((((((((((الجزء الثلاثين))))))))
دخلت ملاك الغرفه وصكرت الباب بالمفتاح
وهى اتهف علا وجهاها بيدينها ...........ااااف يمه ما بغيت اسلم منه ......يمه يخرع .....وراحت الحمام وغسلت
وجهاه ابماى بارد وشافت نفسها بالمرايه .........معقوله خالد تغير ....احس وكانه واحد ثانى مو اللى اعرفه
الله يستر اشلون بتعامل معها ..............وبتسمت ابتسامه خفيفه ....بس والله وناسه لو يكون جذيه علا طول
حنون وطيب .....مع انى متاكده انه ما راح يصبر او علا الاقل لين يوصل للى يبيه ويرد مثل اول
............................ااااااااااه ياراسى ذبحنى التفكيير ....لو ما تزوج يمكن كنت اقدر اسامحه لاكن بعد ما
اعرس ينسى .......
000000000000000000000000000000000000
فى اليوم الثانى راحت ريم من الصبح للطبيبه
الدكتوره :بعد الكشف امبين ان ما فيه شى يعوق الحمل انى من متى متزوجه
ريم :من اسبو
ولا امها اتقاطعها ...من كم شهر
الدكتوره ترى عادى تو الناس وامر طبيعى التاخير
ام سعود : لا يادكتوره احنا نبى منشطات عشان اتحمل هالشهر
الكتوره ابصراحه اهى ما تحتاج منشطات واذا تبى اكتبلها مومشكله
وكتبت لها الدكتوره الدواء وطلعوا
ريم يمه مو تو الناس ترى ما صارلى اسبوعين
امها :لاء مو تو الناس انا ابيج اتحملين علا طول وقبل الثانيه ......لانه راح يترتب عليها اشياء كثيره واهمها
رضى ابوه ......................................وغصب عنه راح يقتنع ولا شاف حفيده خلاص راح يطخ وتدخلين
وتطلعين علا راحتج وغصب عن الكل
ريم :اى والله يمه .....والحين بمر الصالون بسوى شعرى ومكياجى لاانه راح يجى يتغدى عندى
امها :يالله اجل قطينى علا بيتى بالاول وروحى وهاه ما اوصيج عاد بالدلع والاسلوب الحلو ولا تعارضينه علا
شى بهالفتره كلش وكل شى بوقته حلو ...............
ريم :ماشى يا حلو
000000000000000000000000000000000000
اقعدت ملاك امبجر وزهبت له الريوق وكا نت لابسه قميص نوم ابيض وفوقه روب ابيض ولامه شعرها كله فوق وحاطه شريطه بيضاء
شكلها كان ناعم وحلوه ومو حاطه الا قلوس وردى فاتح
طلع خالد من غرفته وكان لابس لبسه العسكرى اليوم اول يوم بيداوم بعد ايجازت العرس
شاف ملاك .........وراحلها قريب منها وهى ابتعدت بطريقه هاديه يعنى ابعد عنى
فهم قصدها وما حب يعلق او يقول شى بس بين عليه انه تضايق (بخليج علا راحتج وبشوف
شنواخرتها...........بس يارب اصبر وما اخربها )
خافت ملاك من ملامحه اللى امبين انه متضايق اشوى ......وحبت اتغير الجوى
ملاك:خالد بتتغدى عندنا اليوم
خالد :ومن دون نفس لاء
ملاك: (لاء غز الله زعل ) انزين بتعشى عندنا
التفت خالد وبنظرته الحاده ....ليش انتى ما تدرين ان اليوم لريم
ملاك: اسفه عبالى تو ما بدى الجدول
خالد :لاء بدى وباجر علا الغدى اكون اهنيه........ ونشوف
