((((((((الجزء الثالث عشر)))))))))
ريم :شنوى يعنى انت بتخلها علا ذمتك ؟؟؟؟؟؟؟؟؟؟؟
خالد :ومن اللى قالج انى بطلق ملاك انا ما راح اطلقها
ريم :بس انت قلت لى من قبل انك ..........
خالد :انا ما قلت لج شى اللى قلته انى بتزوجج وهذا انا وفيت بوعدى
ريم :بس خالبد يعنى مايصير ..........قاطعها خالد بحزم
مايصير شنو ......انج اتكونين زوجه ثانيه يعنى تبين اتفهمينى انج انصدمتى انى متزوج قبلج ريم عن الحركات
اللى مالها داعى ......
ريم :لاء انا بس توقعت انك راح اطلقها
خالد:لاء توقعاتج مو بمحلها انا راح اجمع بينكم وبعد ما انرد من شهر العسل راح اكون عندج ليله وعندها ليله
ريم :خالد انت صاحى واحد بعمرك يتزوج ثنتين
خالد :شنو شنو عيدى اللى قلتيه
ريم :لالاء خالد انا مو قصدى خالد ياقلبى انت والله من غيرتى عليك و......والله ما اتحمل وحده ثانيه اتشاركنى فيك
خالد:ريم انا كم مره قايل لاتتدخلين باللى ما يخصج اوكى
ريم :بضيق اوكى خلاص انطمينا...........اقول اشرايك اتودينى البيت
خالد :والعشى
ريم :خلاص شبعت
خالد:لايبه منتى راده الا متعشيه يا حبى ياريم لاتنرفزينى انتى اتعرفين انى ما عندى صبر وبسرعه اعصب بس ما ا
ابى اتجيبن هالطارى مره ثانيه
ريم:بدلع وهى تعطيه نظره اتذوب خلاص مانى زعلانه بس انت لاتعصب على
خالد:ماراح اعصب
فى غرفت ملاك
ملاك :كانت بغرفتها وقاطه كل اللى بالكبت وقاعده لترتب من جديد من طيقه الخلق وما تبى تطلع للصاله خالف
يجى خالد وتواجهه
علا الساعه وحده دخل خالد ولا يشوف غرفه ملاك مسكره جا فى خاطره انه يكلمها وتجه لغرفتها كان وده يشوفها قبل لاينام
دق الباب وما سمع رد
ملاك تجمدت وهى ماسكه اللى بيدها وقاعده علا الارض وحتارت اترد ولا تخليه يولى
طبعا خالد ماكو صبر فتح الباب ولا يلقى ملاك قاعده علا الارض ولابسه بيجامه لو وست كاروهات وردى بازوق
وبدى ضيج وردى وفاكه شعرها وكان شكلها ررررروعه
انصدمت من جرءات خالد وشلون دخل عليها مع ان الوضع بينهم اسوء من السيء
وخالد انصدم من شكلها الملائكى وشعرها اللى متناثر علاجسمها والباقى علا الارض ووجهها الصافى
خالد بعد ما بلع ريقه وحاول انه يكون عادى قعد علا الكرسى اللى جمبه ............ملاك ممكن اكلمج بموضوع مهم
تذكرت ملاك اسلوبه الذرب والصدمه اللى بعده فخافت منه ....لاما يكون دفش ما وراه شى ولاما يكون ذرب يعنى
وراه جريمه ثانيه
ملاك وهى منزله راسها :خالد شبقى ما قلته
خالد :وهو مو عارف شنو يقول ملاك انا امس صارحتج باللى بقلبى وانتى
قاطعته ملاك .....(طبعا اهى ما اسمعت اللى قاله واهو لحد الحين عنده امل) صارحتنى بشنو اساسا انا عارفه
هالشى من زمان
خالد:بصدمه من زمان وانتى حاسه انزين ايش ما قلتى ,,.....او علا الاقل وضحتى لى
ملاك :شتبينى اقولك او اوضحلك شى واضح من اول ليله انك ما تبينى
ولا تبى شوفتى وانك تبى وحده ثانيه ....بس انا ماكنت ادرى منو اهى بالظبط وكنت شاكه
خالد :(الظاهر هذى ما اسمعت الى قلته لها امس) ملاك انتى ما سمعتى انا شنو قلت لج امس بعد ما صكيتى الباب
ملاك :ادرى انك كنت تبى اتقول شى مهم بس قلت اكيد يبى يطلقنى فقلت ااجلها ليوم ثانى
خالد :بس
ملاك بعد ما ارفعت وجهها ليه فيه شى ثانى تبى تذبحنى فيه يا خالد
خالد :االلى مستمتع بشوفتها والحوار معها حتى لو اهو كلام جارح وقاسى بس اشوف هالعين اللى فيها شى غغغغغغير عن الناس كلها
لاء يا ملاك بس ايج اتعرفين انى ما راح اتركج مهما صار يا ملاك وبتظلين زوجتى
ابتسمة ملاك لالا تبينى اقعد علا ذمتك يعنى كسرت خاطرك لهالدرجه ...لاء حبيبى انا ابى اتطلق منك اليوم قبل باجر
خلالالاص متنازله لريم لكل القسوه والتجريح اللى عندك عشانى لهاحلال عليها يا خالد
اما انا فما قصرت سويت اللى عليك واكثر يعنى انا كنت ابيك تصبر اشوى عشان امهد لجدتى بس انت ما قصرت
لو ادرى ان عندك خطط سريعه كان انا من زمان قايلتلك اتحل مشكاتى
خالد:ملاك لاتظلمينى انا قلت لج انا ماراح اخليج مهما كان
ملاك :خالد الاتفاق اللى بيننا انتها وخلاص جدتى اعرفت انك متزوج وتقبلت الوضع وشى اكيد انها راح تتقبل
الطلاق لانى خلاص ما عاد اقدر اصبر عليك اكثر
[ ((((((((((الجزء الرابع والعشرين )))))))))))
خالد :يعنى انتى اكيد تبين الطلاق
ملاك وهى ما زات منزله راسها ...اى ابى الطلاق وهذا اهوالوضع الطبيعى لعلاقتنا.....
