(((((((الجزء الثانى والثلاثين)))))))))))))
ريم :ما ارتاحت لى الحين النار اللى فيها من ملاك ما طفت اخذت التلفون ودزت لملاك مسج
صحت ملاك ومالقت خالد جمبها ...بس كانت حاسه نفسها مستانسه وفرش من نومت امس كانت الساعه علا
السبع البست علا طول ونزلت اتزهب الريوق لعمها
الا تلقى كل شى جاهز .....
ملاك يالله علا الاقل اقعد اونسه علا الريوق
نزل ابو فيصل وتريق وطلع ونزلوا البنات وراحو دواماتهم وردت ملاك للغرفه تبى تاخذ لها شور علا السريع
وتروح لجدتها لاانها تعبانه
وبعد ما اطلعت من الحمام ولا تسمع صوت المسج
(((اذا كنتى متوقعه بحركت امس انج قهرتينى ترى انتى غلطانه ومعطيه نفسج اكبر من حجمج اصلا خالد من
رد وهو متضايق ان ضيع وقته معاج تدرين عاد تكسرين الخاطر بس ارجوا انج ما اتسوينها مره ثانيه لاتتوقهين
انى غايره ولا زعلانه لاء بالعكس .....\ بس يكسر خاطرى خالد لانه قبل لايروح لج يكون حده زعلان
ومتضايق ابصراحه انتى خربتى فرحتنا وسعادتنا ودخلتى بيننا مع انج تدرين عدل ان خالد ما يحبج ولا عمره
حبج وخذاج بس عشان يرضى ابوه اما انا فعشان يرضى قلبه وحبه ياريت تفهمين و اتتركينا نعيش حياتنا انا
وزوجى وولدنا اللى بالطريق وانتى بعد شوفى حياتج مع اى انسان ممكن انه يحبج اما خالد فتاكدى اميه بالاميه
انه مايحب ولا راح يحب غيرى ومحد بالدنيا يعرف ويفهم خالد كثرى واذا اهو مخليج فتاكدى انه مخليج لاانه
يحس بتانيب الضمير ناحيتج بس عاد انتى افهمى ولمى الباقى من كرامتج واتركينا انعيش حياتنا ....وسورى
ادرى كلامى قاسى اشويه بس عاد لازم افهمج وبليز لاتسوين هالهركات اللى واضحه ومفهومه ))
اقعدت ملاك ودموعها تنزل معقوله كلامها صحيح ....بس خالد امس كان غير انا حسيت فيه لا هذى اكيد تبى
تقهرنى مثل ما قهرتها بس والله احس كلامها فيه شى من المنطقيه مو مشكله يجى واتاكد
*************************************************
ساره :لاء محمد مستحيل اسكن مع جدتك
محمد :ساره حبيبتى انتى راح يكون لج دور كامل وفيه ست غرف يعنى بيت كامل علا قدنا وانتى تدرين انا ما
اقدر اترك جدتى وبعدين راح يكون وضع ماقت ابوى باقيله تقريبا 3 سنوات ويرد وبعدين راح اشترى لج بيت
كامل لج ابروحج
ساره :لاء محمد انا ابى اخذ راحتى واحس باستقلاليتى
محمد: ساره انتى لازم اتقدرين وضعى جدتى ما اقدر اتركها ابروحها وبعدين انتى تقريبا راح ايكون لج بيت
كامل
ساره :لاء محمداسمحلى شوف لك حل
محمد :وشنو الحل ابنظرج
ساره: اخذ لى شقه وجدتك عادى كانت عايشه اهى وملاك ابروحهم
محمد :بس الحين انا موجود ومستحيل اترك جدتى ابروحها واذا علا البيت انا بامن لج دور كامل لج و غير
جذيه انا ما عندى حل ثانى وانا
وقامت ساره : محمد ودنى البيت
وقام محمد وداها البيت
مى : انتى من صجج تبين تتركينه واهو مامن لج البيت وبعدين هذا وضع ماقت لات
فوتين الرجال عشان اشياء سخيفه ...