ملاك(شتشوف) مسرع ما تغير مزاجه مالك امان يا خالد......تجرات ملاك وقالت كلمتها
راح اشتاق لك
خالد : (اعجبت خالد الكلمه وحس انه بيطير بس ما بغى يبين لها )........واضح حييل عليج الشوق
ملاك :خالد لاتفهمنى غلط انا قلت لك خلنى علا راحتى
خالد :مومشكله بس لاتقعدين اتقولين انا بشتاق وما ادرى شنو وهومو صحيح (كان يبى يستفزها عشان اتقوله كلام حلوه )
قربت منه ملاك ومسكت كتفه وباست كتفه يعنى اقرب شى ومغطى باللبس وعشان ترضيه اشوى
حس خالد وكان قشعريره سرت من مكان اللى باسته ونتشرت بسرعه رهيبه لجميع اجزاء جسمه
وحاول يمسك انفعاله ....ويكمل اكله
ملاك: هذا خالد اللى اعرفه مو اللى امس صج مالك امان الحين ولا كانه اللى امس حنون وطيب وجنتل .....صج لى قالوا ابو طبيع ما يجوز عن طبعه
الله لو يرد الحنون اللى امس علا الاقل التعامل معه مريح مو هذا اللى مانى قادره حتى اطالع بوجهه من الخوف
لالالالاء غز الله مهو صاحى ولا فيه انفصام بالشخصيه
خالد وقف يالله تبين شى
ملاك :خالد بغيت اروح اتغدى عند جدتى اليوم
خالد :مو مشكله بس اتردين قبل المغرب
وقبل لايطلع كان وده يبوس خدها بس تردد
ملاك :حست انه كان يبى شى وتردد...............خالد تبى شى
خالد :بتوتر باين عليه مع انه يحاول يخفيه .....لاء لاء سلامتج وطلع
وهو بسيارته صج انى غبى بوسها وما عليك منها انت قلت منت مسوى معها شى الا ابرضاها بس ما قلت مانى
بايسها ....بس ما ادرى ماودى ازعلها منى ......
باجر باجر مانى مخليها ..........
بالدوام الكل سلم عليه وبارك له
فايز :اشعليك ثنتين مره وحده
خالد(قل اعوذ برب الفلق من شر ما خالق) اذكر الله يا رجال
فايز:لااله الا الله ..
خالد: ويومك ودك ليش ما تتزوج انت بعد
فايز :لايمعود انا وحده ومو قادر عليها ولا علا اعيالها هالمره ثنتين ...لايحوشك
عبدالله: قرب من خالد مبروك.................. الدوام من دونك مو شى
خالد :الله يسلمك
عبدالله ترى الليله عازمينك علا العشى انت والشباب كلهم
خالد:لايا عبدالله ماله داعى وعزيمتك اوصلت
عبد الله اليوم اخذ لك بريك منهم وتعال استانس والله ولهان علا سوالفك
خالد:خلاص ان شالله وين
عبدالله :بالشاليه بعد وين
ماشى
00000000000000000000000000000000000
طلع من دوامه وراح البيت عند ريم ولا تستقبله بالاحضان والقبلات الحاره والكلام المعسول
ريم : وهى اتفج زراير جيبه ......حرام عليك امس ما قدرت انام خلاص تعودت عليك .....اخر شى اخذت المخده
وحضنتها
قط خالد قميصه وحضنها ياقلبى انتى..... اليوم كله عندج اشبعى منى علا كيفج
ريم :اشبع انا عمرى ما راح اشبع منك
خالد :ياقلبى وباسها من جبهتها .....ريم حبيبتى يالله حطى الغدى ترى حدى جوعان
ريم :وهى تسحب عمرها خالد يا قلبى انا ما سويت غدى
خالد :عقد حواجبه ليش باللله
ريم :خالد ابصراحه انا ما اعرف
خالد : يعنى شنو ما اعرف!!!!!!!