خالد:وانزين اذا ما طلقت شنو راح اتسوين
ارفت راسها ...........خالد انت ليش تبى اتعذبنى وبس .......انت كنت تبى اطلقنى وانا اللى كنت اترجاك ما طلقنى الا
بعد فتره والحين يوم صرت ابى الطلاق اتقول خلاص ما ابى انت ليش اتحب اتعذبنى انا ادرى انك عنيد بس انا ما
اعتقد انى اذيتك ابشى من تزوجتنى ودايما احاول ما اضايقك ليش انت اتحب اتعذبنى ....خالد يعنى انت متزوجنى
عشان اتعذبنى ....وانهارت ملاك من بجى
نزل خالد من الكرسى وقعد علا الارض .......ومسك ملاك من اكتوفها ......وحضنها .......وهو اللى كان ميت انه
انه يقرب منها .......... ما قاومته ملاك كانت تبى اى حظن ترمى نفسها فيه اى حظن حتى لو كان حضن
خالد ...كانت اتحس انها تايهه وضايعه ومو عارفه شنو اللى لازم اتسويه وهذا شنو بالنسبه لها ....هل هو حبيببها
اللى اتحبه .....او الداعدائها مهى عارقه بالظبط .......المهم انها تايهه ومو عارفه وين الصح
شدت ملاك عليه وضمته اكثر وهى تبجى .........وخالد خلالالالالالاص مهو قاد وده يبكى معاها انا شسويت فيها
فيه انسان عنده قلب وياذى هالملاك الطاهر ......صج ما عندى نظر .....
ملاك بعد ما استوعبت اهى وين ....اسحبت نفسها منه وهى منحرجه ......وبحركه لاايراديه لمت شعرها وحطت
اعيونها بعيونه اعيونها كانت كلها ادموع وخشمها احمر ...حس خالد انه مجرم بحق ملاك وهو يشوف هالدموع
بعيونها وهو السبب
خالد مسك يدها : لاء ء لاء خليه والله يجنن
ملاك :مستغبه ......(هذا شنو فيه والله لو اموت ما اهمه دايم يزفنى لافكيته والحين اهو اللى يطلب انى افكه)
خالد انت ما تحب شعرى
خالد :من قال انا اصلا (وحس خالد بنفسه انا شنو قاعد اقول شكلى خرتها ) اصلا ما احب اظايقج وانتى بغرفتج
خلى شعرج علا راحتج بالغرفه
ملاك:(ما تتغير يا خالد) ...خالد انت اتحب ريم ومن قبل لانتزوج ...وخطبتنى وانت ما تبينى طبعا انا ما كنت ادرى
وصرت بالرجلين والحين تزوجت ريم وما صار لزواجنا الا فتره قصير وتبينى اقعد بعد اللى شفته وسمعته منك
انت وريم لبستونى الذنب من اول ما تزوجت وكنتوا تنتقمون منى مع انى ما كنت ادرى باللى بينكم وتعتقدون انى انا
اللى اذيتكم مع ان العكس صحيح انا اللى اكثر وحده تاذت ......لاانك ما تقدر اتواجه عمى او تعارضه فصبيت كل
غضبك على انا ....اللى دخلت هالبيت وانا ما ادرى ومتفائله بحياه حلوه مثل اى بنت وانصمت صدمت حياتى فيك
خالد .....انا ما انسى يوم وديتنى لريم عشان اعتذر منها مع انى ما كنت غلطانه وسكتت علشان بس ما اتطلقنى
وقبلت الاهانه ......خوفا من الطلاق ....وما انسى شهر العسل والبنت اللى حضنتها قدامى وانا اشوف بعينى وانا
ما صار لعرسى سا عات ...........ولو بقول بعد عن مواقفك المشرفه بيطلع الصبح ما وفيت بحقك يا خالد ...وفى
النهايه تتزوج حبيبتك اللى دست على وعلا ابوك وعلا كرامتى جدام الناس كلهم وشمت اعدائى فينى وخليتنى علج
بحلوج الناس والحين اتقول ما ابى اطلقج .............لا يا خالد انا ما اقدر اصبر معاك مهما صار
خالد: ملاك معاج حق بكل اللى قلته بس الحين مثل ما خدمتج ابيج تخدمينى ......انا ما طلقتج قبل عشان جدتج
والحين ابى منج اتردين الجميل
ملاك_(صج ما تستحى والحكى معك فاظى اى جميل بعد كل اللى سويته ) شنو تبى منى
خالد :انتى يا ملاك اتعرفين راى ابوى بالزواجى من ريم .....وما خالانى ادخل البيت الا عشانج واذا طلقتج بهالوقت
راح يزيد غضبه على ويطردنى لاانى طلقتج وانتى بعد عارفه مكانج عند ابوى وانه يعزج حييل (وما الومه ) وكمل
وانتى ما ترضين انه يطردنى ويزعل على وانتى الحل بيدج وتسكتين
ملاك: ابصراحه اا ما شفت واحد بحياتى مثلك
خالد :وبكل برود مغلف بشششششوق لها........... ليش
ملاك :يعنى انت متى بتعتقنى
خالد :لين يرضى على ابوى من زواجى من ريم ويتقبل الوضع بعدها اطلقج (خالد يدرى ان ابوه مهما صار ومهما كان ماراح يتقبل ريم)
ملاك:والله انك ما تستحى تبى اتعيش حياتك طبيعيه وانت متزوجه وانا اكون اهنيه عشان تقدر تدخل واترضى
ابوك .....انزين اذا ما رضى
خالد :انتى علا ذمتى لين يرضى
ملاك :حرام عليك خالد ترى انا علا فكره بشر وعندى احساس مانى اله تشتغل علا كيف فلان ومزاج علان
ابصراحه انا ما شفت اوقح منك ......تدرى عاد انى كل يوم اشوف شى يكرهنى فيك اكثر من اللى قبله\
خالد: اجرحته كلمتها الاخيره ...... وحب يقهرها .شوفى عاد ترى انا عطيتج وجه اكثر من الازم ابتقعدين يعنى
بتقعدين .....لين