ساره :اى سخيفه هذا يبى ايمشى كلمته على
مى: اكيد هذا مو زوجج ولا انتى داشه حرب
ساره :ييييييوه لاء انا ابى اكون ابروحى ما لى خلق هالعجوز
ام ساره :والله صاجه اشتبى بهالعجوز معاها يوه انا شسوت فينى جدتكم جننتنى .....لايمه اضغطى عليه ومالج
شغل
مى :يمه لا تزيدينها ترى الرجال بعد ما ينلام يخلى جدته ابروحها انتى ترضينها يمه لو انتى بمكانها
امها :ييوه ما عليج منها انتى اظغطى عليه ولا يغرج تيعارض وبعدين مرده بيطخ اهو يحبج
ساره :عاد كيفه لازم يشوفله حل
مى :ترى انتى اللى بتخسرين
محمد ياربى شسوى وعاها يعنى يوم درت انى احبها تبى تستغل هالحب علا كيفها بس الا جدتى مستحيل اوافق
ولازم اتكيف مع وضعى
البست ملاك وهى محتاره من كلام ريم ....وراحت لجدتها اللى لقتها تعبانه
ملاك :وهى اتبوس ايدها يمه ياقلبى اشفيج شنو حاسه فيه
ام صالح :بعد يابنتى الكبر
\
ملاك : :يمه لاتقولين هالكلام انتى توج شباب
ام صالح :الله يجبر بخاطرج
ملاك: يمه امشى خن نروح لعمى بالعياده
ام صالح :لايبنتى موعدى الاسبوع الجاى وان شا لله بروحله والحين انا زينه
ملاك يمه خلينى اتطمن عليج ترى اللى فينى كافينى
ام صالح : باهتمام عسى ماشر يمه شفيج
ملاك :مافينى شى بس احس انى اشويه تعبانه
ام صالح :خاف فيه شى بالطريق
ملاك :تذكرت كلمت ريم لما قالت ولدنا انا وخالد وردت تضايقت .......لاء يمه ما اتوقع
ام صالح :ملاك انا لازم اوديج الطبيب اشوف ليش ما حملتى
ملاك: برعب لاء يمه ماله داعى
ام صالح وليه ماله داعى \\
ملاك :يمه انا رحت وقالت لى عادى وبعدين تو الناس يمه
ام صالح :بود .......يابنتى والله انى ودى اشوف اعيالج قبل لا الله ياخذ امانته
ملاك" وهى اتحط ايدها علا فم امها ...لاء يمه لاتطرين الموت
ام صالح :يابنتى انتى منتى مامنه الموت حق وانا ابى اتطمن عليج الولد ذخر بالدنيا شوفى انا لو الله ثم محمد
ولداولدى وانتى بعد جان انا الحين ابروحى
الا علا دخلت محمد وسمع الكلمه الاخير
محمد لاو تبينى اترك جدتى يا ساره ادوس علا قلبى الف مره ولا اترك جدتى
محمد :السلام عليكم
ملاك وهى اتعدل ملفعها هلا والله محمد
محمد :هلا ملاك اشوف البيت منور اثاريج عندنا
ملاك :هذا من نورك ونور جدتى وان شالله يكمل بنور ساره بعد
محمد :بين عليه انه متضايق ....ان شالله
ام صالح :محمد حبيبى تبى غدى
محمد لاء يمه متغدى
ام صالح :انما حاسه ان محمد فيه شى
ملاك لا :يمه بس اهو يمكن تعبان من الشغل.....ويالله يمه انا استاذن
:ام صالح: فمان الله يمه وديرى بالج وانتى بالطريج
وهى بالطريق دقت علا ساره
ملاك :مرحبا بالعروس القاطعه
ساره /:اى عروس الله يخليج ولد خالج خلى فيها عروس
ملاك :ليش عسى ما شر عاد محمد اليوم امبين عليه انه متضايق
ساره (اشوه يعنى اثر فيه كلامى) لاء ملاك مشكله اصغيره بس
ملاك :ساره لاتخربون ايامكم الحلوه علشان تفاهات ضغيره
ساره :لا ان شالله راح تنحل والحل بيده
ردت ملاك البيت ولا تلقى خالد ينطرها
خالد :ملاك انتى اشلون اتروحين وما اتقولين لى وبعدين انتى تعبانه اشلون تطلعين من البيت
ملاك :خالد انا اسفه والله كنت بدق عليك ونسيت وبعدين جدتى تعبانه ورحت اشوفها
خالد :هالمره راح اطوفها لج بس مره ثانيه
ملاك : قاطعته ملاك ماراح اكررها ......