ريم :يعنى ما اعرف .....ونطت ومسكت اذراعه اشرايك اخلى سايق اهلى يدز لنا غدى
التفت خالد فجاه ومسكها من اذراعها ....والله ان سويتيها ليكون اخر يوم لج انتى فاهمه اخرتى اخذ اكلى من
ابيوت الناس ليش بالله شقالولج .....المطبخ هذا عندج وبتعلمين يعنى يتعلمين ....انتى فاهمه
ريم :انزين انتزين هد ايدى حرام عليك ......لاتاذى اللى بطنى
خالد :شنو ........ورد مسكها شنو اللى بطنج
ريم : ابدلع وهى تبعد عنه .........خلود اصغنون
خالد :والله والله انتى متاكده
ريم :لاء مو متاكده بس الدكتوره اليوم اتقول موامبين بس احتمال ايكون فيه حمل ولا اتعبين نفسج
خالد:انزين ارتاحى ارتاحى الله يهديج ليش ما قلتيلى
ريم |:كنت بفاجاك بس انت خرعتنى قلت هذا اللى بيذبحه قبل لا يدرى
خالد:يا قلبى والله ما كنت ادرى وقام علا طول ومسك التلفون
ريم :وين وين
خالد: بدق ابشر امى وابوى
ريم :ارتعبت اكيد بيعرفون انها تكذب ما صار لهم اسبوعين وحامل .........لالالالالالالاء خالد لاتقول لحد
خالد: ليش
ريم: خالد نا مومتاكده بس اخاف مو حامل ويصير موقفى مو حلو انت شيضرك اصبر جم يوم وانتاكد
خالد :والله مانى قادر اصبر ودى ابشرهم واخليهم يفرحون
ريم :خالد لهالدرجه اتحب الاطفال
خالد :ابشكل ما ينوصف اموت علا الجهال
ريم :انزين اشلون علا الطبخ
خالد:"لاءلاء مالج شغل من باجر بجيب لج طباخه اتساعدج
ريم(صج ان افكارج جهنميه يا ام اسعود تغير اميه وثمانين درجه بلحظه) والغدى
خالد :يالله قومى اعزمج باحلى مطعم بالكويت يا ام منصور
ريم :شنو منصور انت من صجك اسمه قديم
خالد :قديم ولا مو قديم راح اسميه منصور
ريم :اقول امش خن نتغدى والاسم يحله الف حلال.........وطلعوا
0000000000000000000000000000000000000000000000
ملاك تغدت عند جدتها وهم قاعدين يشربون جاى
ام صالح :خالج بيجى الاسبوع الجاى وبيملجون ان شالله الخميس الجاى
ملاك :ياقلبى يا خالى والبنات والله ولهانه عليهم
ام صالح :اى وساره بنت خلج بعد خاطبها واحد من معارف امها ....والملجه الشهر الجاى
ملاك :صج ماشالله سنه الزاج هذى
ام صالح :ماشالله الله يوفق الجميع
ملاك وهى اتسند راسها علا الكرسى اميييين يمه اميين
حست ام صالح بنبرت الحزن بصوت ملاك
يمه ملاك شلون خالد يوم رد
ملاك :زين
ام صالح:يعنى شنو
ملااك وهى تبتسم والله احسن من قبل الحمد لله
ام صالح :الحمد لله الله يسخره لج يا رب
ملاك:ان شالله
مر الاسبوع وجا صالح وصارت الملجه عائليه
كانت ملاك احلى الموجودين طبعا ....
وساره رفيجتها كانت مستانسه وطلعت معى محمد يتعشون برى وما المعازيم فكانوا متجمعين والكل موجود
استانست لما فاجاتهم خالتها فاطمه لما ادخلت واللكل استانس وحست ملاك بشعور غريب وتغير بالروتين الممل
محمد :مبروك ساره
ساره وهى مستحيه الله يبارك فيه
محمد :تدرين عاد ان هذى اجمل ليله بحياتى اللى انتى صرتى فيها ملكى
ساره يعنى شنو ملكك وهى تضحك قصدك زوجتك
محمد :ملكى وزوجتى وحبيبتى اللى ما دق قلبى لغيها
انحرجت ساره ونزلت راسها
محمد :ساره ترى انا ابى العرس قريب
ساره يعنى متى
يعنى بنهايت الصيف
ساره :لا محمد اسمحلى انا ابى اخلص دراستى
محمد :يعنى انا بمنعج
ساره لا بس يمكن اتاذر على انت عارف
محمد انتى فكرى عدل وانتفاهم
ساره :اوكى
وقعدوا سوالف ولا حسوا بالوقت
((((((((الجزء الواحد والنلاثون)))))
ردت ملاك وكان اليوم لريم ولا تلقى البيت معفوس والبنات بجى
ملاك:فجر اشفيكم عسى ما شر
فجر :امى يا ملاك امى تعبانه
ملاك :عسى ما شر اشفيها خالتى
فرح :ماادرى يا ملاك فجاه طاحت علينا
من وداها
فرح ابوى وفيصل وما رضوا ان روح
انزين دقوا علا عمى اسالوه ........