يرضى ابوى علا ريم وعلى وبعدين مالج عندى الا الشارع ... وقبل لايطلع اقول .ترى من بعد ما ارد من شهر
العسل انا وريم ابى القاج بغرفتى ابى زوجه صج مو كلام علا الاقل احلل المهر وطلع وخلها مذهوله
ملاك : لالالا مستحيل يكون هذا من البشر ....لاغزالله انى ابتلشت بواحد مجنون وفاصل على
خالد دخل غرفته وهو يضحك ....مجنون عشان اطلقج مسسسستحيل اطلقها انا اصلا ما اتخيل هالمكان ولاحتى
حياتى من دونها .........ززياحلوها وهى منصدمه ....بس مصيرها بتقبل الوضع وراح اخليها اتحبنى ,,,اما طلاق
مستحييل
دوام ريم
كانوا الموظفات اللى مع ريم مسوين لها حفله بمناسبه الملجه
ريم :والله ما ادرى شقول لكم بس ما كان له داعى اتكلفون علا عمركم
ردت وحده من الموظفات تستاهلين ريم ولا كلافه ولا شى ......كان فيه موظفه توها متعينه
ريم وهى اتخزها : انا شايفتج قبل هالمره
البنت :اى اصلا انا اعرفج[/size]
((((((الجزء الخامس والعشرين )))))))
ريم :اتعرفينى ؟؟؟؟
البنت :اى اعرفج مو انتى بنت خالت خالد زوج ملاك
ريم :اللى الحين اهو زوجى
البنت :تزوجج مسرع توه متزوج
ريم :انتى منو
انا نوف بنت عم ملاك
ابو فيصل : وهم علا الغدى هاه ملاك زهبى جنطتج
ملاك:اللى بعالم ثانى من بعد اللى اسمعته من خالد امس......هلا عمى ما سمعتك
ابو فيصل :يالله بنسافر باجر ملاك ما زهبتى جنطتج
ملاك:عمى عادى لواتاجلها اشوى
ابو فيصل : ليش يبه فيه شى
ملاك:ماادرى احس انى تعبانه
خالد كان يسمع ومتاكد ان ملاك ما راح اتقول شى
ا
ابو فيصل :اذا سافرتى راح اتحسين انج احسن
ولتفتت فجر :ولاك عفيه ترى حدنا مستانسين وما صدقنا هذى سفره لاهى علا البال ولا الخاطر وراح تجى اكيد شى
موطبيعى
ملاك:اااه ياليت قلبى مثل اقلوبكم مرتاح انا ابتليت بخالد وريم
ملاك :خلاص علا راحتكم
بعد ما خلصوا اكل
ابو فيصل :خالد تعال ابيك بالمكتب
ودخل المكتب
خالد التفت علا امه وهو ياشر بيده شنو يبى
امه : يحظى واهو من متى يقولى اللى يبيه
ترك خالد امه ودخل .........هلا يبه تبينى
ابو فيصل :وهو مبين عليه انه ماله خلق .......انا بسافر انا وملاك .......وبنقعد اسبوعين بهالفتره ابيك تتزوج
هالبلوه اللى اخترتها وتخلص ما ابى ارد وانت لحد الحين ما خلصت امورك وما ابى شى ينقال جدام ملاك لامنك
ولامن امك واليوم اللى نرد فيه تجى عند ملاك .... وترى لولا ملاك ما تقعد عندى بعد اللى سويته ........ ..اعتقد
اسبوعين واجد عليكم
خالد :خلاص فاهم
ريم : قطع هالطارى انتى بنت عم هالخايسه
اللى قاعدين انصدموا من اسلوب ريم
نوف :اى بنت عمها وما الومج يوم اتقولين هالخايسه ...ابصراحه احنا استغربنا لما خطبها ولد خالتج مع ان
سمعتها بالحظيظ
ريم استغربه الرد .......!!!!!!!!!
نوف لاتستغربين اهى صحيح بنت عمى بس انا ما اواطنها كللللش بعد اللى سوته
ريم :واللى كانها لقت كنز ثمين من المعلومات عن ملاك..........يمه انا ابى اى احد يحب هالبنت ما كو الكل يكرها
نوف :ماتدرين هذى حيه من تحت تبن .........
وقربت ريم كرسيها من نوف وبكل لهفه ........قولى لى فضفظى لى عنها
فى غرفت ملاك
كانت قاعده اترتب شنطتها ولا يدخل خالد ومن دون ما حتى يطق الباب .........وهو يصفق .........شاطره ملاك
ماردت ملاك ..........
خالد اشعليج بتسافرين باجر
ماردت عليه
انتى شنو صمخا
ملاك وطرت عليها فكره .....خالد عاد تدرى انى راح اشتاق لك
خالد انصدم من ردها ................وخق علا الاخر......صج ملاك
ملاك ...وبدلع عمره عمره ما شافه عليها ....اى مع انك راح اتكون مع وحده ثانيه
خالد :............بس انتى بتكونين معاى
ملاك اى معاك انت اصلا بتزوج ومو اى وحده حبيبه القلب وانا شنو يعنى وحده لاراحت ولاجت مجرد واسطه
عشان تدخل البيت
خالد :وهو يبلع ريقه ويحاول يتاكد من كلامها ملاك اتى زوجتى بعد ومثل ما لريم لج
ادرى انى زوجتك بس مو اللى لريم يكون لى
خالد :(لالالالالالالالاء مو معقمله تقصد اللى فهمته ). وبكل شوق ولهفه ......يعنى شنو شقصدج
ملاك وهى اتمد ايدها وبكل جراه علا قلبه وهذا مستحيل يكون لى
خالد :استوى علا الاخر (لاوبعد اهى اللى اتقرب ) وقال وهو حده مرتبك هذا لكم انتو الثنتين
ملاك يعنى تبى اتفعمنى انك اتحبنى انا مثل ما اتحب ريم
خالد :انتى بيدج اتخلينى احبكج مثلها
ملاك(لاانا ابى اكثر منها بووووواجد ) ياليتنى اوصل لربعها
خالد : (انتى وصلتى وتعديتيها من زمااااان ) وتكلم بثقه انتى وشطارتج .........