خالد:انزين شاللى مزعلج الحين
ما تحملت ملاك وقعدت تبجى
وقف خالد ملاك اشفيج عسى ما شر
ملاك :خالد ريم حامل
خالد :انصدم اشلون اعرفت ومحد يدرى..........انتى من اللى قالج
ملاك :يعنى صح الكلام
خالد :وهذا اللى مزعلج انا رجال ومتزوج شى طبيعى ان زوجتى اتحمل واذا انتى بعد تبين اتحملين انا ما عندى
ما نع وبالعكس اتمنى
ملاك مستحيل
خالد :شنو اللى مستحيل
ملاك خالد لا تضحك على انت اصلا ما تحبنى وانا بعد ما احبك
خالد انصدم منها .........ماتحبينى
ملاك :اى ما احبك ولا ابى احبك يا اخى انت واحد ماله امان وخلنى بحالى اعتقنى لوجه الله
خالد :الحين انا ابى اعرف اشلون عرفتى بحمل ريم
ومدت له التلفون وشاف المسج وانصدم
خالد :ملاك الكلام هذى كله مو صحيح وانا الحين راح اخلى ريم تتصل عليج وتعتذر بعد شنو تبين
ملاك :لاء انا ما ابيها تتصل انا ابيها تجى بنفسها وتعتذر اهى مو احسن منى بشى وانت تذكر يوم خليتنى اجيها
بالبيت والعتذر منها ومن امك وامن خالتك بعد مع انك ما عرفت شالسالفه
خالد :بس وين تجيج
اهنيه عند الباب وانا بكون احسن منكم انتو الاثنين ما ابى اعتذارها جدام كل الناس كفايه جدامك وبس
خالد :صار
وطلع
ملاك والله لرد كرامتى اللى هدرتها لى يا خالد
طبعا عطى ريم جم طرق وتلها من ايدها وركبها السياره وجابها
خالد ملاك تعالى عند الباب
جات ملاك ووقفت وهى صاده وما اتطالع صوبهم.......ريم مو عيب الكلام اللى قلتيه
ريم :ماردت وهى بعد صاده للناحيه الثانيه
خالد ريم اعتذرى الكلام اللى قلته مو صحيح اعتذرى الحين
ريم : خلاص ما كان قصدى
ملاك :يعنى شنو ما كان قصدج
ريم يعنى سورى مو قصدى اجرحج
ملاك :خلاص ريم انا سامحتج عشانى خالد بس واسمحيلى كان ودى ادخلج واعزمج علا شى بس عمى ما
يرضى تدخلين البيت وصدت ومشت
خالد(والله منتى هينه يا ملاك ) يالله الحين امشى اركبى السياره
ريم وطول الطريق وهى تبجى ......انت ظالم انت ما تحبنى ليش اتسوى فينى جذيه ....ولا انت تبى تذبح اللى
ببطنى
خالد :جب ولا كلمه عشان ما تتجراين وتسوينها مره ثانيه
ريم يعنى لو اهى مسوىه ويى نفس الشى
خالد :ليش ما تذكرين لما اعتذرت منج بس خلاص المره الجايه احط راس الوحده فيكم تحت التاير واذبحها
وافتك
اما ملاك فكانت فى قمت السعاده ..واخيرا طفت نار ذاك اليوم الاسود اللى رحت واعتذرت لج فيه يا ريم ومباقى
الا انت يا خالد
البست لها قميص نوم كحلى وحطت لها مكياج روعه ولمت شعرها واقعدت بالصاله تتفرج علا التلفزيون ......