ولا علا دخلت فيصل
البنات سيده عليه فيصل وينها امى اشفيها ليش ما ردت
فيصل :انزين انزين اشوى اشوى على يبه امى طيبه وبخير ما فيها شى ....امخربطه اشوى بالاكل وتعبت وبتقعد
يومين بالمستشفى يسون لها اشويت فحوصات وترد احسن من الاول
البنات ردو بجى مره ثانيه
يعنى الحين شلى يبكيكم امى وبخير
ملاك : فيصل يعنى الحين اهى احسن
فيصل :والله ما فيها الحين الا العافيه والدليل انى ردت وبروح انام
فرح :فيصل الله يخليك نبى انشوفها
طلع التلفون من جيبه ودق علا ابوه وكلم امه وخلى البنات يكلمونها وطبعا صار فيلم هندى
وراح الكل لغرفته
كانت ملاك تعبانه من الحفله وحاسه ان جسمها منهك اخذت لها دش دافى وبدلت ولبست لها بيجامه بدون اكمام
وقصيره وراحت تبى اتنام ولا تتذكر خالد ........والله ودى اشوفه ابصراحه هاليومين صاير غير طيب وحنون وما
وده يضايقنى ....بس مانى قادره انسى اللى سواه فينى
وتذكرت شكله وبتسمت وطرت عليها فكره .....الحين اهو مو موجود ومستحسل يجى انا ليش ما اروح انام بغرفته
سريره مغرى للنوم وانا دافنه عمرى بهالغرفه اللى سريرها صغير بروح انام اهناك ومحد يدرى ونطت من السرير
وراحت لغرفته
وتجهت لسريره ....يمه والله حتى وهو مو موجود خايفه منه .....وصعدت علا السرير الكبير والكفر الامريكى ا
المريح حطت راسها علا المخده كانت ريحته بكل المكان حست باحساس غريب ......
ريحته حركت فينى شى غريب ودى انه يكون موجود واحضنه واشم ريحته وانام علا صدره .......
ملاك انتبهى لعمرج هذا خالد واللى شفتيه منه ما يعطيج الحق اتفكرين فيه هالتفكير .......بس يعنى انا مالى حق
احب واشتاق واحن .....والمصيبه انه زوجى وحلال اى احساس احسه معه بس اهو اللى خلانى استنكر واخاف
من هالمشاعر اخاف اخرتها انا اللى راح انضر انا مانى ناقصه ....لاء يا ملاك قوى قلبج ....