ملاك:(والله ثقه ) بس انت قلت اذا رضى على ابوى وعلا ريم بترمينى بالشارع الحين وانا عادى كنت منقهره
اشلون لو احبك اكيد بموت لاءلاء خلاص هونت
خالد :بترجى :ملاك انا قلتها بلحظت غظب وانتى تدرين انى لما اعصب ما اعرف شقول
ملاك (اى تعدل انا اوريك انت وريموه ) يعنى انت ما كنت تقصد
خالد :اى ما كنت اقصد وقرب منها
وعلا طول ابعدت خالد لو سمحت انت قلت لما ارد من شهر العسل
خالد :وهو وكانه بيفقد اعصابه شو افرقت الحين ولا بعد ما ارد
ملاك :تفرق عندى انا ........
خالد :اشلون .......
ملاك:ابى افكر عدل واشوف يمكن كلامك هذا كله لحظت ضعف
خالد :والله ملاك مهى لحظت ضعف انا فعلا من زمان ابيج بس كنت خايف عليج منى
ملاك منك ليش
خالد :مووقته تعالى الحين
ملاك :لاحبيبى مو علا كيفك مره تبينى ومره ما ودك بشوفى انا ادرى انك من تتزوج كل هالكلام بيتغير
خالد :مارح يتغير شى
ملاك :اشظمنلى انت دايم توعد وتخلف
خالد :انا متاكد
ملاك انا ابى اشوف بعد عرؤسك ان تغيرت انا بعد راح اقعد وما راح اطلب الطلاق وان ملت لها وتركتنى وهذا
اللى انا متوقعته علاالاقل ما اكون وهقت نفسى
خالد :وهو متنرفز خلاص ما شى يا ملاك الايام بتثبت لج
ملاك (والله لرد لج وله الكف مضاعف يا ريم)
وطلع خالد وهو مفول ........اااااااااوه متى ترد من السفر والله مو حاله متزوج ثنتين ومو محصل نص وحده
دوام ريم
اى كملى كملى والله وطلعتى منتى هينه وانا اقول شلى رمها هالخبله علا ابو فيصل واعرفت اشلون اتميل
راسه طلعت انا الخبله اى كملى
اى اقولج بعد ما خطبها اخوى طبعا بعد ما قطت روحها عليه اكثر من مره اكتشف بعد فتره انها لها علاقات مع
شباب .....وما احط بذمتى انها مخربطه مع واحد وتبى اخوى يستر عليها
ريم :وهى منصدمه ...........معقواه اشولن اجل خالد مخليها علا ذمته
نوف :وهذا اللى معقدنا كلنا
ريم :منو كلكم كل الفريج والناس اللى يعرفونها....
نوف:.اى عاد اخوى لما عرف طقها طق وكان يبى يذبحها بس امى امنعته باخر لحظه
ريم :ليش انتى كنتى موجوده؟؟؟؟؟؟؟
نوف :لاء بس امى اللى قالت لنا
ريم :والله وطحتى بيدى يا ملاك وانت يا العجوز المخرف اللى فضلتها على
((((((((((الجزء السادس والعشرين)))))))))
فى يوم السفر البست ملاك جاكيت ابيض طويل وملفع ابيض وبوت ابيض لحد الركبه ولبست اكسسوارات صفراء
وحطت مكياج ناعم
ونزلت بعد ما نزلت الخدامه اغراضها للسياره وكان الكل ينتظرها البنات كانوا كاشخين وحنان وفيصل
وقبل لايطلعون الا علا دخلت خالد راد من الدوام
خالد :خلاص ما شين ؟
فيصل :اى والله ...........وقرب منه وبصوت واطى ما ودك اتخاوينا وتترك اللى براسك
خالد :عطاه نظره ومشى
ملاك افهمت الموقف (لاوتبينى اثق فيك بعد وانت ميت عليها اساسا انت ما حبيت غيرها وانا مجرد واسطه وتسليه
لك لما اترد البيت وتطر تقعد عندى بس حريمتك يا خويلك )
ملاك الحقت خالد ............خالد اشدعوه ما تبى اتودعنى ؟؟؟
خالد :ابصراحه الروحه هذى مالها داعى من اساسه......
ملاك :وهى اتنزل راسها بطريقه وكانها زعلانه .......وعطته ظهرها تبى تمشى وتخليه
خالد :ملاك وهو يمسك ايده ..........تعالى يا قلبى موقصدى ازعلج بس انا متضايق اشوى
ملاك:خلاص خالد انا بمشى عمى بالسياره ورفعت نفسها ....وباسه علا خده ...خالد هذى تحت الحساب وطلعت
علا طول
خالد وقف مذهول من التغير اللى طرء علا ملاك ااااااااه ياليتها ما اتسافر ......ولحظت ماهو واقف ولا يدق تلفونه
خالد :هلا ريم
ريم :وينك يالقاطع من امس ما سمعت صوتك؟؟
خالد:ريم زهبى نفسج عقب باجر باخذج ونسافر
ريم :من صجك
خالد :اى من صجى يعنى اتغشمر
ريم :لاء مو قصدى انت قلت الخميس
خالد :لاء خلاص عقب باجر ان شالله
ريم :بس يبيلى اشويت ترتيبات
خالد :عندج اليوم وباجر واللى عقبه بالليل بنمشى
ريم :خلاص ومايصير خاطرك الا طيب
ملاك وهى بالسياره وقاعده اتفكر بخالد............ياربى شهالبلوه ولله انى ابتليت فيه واخاف مانى قده ولا قد ريموه
بس مالى الا الحيله لين اشفى غليلى فيهم الاثنين
ابو فيصل الحلو بشنو سرحان
فجر :ابمنوبعد بولدك الحنون
التفتت ملاك بسرعه وبين ان الكلمه اجرحتها
ابو فيصل :بعد ما عطى فجر ذيك الخزه ....
