ملتقى طلاب وطالبات جامعة الملك فيصل,جامعة الدمام - عرض مشاركة واحدة - [قلق+توتر,,,حوسة أول يوم..شاركونا تجاربكم الاولى..,,’~]

حمودي القمر · 2011- 9- 7

اقتباس:

المشاركة الأصلية كتبت بواسطة تشتيتي مركز

مرحبتين ..

اول يوم بالجامعه كان ماساوي بالنسبه لي .. تفاصيل القصه بدت اني رحت مواصله من الحماس وداني ابوي العزيز وما كان معي جوال .. ولا اي وسيله اتصال ... ووقالي اجيك الساعه 1 من نفس البوابه .. لامه كان فيه 7 بوابات ..
ومن صباح الله خير التفائل مالي ملامحي وادور المبنى المطلوب من بين 15 مبنى واحاول اخلص اموري من جدول وكذا واعرف قاعاتي .. لين صارت الساعه 1 واروح للباب المتفق عليه .. وانا اللي احس بنفاضه من التعب .. وبكره للجو العام للجامعه المشتت المترامي الاطراف المليء بالعقد محد يساعد محد له خلق الكل معصب وكلن بحاله .. والاخلاق h من قل النوم .. وانتظر ابوي عند الباب بكامل هدووء اعصابي ابي اصل للبيت واننننننااااام كل طموحي بس انام .. صار 2 وصارت 3 وصارت 4 محد جا ياخذني وما معي جوال
والقى ام قاعده على كرسي كبيره بالسن .. جايه مع بنتها ,, قلت لها يا خاله انا اهلي تاخرو علي وابي اكلم اذا ممكن جوالك بس ابعطيه دقه علشان يكلمني .. الا تنط بوجهي وباعلى صوتها .. (( حركات قديمه تبين تكلمين صديقك هاااااااه لا يا حياتي ما تمشي علي دوري غيرها قللللللللللله حيا ))
وانا اللي اتلفت قلت لها لا والله واهديها وابرر وهي تزود قلت خلاص خلاص ما ابي شي ..
واروح واقعد برا من الفشله بعبايتي انتظر الفرج وتصير 6 وما بقى احد الا العاملات ويجي ابوي العزيز مع ليموزين .. صار له حادث بسيط .. وربي ستر وركبت السياره وانا اشاهق عجزت اسكت قال وش فيك صاير شي .. قلت لا بس ترا منيب رايحه مره ثانيه ابفصل ..
وداومت بكرا عادي واستمر الدوام 4 سنوات مع سبق اصرار وترصد وحبيت هالجامعه وصارت احلى ذكرياتي فيها .. بس ما تب الله اتخرج منها ..

وسلامتك .. تشكرات فكره الموضوع حلوه

ربي يسلمك ,العفو ,مروركـ الاحلى , صراحهـ جد جد كسرتي بخاطري على سالفة العجوز