دخل خالد وكان امبين عليه التعب واول ما رفع راسه وشاف ملاك راح التعب كله منه
ملاك : وهى مبتسمه هلا خالد
خالد : واخيرا الليله خلاص بتنفك العقده
ارفعت ملاك حواجبها ..... العقده هذى انت اللى عقدتها وبعدين من قال
خالد :يعنى شكلج يقول تعال مانى قادره اصبر تكفى ارجوك
اضحكت ملاك ضحكتها اللى اتذوبه .....لاحبيبى كان ممكن بس بعد اللى اليوم لاء تاخر جم ليله
خالد :الله الله جم ليله بعد
ملاك : خالد ترى اللى اليوم اكتبته ريم بالمسج فيه شى من الصج
خالد :وهو يقعد جمب ملاك ... وحط يده علا شعرها وتكه وقعد يلعب فيه ...اذا ما فيه شى فرجاء لاتلبسين
هاللبس ترى والله راح اخلف بالوعد وما راح يهمنى اى شى
التفتت ملاك عليه خالد ترى ان اخلفت بوعدك راح تخسرنى للابد
خالد :وهو يبعد عن ملاك لهالدرجه كارهه قربى ....ولا فيه شى ثانى
ملاك : خالد انت بنيت بيننا سد قوى وكبير ولا تعتقد انه ابسرعه راح ينهد
قام خالد : يعنى شنو تبين اسوى لج عشان ترضين بالله مو كافى انى جبت لج ريم وهى حامل وكفختها وانا
عمرى ما مديت ايدى عليها وكل هذا وانقولين يبيلى وقت.......انا اقدر الحين اخذ اللى ابيه منج ولا همنى احد
لاانه حقى وانا اللى مخليج برضاى فلاتستغلين طيبتى لاان صبرى له احدود
ملاك : ومن قالك اتمد ايدك عليها حرام هذى انسانه ولها مشاعر......اشلون طاوعك قلبك وطقيتها ....
خالد: ملاك لاتسشتفزينى انا حاولت اصلح اللى اذيتج فيه بس انتى قلبج اسود ومنتى راضيه تفتحين صفحه جديده
ملاك :ولا راح افتح وانت جذيه ...وراحت غرفتها وصكرت الباب
خالد :ماشى يا ملاك وطلع وراح
**********************************************
((((((((الجزء الثالث والثلاثون))))))))
ريم كانت منهاره وامها عند
ريم :يمه احس انى بموت من القهر تخيلى انا انا اتاسف من هالحثاله
امها :حسبى الله عليها
ريم :لاء يمه واتقول بعد ما اقدر ادخلج عمى ما يرضى تدخلين وكانى مسويه جريمه ولا حشره قذره ومايبونها
تدخل البيت الله ياخذها وياخذ عمها معاها
امها ما عليج والله لااطلعها من هالبيت وما اكون انا ام سعود
ودقت علا خالد ............الو
خالد :الو
ام سعود :خالد شاللى سويته فريم الله يهداك
خالد: ليش اهى ما قالت لج شمسويه
ام سعود :من الغيره عليك ومن حبها لك وبعد انت خليتها بليلتها ورحت للثانيه ما يصير وبعدين المسكينه بعد
متعبها الحمال ولاعب بنفسيتها ,,,ولازم اتقدر هالشى يمه
خالد:خالتى اولا بنتج ما قدرتنى وانا منبه عليها مالها شغل بالبيت الثانى و ثانيا انا كنت باعوض ليلتها بس اهى ما
اصبرت.والحين اسبوع كامل مانى جايها لين تتادب ورجاء خالتى انا ما احب احد يتدخل بينى وبين حريمى ويالله
فمان الله وسكر الخط قبل لاتقول شى
ام سعود :الو ولتفتت علا بنتها سكر الخط\
ريم :انزين اشقال
ام سعود : وهى خايفه علا بنتها ايقول بيقعد اسبوع مهو جاى