فجر :وهى تبى اترقع الموقف .....اى يبه شفت اشلون خالد متضايق من بعد ملاك شكله يكسر الخاطر
ملاك :تبى اتضيع السالفه عمى باى منطقه بنروح بلبنان
ابو فيصل :بالرمانه اهناك شقتنا
فجر :اى والله ملاك راح تستانسين شى موطبيعى المظر اللى يطل من البلكونه
ملاك: علد انا من زمان خاطرى بلبنان
فرح : طبعا بستهزاء مغلف بستفسار ......معقوه ما عمرج رحتى لبنان.... وصدت
ملاك :ردت بذكاء الله يخلى لى عمى ويودينى
فرح : وهى اتقرب من ملاك وما تبى ابوها يسمع على بالج ابوى فاظى لج ترى بس هالمره عشان الموقف اللى انتى فيه
انقهههههرت ملاك :اى موقف قصدج زواج خالد ....يا قلبى عادى ترى عندى واقل من عادى
فرح :مو معقوله اول مره اسع وحده عادى عندهاان زوجها يتزواج
ملاك:ادرى ياقلبى بس انا غير عن الباجى
فرح:تبى تقهر ملاك انقهرت...........بس قهر ملاك وجرحها كان اضعاف اضعاف اضعافها
فى بيت ام صالح
ام صالح :وهى اتصب فنجال اقهوتها .........ااااه ياقلبى علبج ياملوكه عزالله انج مقروده ولا لو ماخذه ابو فيصل
بدال اولده كان ابرك لج من هذا اللى لايفهم ولاينتفاهم ................مهو ابوه اللى كله رجوله وطيبه ويعرف يقدر
المره ... وعنده العوبه اللى ما تستحى وحاطها فوق راسه ........بس الواحد شيقول ....يالله انم اتسهلها وتوفق
ملاك ...........
بهالاثناء دق تلفون البيت ورفعته
ام صالح :الو
فاطمه بنتها :قوه يمه اشلونج
ام صالح:هلا والله ببنيتى اشلونج يمه
فاطمه احلمد لله اشلونج وشلون ملاك من زمان ما دقت على
ام صالح :والله ملاكحالتها حاله ........واليوم سافرة
فاطمه :ليش يمه عسى ماشر اشفيها ملاك
ام صالح:فاطمه انتى متى بتجين ............ما اتقولين لرجلج ويجيج محمد ويجيبج
فاطمه :والله ودى يمه الا ميته علا الجيه بس ماادرى بقوله واشوف
ام صالح :اى والله يبنيتى قوليله ولهانه عليج
فاطمه :حتى انا يمه والله ولهانه اليوم بقوله وبشوف
بعد ما سكرت فاطمه حست ان امها حدها متضايقه ..........الا علا دخلت زوجها
فاطمه :هلا والله ببو عزوز يالله بقوم احط لك العشى .............وحطت له العشى ....وبعد ما تعشى وشبع
فاطمه ابو عبد العزيز ابى منك طلب
زوجها :خير شعندك
فاطمه :بس لاتعصب
ابو عبد العزيز: سفر للكويت مافيه
فاطمه :الله يخليك تكفى والله امى صوتها تعبانه
زوجها :امج عندها ولد ولدها وعندها بنت بنتها ويعنى مهى بخلا
فاطمه :انا ولهانه عليها .....وانت اتعرف انا ماوراى شى ............وام عبد العزيز ما اتقصر معاك يعنى اروح
وانا متطمنه
زوجها :انتى كم سنه معاى
فاطمه :اللى افهمت شبيقول ...............
زوجها :اذا قلت لاء ما ابى نقاش خلصنا
فاطمه ظاق خلقها وانقهرت من عرس ملاك وهى ما شافت امها ......
وصلو لبنان كان علا المغرب وبعد ما ارتاحوى
ابو فيصل :يالله يا شباب خن نطلع نتعشى ونرد نرتاح عشان باجر نقعد بدرى والف فيكم المنطقه
فرح وفجر يالله دقايق يبه
ونزلوا وتعشوا وقعدوا سوالف وضحك ووناسه وحست ملاك انها فعلا مستانسه علا تعليقات عمها وعلا سوالف
فيصل وحنان عن ولدهم اللى اتركوه عند ام حنان
وردوالبيت ومن الصبح اطلعوا وما ردو الا بالليل
كانت ملاك طالعه من الغرفه ورايحه المطبخ ولا تسمع عن غير قصد فيصل وابوه
فيصل :ى يبه اليوم سافر مع ريم اسبانيا ...
ابوفيصل :خله يولى لاتتصل عليه خله يشبع من هواه مرد بيتحسف
ملاك اهنيه حست قلبها طاح من مكانه ورجعت علا طول للغرفه ......وراحت لسريرها ..........ودها تبجى بصةت
عالى بس مستحيه .....انا اشفينى يعنى ما ادرى انه بيتزوج ....خله يولى ليش اتضايق بلعنته...............وبعد
اشوى تذكرت .........ومسفرها اسبانيا .........وتذكرت سفرتها معاه .....وزاد قهرها .....حاولت اتنام ما اقدرت
((((((((الجزء السابع والعشرين ))))))))
ملاك جافاها النوم من كثر ماهى حاسه بالضيم من اللى صار لها من خالد ومو لاقيه اللى يوقفه عند حده
يعنى لو عندى اخو او ابو كان سكت علا هالمهزله اللى انا فيها ......تزوجنى وهو ما يبينى والحين وهانى وذلنى
وماكفاه كل هذا والحين يتزوج ويبينى اقعد عشان يرضى ابوه فينى ......لى متى انا اضحى بكرامتى وعمرى
عشان الناس .....والله ظلم اللى قاعد يصير ومحد ماكلها الا انا ......................
