الله يكتب اللى فيه الخير
ساره :ملاك ما ودج انروح السوق ونطلع السينما والله حدى مشتاقه لج
ملاك :ساره والله ما اقدر انتى اتعرفين خالد وما ودى اتمشكل معاه خصوصا هاليومين
ساره :ليش اشفيه بعد
ملاك :مافيه شى ....ساره اخليج الحين معاى خط ثانى
ساره :يالله مع السلامه بس مو تقاطعين
ملاك:ان شالله مع السلامه
ولا جدتها
جدتها:الو انتى وينج فيه
ملاك:هلا يمه انا بالسياره وراده البيت كنت عند عمتى
انزين تعالى لى الحين
ملاك:ليش يمه فيه شى
جدتهالا:قلت تعالى وبتعرفين
دخلت ملاك ولقت جدتها وحاطه الدلاال علا الدوه وقعدتها اترد الروح
ا
اقعدت ملاك بعد ما سلمت علا جدتها هلا يمه فيه شى
جدتها :ملاك انتى يابنيتى يمكن مستغربه ليش انا رديتج ويمكن بعد ماخذه علا خاطرج من موقفى .....بس
ملاك :لايمه انتى لو اتقولين ارمى نفسج بالنار ارميه
جدتها اسمالله عليج من النار ....بس يا ملاك يا قلبى ترى الوحده لااعرست خلاص اتحط فى بالها ان هالرجال
صاركل حياتها ومستقبلها مو من اةل مشكله تطلب الطلاق مثل ما احنا انشوف هالايام علا ادنات الدون يتطلقون
ملاك :يمه انتى تعتقدين ان اللى سواه خالد شى عادى ولا ينسكت عليه .....اذاهذا عادى وينسكت عليه اجل شنهو
اللى ما ينسكت عليه
جدتها :بحزم......اللى ما يصلى واللى يشرب الحرام ويروحله ...والبخيل اللى ماتقدر الوحده تلقى قوت يومها عنده
هذا اللى ما ينسكت عليه اما رجلج مافيه شى من هاللى قلته واقبل انج تتطلقتن عشانه اذا فكرتى تتطلقين منه نرى
انا بزعل عليج....وبعدين (وهى تقرب عند ملاك وكانها اتساسرها ترى واجد رجاجيل يابنتى طاقتهم زايده وما
اتكفيهم وحده وانتى يا بنتى رجلج ترى مبين عليه ....وواجد اللى يروحون للحرام لاكن هو تزوج علا سنه الله
ورسوله وترى احسن لج يوم عندج ويوم عندها وتفتكين منه اشوى)
ملاك :اللى انحرجت اشوى من تلميح جدتها(المشكله انج ما تدرين عن شى يا يمه )ا
ام صالح :ملاك ترى خالد لو مهو متمسك فيج ما جانى وعيونه كلها خوف انج تتركينه ومصمم انه مايتركج وقالى
وعمج بعد قالى ملاك بنتى وما راح اتركها ابد
ملاك :ومن دون ايراده (يمه انتى تقنعينى فى شى انتى اصلا مستنكرته ...وغير هذا محد يدرى باللى بقلبى والجرح
العمييييق اللى سببه خالد وكل يوم يزيد فى عمقه )......يمه انا مالى قول بعد قولج
جدتها :/ ملاك الرجال اعرس واللى صار صارلاكن يابنتى مو عشانه اعرس خلاص ماعاد تهتمين فيه وتتركينه
وتخلينه مايلقى عندج راحه ترى علا طول يميل للثانيه ويتركج لاكن الوحده تريح زوجها وتدلله وما اتخليه متضايق
من شى ....ماتدرين يمكن نزوه وتعدى وحاولى اتجيبين له الولد اللى يشيل اسمه وينسيه بعد
وهى ماراح اتكون مثلج بيجرب ويشوف وانا متاكده ....وكثرى يابنتى الدعاء تالى الليل ترى الله قريب ويجيب دوت
المظلوم
ملاك:ونعم بالله يمه ان شالله راح اسوى كل اللى تبينه
حست الجده ان ملاك تتكلم باراده مسلوبه مجرب تنفيذ للاوامر ....وحست بحزن كبير علا ملاك اللى شالت الهم
وهى اصغيره
ام صالح:والحين يالله روحى لبيتج ترى مالج الا هو وراعيه ولا تخلين الحريم يخربون بيتج
ملاك:(اى بيت الله يخليج اللى خربان من قبل لااجيه اللى يعينى علا مصايبه الجايه يا خالد)
وراحت البيت
خالد :بهالاثناء كان مع ريم يتعشون بمطعم علا البحر
ريم :خالد انت اشفيك شكلك منت طبيعى وين الفرحه اللى كنت اشوفها بعيونك لما نطلع مع بعض
خالد:وهو يرسم علا وجهه ابتسامه مصطنعه .....لايقلبى الا فرحان
ريم :(الا اعرفت ان الرجال مهو مثل اول ان ملاك مغيره فيه اشياء كثيره)ومدت ايدها بكل جراه ومسكت ايده خالد
متى راح يكون زواجنا
خالد :شوفى ريم انا ترى مابى عرس وخرابيط ومعازيم لاء انتى اجهزى وانا امر اخذج وانسافر
ريم :انزين انت اعرست وجربت الفرحه وانا شنو ذنبى ما يكون لى عرس
خالد: ريم ما ابى نقاش بهالموضوع
ريم وهى تسحب ايدها منه بدلع انزين وين بنسافر
خالد :من غير نفس ...كيفج
ريم :انزين انت ليش معصب الحين
خالد:ومن قالج انى معصب الحين
ريم: شكلك مالك خلق ونزلت راسها زكانها تبكى ......خالد انت تغيرت على انت خلاص ما تبينى ابكيفك بس والله
حرام اللى سويته فينى حتى عرس مالك خاق تفرح بزواجنا
خالد:اللى اكسر خاطره ....لاريم والله مو فصدى بس انتى تعرفين ابوى زعلان على ومو معقوله اسوى عرس
وطقطقه وابوى مو راضى
ريم :انزبن خالد انا شنو سويت له عشان يكرهنى كل هالكره
خالد:انحرج وما يبى يحرجها ....ومسك ايدها ريم يا حياتى انتى ما اسويتى شى بس ابوى ما يحب احد يكسر كلامه
وانا تزوجتج مع ان ابوى زعلان وانا ما اتحمل زعله على وبس هذى كل الحكايه وانتى بعد لازم اتقدرين ظروفى
وبعدين راح انسافر انا وياج لاحلا ديره تبينها
ريم :لنزين خالد وين بنسكن انا وياك
انااجرت لج شقه كبيره علا البحر
ريم :انزين خالد ياقلبى انا مشتهيه بيت اصغيرووون علا قدى وقدك وخل مننا الشقق اشرايك
خالد :الى قعد يفكر والله فكره بس لازم اشترى بيتين
ريم :ليش بيتين
خالد :واحد لج والثانى املاك
ريم شنو ليش انت بتخليها علا ذمتك
,,,,,,,,,,,,,,,, يتبع