ريم :وهى اتصارك خلاص اسحرته وخلته ما عاد يبينى والله ما اخليها ولتفتت علا التلفون ودقت علا اخوها
اسعود
اسعود :خير
ريم :اسعود تبى عشرالاف دينار وملاك فوقها
سعود اللى فز ابى ملاك ويكفينى كل شى
ريم :خلاص تعال
************************************************** ****************
خالد راح للشاليه حق عبد الله ...ولقاه اهناك وكان يبى يركب سيارته ويروح البيت
عبد الله :هلا ببو وليد
خالد :هلا فيك
عبد الله :حياك حياك
خالد : عبدالله اذا تبى تمشى روح انا ببات اهنيه
عبد الله :الله عندك بيتين وتبات اهنيه
خالد:عبدالله ترى حدى متضايق
عبدالله : (انا ماكنت افكر بالزواج لاكن الحين خلاص ماكو احلى من الحريه)
خالد :عبدالله انا اللى ابلشت عمرى بعنادى وهذا انا قاعد اكلها الحين
عبدالله :خالد اللى صار صار وخلاص والحين انت لازم اتكيف نفسك مع الوضع واتكون قد الثنتين واعدل واذا
حست انك منت قادر تعدل اختار وحده وانت لى الحين علا البر
خالد:اى بر انا احس انى مو قادر افهمهم
عبدالله :انت ظلمت الاولى وفظلت الثانيه وهى حبك خلاص اترك الاولى وعيش حياتك من دون مشاكل
خالد :ما اقدر
عبدالله :خالد اللى انا لاحظته فيك من تزوجت الاولى وانت دايم متضايق وامبين عليك انك منت مرتاح معاها
والدليل انك ما صبرت وتزوجت عليها خالد انت اذا امخليها لانها كاسره خاطرك فاعتقعا دام لى الحين ما صار
عندكم جهال ويضيعون بينكم وعيش حياتك طبيعيه مع اللى اتحبها والاولى راح الله يرزقها اهى بعدها اصغيره
واذا علا الشكل ناس واجد عادى عندهم الشكل
خالد_(اى شكل الله يخليك وانا شلى جننى غير جمالها وشكلها وروحها وكل شى ) عبدالله انا ما اقدر ابصراحه
احس انى بديت احبها
عبدالله: الله وكبر عليك .....ويوم انك اتحبها ليش تكسر قلبها وتتزوج عليها
خالد :عاد هذا اللى صار
عبدالله خلاص تحمل نتائج اختيارك واصبر وحاول انهم ما يتواجهون نهائى ولايكون بينهم اى احتكاك
خالد:بحاول الحين انا بتركهم اسبوع اادبهم فيه واعيد ترتيب افكارى وبعدين ارد لهم
عبدالله :يعنى هذا من حظى انا الزوجه الثالثه
خالد:الله يلوع جبدك
عبدالله :صحيح مو حلوه لاكن فاهمتك عدل
خالد :قعد يضحك من كلام عبدالله
عبدالله :اشرايك باجر انقدم علا اجازه وانروح لبنان جم يوم
خالد:اى والله احس ودى اغير روتين
عبدالله خلاص زهب عمرك
ملاك معتقده انه عند ريم وريم معتقده انه عند ملاك وكل وهده ميته من القهر
ملاك :ياحرام كل هذا عشانه طقها علا الخفيف تازم وتضايق وقعد يومين عندها وماادرى لى متى بعد بيقعد
وانا واللى سواه فينى ويقول خلاص لازم تنسين وقلبى اسود ..........اى ينسى الضارب ولا ينسى المضروب ريم هذى
كفايه عليها اللى جاها واهو بعد خلاص القهر اللى قهرته والزمته بالسانه بوعد وعذبته كافى وانا مانى قادره
اشوفه كل يوم كل يوم يمر احس انى اتعلق فيه اكثر بس ما ابى اوصل لمرحله ما اقدر اتركه فيها واصير انا