فى ربوع اسبانيا ...............خالد وريم وانسجام ممممممممممممموطبيييعى ..........لاكن خالد كان حاس بانه
ناقصه شى ..........اما ريم فى قمه السعاده كل يوم فى سوق شكل وفى مجمع شكل وما خلت شى ما اشترته
خالد:......وهو قاعد ويفكر ومبتسم ..................... والله مشتاق لج يا ملاك .....ولعيونج اللى فيها سحر
ايذوب اجبال ....ماكنت متوقع انى لهالدرجه بتعلق فيها .........معقوله حب .....بس ما اتوقع اهى حلوه وانا
ما اقاوم الزين ....والله ودى ارد ابسرعه واشوفها ......
مرت الايام علا فرح وفجر وحنان والكل مثل البرق من الفرح والوناسه ............ومرت علا ملاك ابطاء
واصعب واثقل من اى وقت مر كل يوم كانه دهر . وحتى عمتها اللى كانت تبى تجى ما اقدرت ..........فى اخر
يوم راحوا السوق
فرح :اللله اتشوفين فجر اشحلات هالساعه اتجنن عاد امى خاطرها فيها
فجر :اى والله اشرايج نشتريها ......لمى
احسبوا البنات اللى معهم من الفلوس ولقوها ما اتكفى ..........ابوهم لما يسافرون يعطى كل وحده مبلغ وما تتعداه
ويكون دايم رالهى بس الساعه كانت غاليه
فجر خساره ما اتكفى الفلوس خلينا انروح اندور غيرها
ملاك فكرت بفكره يمكن تقدر بعدها تكسب فرح او اتغير نظرتها لها .....وراحت واشترت الساعه ...واشترت
وحده ثانيه لجدتها
وبعد ما اوصلو البيت راحت ملاك لغرفت البنات وطقت الباب
ملاك : بنات ممكن ادخل
فجر :حياج ملوكه تعالى
فرح مالها خلق .....وصدت للكبت اطلع لها بيجامه وكانها تبى اتغير يعنى لاتدخلين
دخلت ملاك وهى فاهمه الحركه ومدت لفرح العلبه اللى فيها الساعه
ملاك :فرح هذى هديه منى لج ....
فرح اللى فجت حلجها من الصدمه .....(انتى تعطينى هديه اكيد هذا مقلب .....اشفتى منى عشان تعطينى هديه)
ملاك: مدت ايدها ومسكت ايد فرح وحطت العلبه فيها .......يالله اخليكم تاخذون راحتكم .....وطلعت
اقعدت فرح علا السرير واتفتت علا فجر اللى بعد منصدمه .......
فجر /فكى الهديه وشوفى ....؟؟؟؟
افتحت فرح العلبه ولا تلقى الساعه اللى اليوم كانو ا يبون يشترونها لمهم
فرح : معقوله ....يعنى تبى اتبين لنا انها تقدر تشتريها......... لاوتعطينى اياها بعد
فجر :وهى تسحب الساعه ....حرام عليج صج منتى كفو لو تبى اتحرج كان خذتها لعمرها وقهرتج بس انتى علا
طول ظن السوء عندج ......ملاك بنت مافي مثلها بس انتوا ما عطيتوها مجال من دخلت البيت والكل
يهاجمها ورافضينها عشان ريم وكاهى ر يم تزوجت خالد ومسافرين ومستانسين والمسكينه هذى
اهنيه. ........فرح لاتلومين ابوى فى ملاك ......ترى تكسر الخاطر ......وكفايه عليها خالد وجنونه وهى ....
فرح : معقوله يعنى انا اعاملها هالمعامله وهى تشتريلى وهديه عشان اعطيها امى.......لامو معقزله انتى اللى
طيبه زياده ما اتفهمين ......انا مستحيل اقبل منها هالهديه والحين بروح لها وردها لها وراح اتشوفن اشلون ردت
فعلها ام ما قالت لى انها اشترتها لى عشان تقهرنى واتبين لى ان ابوى يعطيها اكثر منى ما اكون انا فرح
وراحت لغرفت ملاك ولا تلقى ملاك قاعده تمسح المكياج اللى بوجهها واثار الكحل........ اللى سايحه من عينها
لمى ردت الغرفه......
فرح : ملاك مشكوره ما ابى منج شى
التفتت ملاك وهى اتحاول اتبين انها طبيعيه .........فرح فيه اخت اترد هديت اختها الكبيره ..... انا الله ما عطانى
خوات انتى وفجر مثل خواتى واتمنى انج انتى بعد تعتبرينى مثل اختج ......
فرح (:انحرجت حييييييل معقوله كلام فجر عنها صح) .......لاء ملاك بالعكس يعنى انتى مثل اختنا بس هذى حيييل
غاليه وبعدين احنا كنا نبيها حق امى ...
ملاك :ادرى انج تبينها حق خالتى وعشان جذيه ما بغيت اشوف شى بخاطرج وانا اعندى وما اعطيج .....لانى
والله احبكم وودى انكم تعتبرونى مثل اختكم .......
فرح :خلالالالالاص ما اقدرت تمسك نفسها .........ورمت نفسها بحظن ملاك وبكت ........معقوله يا ملاك انتى
اتعاملينى بهالاسلوب وانا ماذيتج من اول ما شفتج.........(حست فرح انها ماتسوى شى قدام ملاك وحست انها
صغيره حيييل قدام ملاك .....وحست بكبر قلب اللى واقفه قدامها وانها اغلطت عليها حييل )
فجر اول ما ادخلت انصدمت من الموقف ...كانت متوقعه اى شى غير هاللى اتشوفه فرح بحظن ملاك؟؟؟؟؟؟؟
ملاك:خلاص فرح لاتبجينى ترى اللى فينى كافينى والدموع تنزل من اعيونها
فجر :بعد بكت ما تدرى ليش بس بكت ........عاد خلاص انتى وياها سويتوها فلم هندى .....