وراحت فى نوم عميق بعد عناء التفكير بخالد
من الصبح علا الساعه سبع اقعدت ملاك وزهبه الريوق لعمها
اول ما نزل ولا يلقى ملاك اتزهب السفره
ابو فيصل :ملاك شاللى مقعدج من الصبح
ملاك :عشان اسويلك ريوقك وانا المسؤوله عنك لين اترد خالتى بالسلامه
ابو فيصل (اشدعوه تدرى عنى ) ما قصرتى يبوج بسكان خليتى الخدم والطباخ وانتى ريحتى عمرج
ملاك :لاء لاء ياعمى انا اللى بسويلك بيدى لين تطلع خالتى بالسلامه وبعدين اسلمها الامانه
ابو فيصل وهو يضحك ....لهالدرجه انا مهم
ملاك وهى اتصب الحليب بكوبه ...تدرى ليش يا عمى لانك مو اى واحد انت منصور ال علا سن ورمح ولازم
اندللك ونحافض علا رضاك وما انزعلك
ابو فيصل :الله الله كل هذى انا لو ادرى كان مدخل ام فيصل المستشفى علشان اسمع هالحجى الحلو
ملاك:وهى تضحك لاعمى الله يخليك لحد يسمعك ويصدق شيفكنى حزتها
ابو فيصل : بحزم ليش ملاك منو اللى انتى خايفه منه فيه احد مضايقج
ملاك :لاء لاء عمى مو قصدى بس انا كنت اضحك معاك مو قصدى والله
ابو فيصل :اكيد
ملاك :اكيدين ....عمى انا ودى اسوى لخاتى ريوق يعنى شنو اقدر اسويلها وما ياذيها
ابو فيصل :ماله داعى المستشفى يسوون لها الاكل اللى يناسبها
ملاك:لاعمى بس اكل البيت غير
ابو فيصل خلاص ايذا ملزمه اى شى مسلوق وشوربه خضار اذا للغدى وبس كافى عليها
وقبل لا يطلع ابو فيصل ملاك عمى شنو مشتهى علا الغدى
ضحك ابو فيصل .......ملاك مشتهى مجبوس لحم
واشرت علا اعيونها ....... من اعيونى
ابو فيصل: وعيونج سالمه
طلع ابو فيصل ماشالله علا هالبنت وين الواحد يحصل مثلها متربيه صح وعقلها اكبر من سنها خساره والله خساره
فيك ياخالد انت ومك
اصعدت ملاك بعد ما سوت لخالتها اكل ولبست لها تنوره صفراء فاتح لونها وقميص ابيض وسكارف ابيض منقط
باصفر مغطيه فيه الجيب بطريقه حلوه وملفع اصفر فاتح وكان شكلها افرش وحلوا حطت مكياج ناعم ولبست
عدسات عسلى وزايد اعيونها جاذبيه اكثر
راحت المستشفى علا الساعه 8ونص ودخلت الغرفه ولا تلقى خالتها قاعده وتتفرج علا التلفزيون ونصدمت ان
ملاك اول وحده تجى لها وحتى اعيالها لحد الحين ما جو
انحرجت ولاول مره من ملاك
ملاك:وهى اتحط الى بيدها علا الطاوله .........خطاج السو خالتى وحمد الله علا السلامه
ام فيصل: الله يسلمج
وقعدت اتسولف معاها ولاول مره وحطت الاكل لها خالتى انا قلت اجيب لج من اكل البيت احسن من اكل المستشفى
ام فيصل :مشكوره حبيبتى حطيه اهناك انا تونى متريقه خليه بعد اشوى
ولا علا دخلت خالد وريم وهم يضحكون
خالد انصدم لما شاف ملاك
وملاك انقهرت لما شافتهم يضحكون ويدهم بيدين بعض...
سلم علا امه وعلا ملاك
خالد :ماشالله قاعده امبجر
ملاك:اى ابى اتطمن علا خاتى
.
ريم اول ما شافت ملاك احضنت ذراع خالد اكثر تبى تقهر ملاك......واتركته لما شافت خالتها احضنتها وقعدت
تبجى مع انها توها تضحك وهى داخل
ريم :سلامتج يا خالتى ما اتشوفين شر ياقلبى والله تخرعت عليج امس وقلت لخالد لازم من باجر وقبل لاتروح
الدوام انمرها
ام فيصل :حبيبتى انتى ليش يمه جايه من الصبح كان مرتاحه وانا ما فينى الا العافيه انتى بعدج عروس
ملاك(مالت عليج وعلا بنت اختج انا الشرهه على اللى جايتكم )...ووقفت
ريم علا طول طاحت عينها علا الاكل وعرفت ان ملاك جايبته .........خالتى شنو هذا من اللى جايبه لج ومن دون
ما تسمع ردها قطته بالزباله شنو خالتى الله يهداج تبين تذبحين عمرج
ام فيصل : لاهذا ملاك جايبته
ماردت طبعا علشان خالد واقف ...