بالموقف الضعيف خلاص ما عاد فينى صبر عليه
واثناء تفكيرها ولا علا دخلت خالد وعلا طول علا غرفته واخذله جنطه وحط فيها ملابسه واغراضه وطلع ولا
حتى التفت علا ملاك ولا كلها بكلمه وحده
وريم طبعا اوصلتها الاخبار انه مسافر من خالتها اللى اعرفت السالفه وتوعدت لملاك بالف وعد
دزت ريم مسج لخالد
((حبيبى بتسافر من دون ما اشوفك خالد حبيبى والله انا اسفه وما راح اعيدها بس انت ارضى على خالد ترى ما اتحمل ما اشوفك تكفى قوال انك مسامحنى لو بمسج عشان ارتاح))
خالد :ما عليه بعد يبيلج كم يوم علا ما تتادبين عدل....اما الثانيه ولا حتى عبرتنى اااااه والله بتجننى
اما ملاك بعد زهبت جنطتها واخذت لها اغراض بصيطه وطلعت
ولا تلقى عمها .......علاوين ملاك
ملاك :سلامتك عمى خالد بيسافر وانا بروح عند جدتى اتعرف انت بعد انها تعبانه ولازم اكون عندها وانت
خلاص جت شمعه البيت وانا انتهى دور
ابو فيصل /لالاياملاك لاتقولين هالكلام انتى ما راح ينتى دورج انتى كل يوم يبدى لج دور ودور اساسى بهالبيت
ملاك(لله يجبر بخاطرك محد مرفعلى غيرك) مشكور عمى وان شالله ماراح اطول
ابو فيصل :ان شالله وديري بالج علا جدتج ترى فعلا تعبانه وتلزمها الراحه
اطلعت ملاك ومن اطلعت وسياره ره وراها
ملاك :يربى هذا شيبى منى وراى .....وحست بالخوف ,,,,ولاما انزلت عند بيت جدتها ولا يطلع
ريم :بالدوام وطبعا اظربت صحبه مع نوف بنت عم ملاك وطبعا ملاك محور الحديث اللى بينتهم دائما
نوف لا وما تدرين بعد محمد ولد خالها طلق ساره رفيجتها تدرين ليش اتقول امى ان ساره تبى بيت ابروحها لان
محمد كان يبى ملاك وما ادرى عن ملاك بس ما تبيه يشوفها كل مره تجى وهو رافض يقول ما اقدر ولاما
واجهته بالحقيقه اعترف وقال صحيح ابيها ولحد الحين خاطرى فيها
ريم انزين ليش ما تزوجها من الاول فكنا منها
نوف ما ادرى يعنى خالد اتعرفين فيه ميزات كثيره عن محمد\
ريم :وهذا ثانى دليل عليج ويا وجه النحس
***************************************
ساره كانت منهاره وتبجى انا ما توقعت انه يطلقنى بهالسرعه وعشان شى من حقى
امها :خليه يولى لاتبجين عليه باجر تاخذين اللى احسن منه بالف مره وخليه تنفعه جدته
ساره : يمه وانا وين وانتى وين يمه انا مقهوره يعنى خلاص يطلقنى عشان بس طلبت بحق من حقوقى
مى "ساره انتى اللى بين الطلاق وهو قالج عن ظروفه من البدايه وامن لج مسكن كبير وراهى عليج بس انتى
اللى ما ريتى اشتبينه يسوى يغصبج علا قال خلاص وزين انكم ما اختلفتو وحصل الطلاق بعد الدخله ولا معاج
جهال
ساره :خلاص خلاص ما ابى اسمع احد زصعدت فوق
اما ملاك فكانت واقفه مع سعود اللى كان يلحقها بسيارته
سعود :قوه ملاك
ملاك :نعم اشتبى لاحقنى عسى ما شر
اسعود لاء ملاك بس شفت سيارج وقلت اسلم عليج
ملاك(صاحى هذا ولا مجنون ) وخلاص سلمت بعد اشتبى
سعود ملاك انتى ليش اتكلمينى بهالاسلوب
