|
بعض الطرق الممكنه لتصفح الفلاش عن طريق الايباد
بسم الله الرحمن الرحيم
هذي اول مشاركة لي بالمنتدى عسى الله ينفع بها ...
أنا من مستخدمي الايباد بشكل شبه كامل واستخدامي للكمبيوتر تضائل بشكل كبير لأني اعتمدت على الايباد في كل أوقاتي ...
وكوني طالب مستجد ان شاء الله .. وبعض صفحات موقع الجامعة تحتاج متصفح يدعم الفلاش .. جلست ابحث اليوم عن افضل الطرق الممكنه عشان اخلي الايباد يتصفح الفلاش .. فاراح اسرد لكم النتيجة الي طلعت معي ..
اول الخيارات
تحميل برنامج Frash وهذاالبرنامج طوره الداهيه المعروف كومكس بانه استخدم نسخة الفلاش حقة الاندرويد وحاول يخليها متوائمة مع iOS ...
- الطريقة -
اول شي لازم يكون عندك جيلبريك وتحمل السورس هذا http://repo.benm.at/
بعدين تحمل منه برنامج frash بعدها طفي الجهاز وشغله وحاول تدخل على اي صفحه فيها فلاش ..
بتطلع لك صورة عليها علامة فلاش اضغطها ويفتحه ..
طبعن أنا نقلت لكم التجربه كما هي .. لكن في مشكله واجهتني وأتوقع انها بسبب ان البرنامج مو متوافق مع اصدار الجهاز حقي عشان كذا ألطريقه الي فوق ماضبطت معي بس قلت انقلها لكم يمكن احد يستفيد منها ...
الخيارات البديلة
فيه بعض برامج المتصفحات الي تلقاها في الابلكيشن ستور وبعض ماتلقاها الا في الانستولس ..
أنا حاولت اجرب كل البرامج الممكنه وطلعت بهالنتيجه
الاول .. متصفح terra .... مايدعم الفلاش
الثاني .. متصفح snow blaze ... مايدعم الفلاش
الثالث .. متصفح skyfire ... يدعم الفلاش بطريقة النقر على الايقونه ولكن ملفات الفلاش الفيديويه فقط
الرابع .. متصفح photon .. يدعم الفلاش بطريقة النقر على الايقونه ولكن يعلق نوعا ما ويمكن مايفتح كل شي ..
الخامس .. متصفح puffin .. يدعم الفلاش بشكل مباشر ولكن بطيء جداً ويعلق ويمكن مايفتح كل شي ..
السادس والأخير وافضل السيئين .. متصفح cloudbrowse .. طبعن أنا كنت ابحث بالمواقع العربية وكذلك الاجنبية ولقيت هذا المتصفح في موقع اجنبي وتقريبا هو افضلهم مع انه فيه مشاكل رسوميات واستخدامه صعب شوي لكنه الوحيد الي فتح معي الصفحات الي جربتها والي هي طبعن صفحة المقررات الدراسية في موقع الجامعة
( المقصود بطريقة النقر على الايقونه .. يكون المتصفح فيه ايقونه على اليمين او اليسار تضغطها وتشغل الفلاش )
خلاصة الموضوع ..
الي بتضبط معه الطريقة الاولى فهذا افضل لانه السفاري اسرع وأسهل استخدام والي ماضبطت ينزل المتصفح الاخير وان شاء الله يمشي اموره فيه ..
ان شاء الله اي تحديث راح أبلغكم فيه .. وأي شخص عنده اي معلومه ممكنه لطرق ثانيه او متصفحات ثانيه يفيدنا فيها ونكون له من الشاكرين ..
وأي استفسار أنا حاضر ..
أخوكم/ عبدالعزيز
*
|