.اه سورى بس خالتى من خوفى عليج
وقف خالد :يالله عن اذنكم تاخرت علا الدوام
ريم :نطت من مكانها...........لحظه لحظه ومسكت جيبه يعنى بتسنع لبسه
ابتسم خالد صايره امى موزوجتى
ريم:شسوى الله بلانى بطفل كبير ولازم ايكون شكلك معرس جديد......وباست خده
خالد :مستمتع ويحس ان ملاك ولعت
ملاك:يالله خاتى ما اتشوفين شر(وطلعت قبل لاتنفجر)
خالتها :الشر ما يجيج
طبعا ريم فى قمة السعاده واهى اتشوف ملاك منقهره.......... وخالد متجاوب معها
طلع خالد ورى ملاك بشوى بس ما اوصلت السياره الا اهو وراها
خالد:مسك الباب قبل لا اتسكره
ملاك :يمه وحطت ايدها علا صدرها ...خرعتنى
خالد:وين رايحه
ملاك :من دون نفس وهى اتشغل السياره .....البيت
خالد:شنو شكلج زعلانه
ملاك:وهى تسحب الباب ......زعلانه ليش ازعل
خالد :مشتاق لج
ملاك:تشتاق لك العافيه يا عريس
وصكرت الباب ومشت وخلته واقف
خالد:معقوله غارت من ريم ....يالله عسها غارت وتسوى مثلها
ملاك:وهى بالسياره .........انزين ياريم ان ماقهرتج ما اكون انا ملاك........
زهبت ملاك الغدى معى الطباخ وحطت لمساتها اللى غيرت اشوى من روتين الغدى
دخل ابوفيصل ولا يلقى ملاك بالصاله
ابو فيصل : السلام عليكم
ملاك:وعليكم السلام ورحمه الله وبركاته عمى اشلون الدوام معاك اليوم
ابو فيصل :وهو يسحب نفس......الحمد لله
ملاك :بدل وغير علا ما ازهب لك الغدى والباجى علا وصول
دخل فيصل وحنان وردوا البنات اللى من المدرسه واللى من الجامعه ودخل خالد اخر واحد
زهبت ملاك السفره
بعد ماتغدوا
ابوفيصل وهو يشرب الشاى ياملا العافيه تسلم ايدينج .....ابصراحه انا ماكنت متوقع انج اتكونين طباخه لهالدرجه
الا علا جيت خالد اللى يمسح ايدينه بالكلينكس .............. وقعد جمب ملاك وحط ايده ورى ظهرها تسلم ايدج
ملاك:ارتبكت ونحرجه من عمها وهى تحاول تبعد عنه اشوى
ابو فيصل :يالله عن اذنكم بروح انام
وقفت ملاك من وقفت عمها احتراما له واهى تبى تفتك من اللى قاعد جمبها
بعد ما صعد عمها وقف خالد ....وهو يتمغط يالله انا بعد بصعد امس سهران مانمت عدل ......وكان يسرق النظر
لملاك يبى ايشوف تعابير وجهها
ملاك :انقهرت بس ما بينت له.......
خالد :وهو يقرب منها منتى نايمه
ملاك: لاء اذا نمت الحين ما اقدر انام بالليل وانا ابى انام امبجر
خالد:شنو وراج عشان اتنامين امبجر
ملاك وهى تمشى ماوراى شى وصعدت وخلته يتاملها....ه ...
خالد:هذى اللى بتذبحنى قهر شنو ما اتغار
ملاك كانت مقهوره منه ومن ريم علا حركاتهم جدامها ولا كانها زوجته ولها احساس بس ان ما قهرتج يا ريم
علا العصر البست ملاك وراحت لبيت جدتها لان خالتها فاطمه بتسافر باجر وتبى تقعد معاها
وقعدت معاهاواستانسوى وسوالف وراحوا السوق فاطمه متعوده انها لازم اتجيب هدايا لعيال زوجها لاانها اتحبهم
واهم بعد يحونها
ملاك :خالتى انتى غريبه اول مره اشوف وحده اتحب شريجتها واعيالها
فاطمه : ملاك ترين عاد اول ما تزوج كنت بموت من القهر مع انى انا اللى قلت له يتزوج .....بس بعدين لما
عرفتها حبيتها واهى بعد بنت حلال وما حسستنى بيوم من الايام انى مرت ابو لعيالها وكانى انا بعد امهم
حبيتها واحترمتها ...