وقهدو البنات وسوالف وضحك وكل وحده منهم خشمها احمر .......حست ملاك ان الجو اللى اهى فيه مريييح ومن
زمان ما حست فيه ما كان احد يحبها غير فجر وكانت اتخاف من زعل اختها فماكانوا يقعدون معاها كثير
وكانت اتحس انها منبوذه بينهم ......الحين الوضع تغير ومن ملاك اللى اغلبه الكل بطيبتها
دخل عليهم ابو فبصل ,وستانس لما شاف البنات كلهم مع بعض وخصوصا فرح
ابو فيصل :الله يديم هالضحك لو ادرى انكم بتستانسون جذيه ...كان من زمان جايبكم ....بس خلاص بين كل فتره
وفتره ناخذ لنا اجازه ونجى اهنيه
فرح :اى والله يبه صج استانسنا حيل وما راح انروح الا وملاك معانا حتى لو خالد ما يرضى
ابو فيصل : خالد انا مالى شغل بحد لو منو ملاك بنتى انا ومحد يمنعها من ا ىشى تبيه
ملاك :انحرجت الله يخليك لى ياعمى ولا يحرمنى من طيبه قلبك
ابوى فيصل : انزين انا الحين باخذ ملاك منكم اشوى
ارفعت ملاك راسها ......وهى ما ودها اتسولف ابشى ....ان شالله عمى وطلعت معاه للبلكونه
ابو فيصل : فجر سويلنا قهوه فرنسيه انا وملاك
فجر: ان شالله يبه
ولتفت ابو فيصل علا ملاك ....اللى حت ان بطنها مغصها وكان فيه شى اسوء من اللى راح
ابوفيصل : ملاك انا جبتج اهنيه ... وخليتج كل هالفتره ........ابيج اتريحين وتحاولين اتفكرين بهدوء وعقلانيه
ملاك خالد تزوج وهو الحين مسافر مع زوجته ......وانا ادرى ان هالكلام قاسى وصعب علا اى مره متزوجه
وانا عارف ان خالد ظلمج ......بس اهو متمسك فيج ورافض انه يطلقج ......بس اذا انتى ماتبين تبقين علا ذمته
والله لطلقج منه .....غصب عليه ......وهو مايشوف الدرب وانتى بتظلين بنتى وانا المسؤول عنج .....
اصلا انا ماخليته يدخل البيت الا عشانج ولا كانمن زمان متبرى منه يوم انه عاندنى وكسر كلامى وانا عمرى
ما قصرت عليه بشى.........والله يا ملاك انى حتى مانى قادر اشوف وجهه .....اذا ما تبينه .....قولى لى الحين
وانا من باجر اطلقج منه وبتظاين انتى بنتى وانتى الداخله وهو الطالع
ملاك حست ان عمها حملها حمل اكبر من طاقتها ....يعنى معقوله افرق بينه وبين اولده ......وهو اللى عاملنى
وكانى وحده من بناته .......لايملاك مو انتى اللى اتفرقين بينهم ......ولحد الحين انا ما بردت قلبى فيهم الاثنين
ملاك: لاء يا عمى انا ما يرضينى انك تتبرىء من اولدك وتطرده مهما كان يا عمى هذا اولده وانا بظل غريبه
ابو فيصل :غريبه يعنى انتى اتحسين انج غريبه
ملاك:لاء والله ياعمى انت عاملتنى معامله يمكن لو ابوى عايش ما كان عاملنى ايها بس انا ما يرضينى يا عمى
انك تطرده حتى لو انا طلبت الطلاق واساسا انا مانى طالبه الطلاق وبعدين يا عمى لاتزعل علا خالد القلب وما
يهوى وانت ماتقدر اتحكم بقلبه .....هذا شى قصب عنه يعنى اهو وده يضايقك لو يبى كان ما تزوجنى لاكن اهو
حاول يرضيك .....وفى نفس الوقت ماقدر ينسى حبه او يشيله من قلبه وانا مقدره هالشى .......اما بالنسبه لى فهذا
حظى ونصيبى والحمد لله علا كل حال صحيح ان خالد ما يحبنى لاكن ما يكرهنى والدليل انه رافض يطلقنى وانا
ماخسرت شى بالعكس انا كسبت ابو وخوات وعزوه وحبكم وهذا بحد ذاته يكفينى يا عمى
ابوفيصل (اااااااه ياليتج قلتى طلقنى منه ولا قلتى هالكلام اللى يذبح انا جنيت عليها يوم زوجتها خالد ولا ملاك ما
مايستاهلها الا انسان بمعنى الكلمه انسان يقدر الكنز والعقل الرزين )).....ملاك انتى لج حريت الاختيار وااذا
حسيتى بيوم انج ماتبين
ا
ه قولى لى وما لج الا طيبه الخاطر .....
قامت ملاك وهى مبتسمه وباست راسه ......لاتحاتى يا عمى انا ماخذه قرارى وانا مقتنعه بس ما ابى منك الا انك
ترضى علي خالد وبس
ابو فيصل :الله يكملج بعقلج يا بنتى
ملاك:تصبح علا خير
ابو فيصل وانتى من اهله
راحت ملاك لغرفتها ونامت
فى اليوم الثانى
ردوا للكويت وكانت ام فيصل تنتظرهم فى البيت
البنات كلهم حظنوا امهم وبوس وتلمم وملاك واقفه ما تدرى اتسلم عليها ولا اتصافحها
بعد ما خلصوا البنات من السلام جت حنان وباست راس خالتها وملاك ما زالت واقفه
ام فيصل مدت ايدها لملاك قبل لاتفكر انها اتبوسها ......