ملاك :اسمحلى انا مانى متعوده اكلم غرب بالشارع وعلا طلعت محمد من الباب
محمد : ملاك منوا هذا
ملاك : (خافت لايتمشكل محمد مع سعود).....لامحمد هذى سعود ولد خالت خالد
محمد :....اى هلا والله تفظل تفظل ادخل
ملاك :لا محمد اسعود مستعجل وبيمشى
دخل محمد.....ملاك محمد ممكن اتكلم معاك اشوى
محمد :بخصوص ساره
ملاك :اى
محمد :الكلام يا ملاك انتهى بهالموضوع
ملاك :لا محمد لاتقول ان شالله بيكون فيه حل وانت الله يهديك استعجلت
محمد :لا يا ملاك ساره اهى اللى حدتنى وتخلت عن اول موقف اواجهه وانتى اتعرفين انا مستحيل اترك جدتى وهم
الوضع موؤقت لين يرد ابوى لاكن اهى اختارت هالشى وما قدرت وضعى وتماشت مع ظروفى وتبى كل شى يمشى
علا اللى اهى تبيه من دون ما اتعمل احساب لمسؤلياتى وظروفى
ملاك (معقوله ساره هذا تفكيرها الناس خلاص ما عاد اتفكر الا بنفسها وبس)....والله ما ادرى شقولك يا محمد ب
بس الحين انا متاكده انها اخسرت واخسرت شى كبير
محمد:الله يعوضها ويعوضنى
ملاك :الله كريم ودخلت عند جدتها
ام صالح :شفتى يا ملاك محمد طلق ساره
ملاك :اى والله يمه
ا
ام صالح ..: لو ادرى جان ما خليته يطلقها ....وكل هذى عشانى والله انا ماعلى لو مخلينى ...انا صرت حمل عليه
خانت حيلى
ملاك: لايمه لاتقولين هالحجى
ريم : هاه شصار
سعود : خلاص صورناها
ريم :اى عاد ابى اتكمل علا اخرالاسبوع ابى اتكون الصور كلاها عندى قبل لا يوصل خالد
سعود :ما اتقولين اشلون اقدر اخذ ملاك
ريم :لاما يطلقها خالد بتكون الساحه فاظيه جدامك
ريم اتفقت اهى واخوها انها اتصور سعود وريم وهم بالشارع مع بعض
وصار كل ما تطلع ملاك ولا هذا وراها
ومره كانت صافطه عند الجمعيه وفاتحه الدريشه وحاطه ايدها علا الباب وصاده ولا ما حست الا بالللا مسك ايدها
وعلا التفاتتها ولا يصورهم رفيجه اللى معاه وكان يصورها كل ما يوقف جمبها اسعود
ملاك :صج ما تستحى شوف يا اسعود والله ان كررتها وشفتك يالجلب لاقول لخالد :::
سعود :ملاك اعذرينى والله ما كان قصدى
حركت ملاك وهى ميته من الخوف الحيوان هذى ولالله بغى يوقف قلبلى من الخوف ...والله ما الومك يا عمى
فى هالعايله الخايسه
خالد قبل لا يجى وهو بالمطار دق علا امه
ام فيصل :هلا حبيبى وينك
خالد :يمه انا بالمطار وبرد اليوم ان شالله
امه :ياقلبى توصل بالسلامه
خالد : ماقدر ما يسال يمه اشلون ملاك
امه :ملاك والله يا خالد من سافرت وهى ما ندرى عنها بس امس اللى ردت البيت فيه ...وطبعا محد يقدر يقول لها شى
خالد :ليش يمه أأأأأه يا وليدى لو تدرى عن البلاوى اللى سمعتها من مرت عمها كان شاب راسك بس ما اقول الا
الله يعينك عزالله انك مقرود
خالد :شنو يمه قولى شالسالفه
امه :لما تجى اقولك
يمه ما فينى صبر
امه :حبيبى كلام ما ينقال بالتلفون
وصكر خالد والافكار تاخذه وتجيبه
بعد ما سكرت ام فيصل ولتفتت ولا تلقى ابو فيصل والغضب باين عليه
,,,,,,,,,,,,,,,,,يتبع ^_^