ملاك :بس انا مستحيل الا من سابع المستحيلات استلطف ريم
فاطمه :ماتدرين
ملاك :لا خالتى انتى لو اتعرفينها تدرين ان هالانسانه مستحيل يرتاح لها قلبج .....ما ادرى خالد شيحب فيها
فاطمه حست ان ملاك مجروحه
ملاك:تدرين خالتى والكلام بينى وبينج انا حاسه انى ما راح اكمل مع خالد احس ان وضعى معه ماله معنى وريم
بحياتنا
فاطمه :لاء يا ملاك لاتتسرعين وفكرى قبل اى قرار علشان ما تندمين بعدين
ملاك: تنهدت تنهيده قويه ......... بلاج ما تدرين يا خالتى
فى اليوم الثانى طلع خالد وهو وده يشوف ملاك بس مالقاها كانت مزهبه الريوق ودخلت غرفتها وسكرت الباب
ما تبى اتشوفه .....وخالد بدى يزهق من اسلوبها الجديد
طلع للدوام وبعدها علا ريم
ملاك:الحين ان ما وريت يا ريموه ....ودقت
الساعه 12ونص وكانت ريم مسنده راسها علا ذراع خالد ومنسجمين بالسوالف
اخذ خالد التلفون اللى كان جنبه علا السرير ونصدم من الرقم اول مره ملاك تتصل وهالوقت
وسحب ايده من تحت راس ريم الحركه اللى طفرتها
ريم :خالد خل منك التلفون ما عندها سالفه
مارد عليها وكلم ملاك
ملاك:خالد اسفه انى دقيت هالوقت بس حدى تعبانه مانى قادره
خالد : ملاك شنو فيج
ملاك :انت تعال وبعدين اقولك ابسرعه حدى تعبانه احس انى بموت وسكرت وهى ميته من الظحك
اما خالد ماتبون حالته راح سيده علا العلاق واخذ دشداشته وسحب اشماغه حتى من دون اعقال وسو جريمبه
(لفت الشماغ من دون اعقال ) ولا رد علا ريم
والتفت علا ريم قفلى الباب وانا برد بعد اشوى والخدامه خليها تجى عندج او بالصاله لين ارد
ريم انقهرت حدها
اما ملاك اول ما شافت سيارت خالد تدخل البيت فاخذت الاستشوار ووجهته علا راسها قبللايدخل سكرته وراحت
للسرير
دخل خالد وهو شبع يركه
خالد :حط ايده تحت راسها .....ملاك حبيبتى اشفيج
ملاك عاشت الدور ...ما ادرى خالد احس حرارتى مرتفعه
وحط ايده علا راسها .......اااف حاره حيل ..وقام ابسرعه بروح انادى ابوى
امسكته ملاك ...لاءلاء خالد عمى مارد الا متاخر وتعبان وانا ان شالله بكون زينه بس انت حط ايدك علا راسى وان
شالله بصير زينه
رد خالد وقعدجمبها وحط ايده علا راسها .....ملاك حبيبتى لازم اوديج الطبيب انتى حاره
ملاك :ادرى انا من الصبح تعبانه بس قلت يمكن اصير زينه علا اخر الليل بس صار العكس واستحيت لا ادق علا
احد ...ودقيت عليك ...ولتفتت عليه خالد انا اسفه انى دقيت بليلت ريم
خالد:حضنها لاء لاء لاتقولين جذيه يا قلبى انتى بالذات ادقين باى وقت ....انا اللى غلطان انا المفروظ ادق عليج
علا طول ملاك انتى ما اتعرفين قدرج عندى انتى شى ثانى محد وصله ولا راح يوصله ......... ورد حط ايده علا
راسها
ملاك:مصدومه من ردت فعله وحست انها ودها تبجى وان حراراتها ارتفعت صج من التاثر معقوله هذا خالد
القاسى اللامبالى بمشاعرى معقوله انا الحين ما اشوف بعيونه الا كل نظرت حنان وحب وشوق وامان عمرى ما