ملاك (اشوى انها هى البدت مو انا ) ومدت ايدها ملاك وصافحتها .....وسيده اسحبت ايدها وكانها مسكت شى
قذر ........ولتفتت علا البنات هاه اشلون السفره من دونى
فجر والله يمه حيل فقدناج
حنان اى والله خلتى السفره من دونج انتى ومنصورى الصغير ملها طعم والله ولهنه عليه
فرح وهى تحضنها ...اى يمه خلاص اخر مره انروح وانتى مو معانا
ام فيصل :اى والله حتى انا بعد زهقت من يوم سافر خالد بعد عمرى وانا ضايق خلقى ,,,,ييييوه ماشفتوا ريم يوم
عرسها ....ملكت جمال ......وخالد بغى يستخف يوم شافها وحتى ما صبر سيده اخذها علا البيت وما خلانا
انصور معها .......( وتعدت تضحك ) ....المسكين ما بغى يعرس
وقفت ملاك :عن اذنكم بنات بروح ارتاح
ام فيصل :صج قليله حى عن اذنكم بنات وانا طرطور......... ولا كل هذا غيره حبيبتى هذى ريم تعرفين يعنى
شنو ريم يعنى ماكو وجه مقارنه بينج وبينها
حذى تاج راسج وتسواج وتسوى عشره منج انتى فاهمه وبعدين انتى ليش جايه يبه الولد ماااااايبيج بالعربى ما
فهمين ........ولتفتت علا البنات ....لاء وتغار بعد
ملاك: مشكوره يا خالتى وما قصرتى واذا علا القعده اعتقد انى قاعده ببيت زوجى وانه لحد الحين زوجى
مافيصل:صج قويت عين وترد بعد (وكان هالانسانه مالها اى حقوق )
اصعدت ملاك وهى شبه منهاره ناقصتها انا بعد هذى اللى بتكمل على .........
فرح :يمه حرام عليج مو كافى ان خالد متزوج عليها
ام فيصل وهى تلتفت : منو اللى قاعد يتكلم انتى .....شالسالفه سوتلج اللى مسويته للبيت كله
فرح :لاء يمه بس تكسر الخاطر يعنى متزوج عليها وانتى بعد اتزيدين
قاطعتها امها : ولا كلمه لو مو عاجبها الوضع شاللى يخليها تقعد علا ذمته لى الحين لاكن هذى طفيليات باى
نكان ..اتعيش ولا منو اللى بترضى ان زوجها يتزوج لا وتوها حتى ما صار لها كم شهر سكتى بس واللى يعافيج
حرام.....هذا مو منكم من اللى عطتكم اياه
البست ملاك وطلعت وراحت لجدتها وهى ولهانه عليها
ام صالح :هلا والله ببنيتى اللى خلتنى وراحت ......لا واخذت دكتورى معاها
ملاك وهى تضحك والله يمه بس افكر فيج واحاتيج واللى مطمنى اشوى ان محمد عندج
ام صالح :اى يابعد عمرى عمره ......
ملاك :هاه يمه اشلونج عقبى
الا علا دخلت ميرى .....ماما بس يقعد اسمع هذى اغنيه يطلع فى تلفزيون
ملاك وهى تلتفت علا جدتها وتهز راسها (والله واحشنى موت حق ماجد المهندس ) صح
ام صالح :الله يقطع ابليسج يا ميرى
ميرى ماما يبكى واجد لما يسمع
احضنتها ملاك وهى تضحك انتى مو ما تسمعين اغانى وتهاوشينى قبل لاسمهتها الحين انتى اللى تسمعين
يا بنتى الاغنيه هذى جايه علا الوتر
ملاك :الله لايحرمنى منج يا قلبى
ام صالح :ولا منج يمه
ملاك :تبى اتغير الجو العاطفى اشوى ....يمه شخبار خالتى فاطمه ما راح تجى
ام صالح :اااااااه يبنيتى والله انى ودى اشوفها المسكينه متضايقه زوجها ما ينطاق ومتحمله مع انها لا ولد ولا تلد
ولا شى
ملاك :بتلقائيه ماادررى شاللى مصبرها عليه (وفجاه تذكرت نفسها .....انا الوم خالتى وانا مثلها او يمكن اردى
منها علا الاقل زوجها حتى لو اهى صعب اشوى بس يحبها وما يرضى عليها وما تزوج عليها الا بعد ما ياس
من علاجها .....اما انا غغغغغي
ام صالح : لاء يابنتى هذا زوجها ومهما صار مالها الا اهو المره مالها الا زوجها وهو مومقصر معاها عشان
يعنى ما يجيبها علا طول اهو رجال مشغول ومو فاظى كل يوم ايوديها ويجيبها لنا ...وبعدين الله يسلم التلفون
كل يوم اسمع صوتها صحيح انى ودى اشوفها بس عاد شسوى ( ام صالح كانت تبى اتوصل الرساله لملاك )
ملاك:صاجه جدتى (يعنى اوصلتنى الرساله)
ارتاحت ام صالح من الرد ......تى ملاك ما قاتيلى شخبار السفره
فى اسبانيا
خالد وهو يحط ايده علا الليد اللى مغطيه اعيونه
ما يحتاج قلبى يحس فيج قبل لاتوصلين وسحبها لين صارت بحظنه
ريم :وهى تلعب بشعره خالد حيبى خن ناجل الرده كم يوم بعد والله لى الحين ما شبعت منك
خالد :منى ولا من السوق
ريم :بدلع من الاثنين
عنى تبينى اغار من السوق
ريم : قلبى شقت الدنيا هذى كلها ما توى اظفر رجلك عندى ولا تشك بيوم ان بيكون لك ند بحياتى
خالد :وهو يحضنها لصدره ياقلبى علا الحجى اللى بيخلينى اهون من الرده
ريم :خالد تكفى تكفى اجل الرده جم يوم
خالد :ياقلبى انتى والله لولا ال دوام ما كان رديت بس شسوى لازم ارد
ريم وهى تسحب عمرها دام الدوام بعد الواحد شبقول
خالد :ريم يا قلبى ترى اول يوم ارد فيه بروح للبيت الثاى
ريم : ششششششنو