توقعت احس فيه مع خالد
دق تلفون خالد وقطع عليهم
ريم :خالد انت وين
خالد: انا اشوى وجاى بس نامى انتى لاتنطرينى
ريم:شنو لاانطرك
ملاك :انزين والله لموتج قهر ......وقالت خالد حط ايدك علا راسى
طبعا خالد قريب حيل من ملاك وريم اسمعت الكلمه ولا اتصيبها حاله هستيريه
خالد تجى الحين يعنى تجي الحين انا تعبانه والولد تعبان انت تبى تذبحنى
ابعد خالد عن ملاك بهدوء وطلع للصاله .....ريموه والله ان جيتج الحين ما اتحصلين طيبب سكرى الحين وحسابج
بعدين لما ارد
سكرت ريم والله لراويج يا ملاك ان ما فضحتج ما اكون انا ريموه
رد خالد لملاك وقعد جمبها .....ملاك اشرايج انروح لغرفتى السرير اوسع واقدر اقعد جمبع اما هذا انتى شايفه يالله
ايكفى ربعى
ملاك :بس ابشرك
خالد:فاهم فاهم
ابتسمت ملاك وشالها .....ملاك خالد شتسوى ..........انتى تعبانه وانا اهنيه لخدكتج
اضحكت ملاك ونست التمثيل اذا جذى كل يوم بتعب
حطها علا السرير ....انتى يا ملاك اللى تبتعدين عنى وما اتخلينى اعبر لج عن مشاعرى ....وقال وهو يضحك ترى
لايغرج شكلى ترى حدى رومنسى
ملاك:(اى اسالنى انا )
حط ايده علا راسها وردت ملاك للتمثيل ....اااه راسى
خالد :لاء الحمد لله مسرع وانزلت حرارتج
ملاك :اى لانى لقيت احد يهتم فينى وانت اتعرف النفسيه تلعب دور وبعدين الظاهر ايدك فيها شى من حطيتها على
وانا متحسنه
اما ريم ماتبون حالها اتشب وتطفى
نزل خالد اشماغه وحطه جمبه التفت ولا يلقى ملاك اتطالعه بنظرات فهما
خالد :لاتخافين ...وحط راسها علا اذراعه ....ملاك من حست ابقربه وريحته اللى كانت اتشمها بفراشه لما كانت
اتنام بغرفته وهو مو موجود ما حست ابعمرها ونامت نامت وكانت احلى نومه اتنامها وهى ابحظنه نست ريم واللى
خلفوا ريم ما تبى اتفكر بشى تبى تستمتع بهاللحظه وبس
خالد ...ماقدر ينام وهو يشوف هالملاك اللى نايم بحظنه ......مر الليل وهو يتامل فيها ويبوس كل مكان بوجهها
وهى ولا هى هنا ...كانت فعلا محتاجه حنانه ومحتاجه قربه بس كل واحد يكابر علا حساب حبه
اهى معتقده انه ما زال ما يحبها ومشاعره تجاهها مجرد رغبه لااكثر ولا اقل
وهو يحس انها ما تحبه وتكرهه من اللى سواه وياها والدليل انها حتى ما تغار عليه من ريم
صلى الفجر وطلع وراه لريم ولبس لبسه وطلع علا الدوام
ولا يلقى عبدالله :هلا خالد جاى امبجر اليوم
خالد /لانى ما نمت اصلا
عبدالله :عسى ما شر
خالد:لاوالله الاهل شوى تعبانين
عبدالله : لا ماتشوف شر...بس خالد بغيت اسالك عن شغله بس يمكن اتكون خاصه اشوى
خالد:شعندك يا ابو الخصوصيه
عبدالله :انا مستغرب اشلون وحده وتوها اصغيره وما صار علا زواجكم شى وترضى انك تتزوج عليها
خالد: (ولاول مره يعترف )......والله يا عبدالله انى ظلمتها معاى
ريم :ما ارتاحت لى الحين النار اللى فيها من ملاك ما طفت اخذت التلفون ودزت لملاك مسج
,,,,,,,,,,,,,,,, يتبع