بالنسبه للشهاده اختي يمنح كل متقدم شهادة لاكن تكون بمستواه سواء جاب 3 او جاب 7 .
بالنسبه للأختبار عشان الماستر اهم شي عندهم تكون الدرجه حقت اختبار الريدينق والرايتنق مرتفعه بغض النظر عن الموجوع الكلي , لانه ممكن الواحد يجيب 6 اوقات وما يقبلونه وهاذي حصلت لواحد من الزملاء لأنه يتكلم بطلاقه ويفهم لاكن من جنبها بالكتابه وما قبلوه يدرس الا بعد ماقدم اختبار رايتنق جديد عند نفس الجامعه .
درجة 5.5 ليست بالصعوبه في الايلتس الصعوبه انك تجيب من 6 وفوق
هذا من تجربتي انا مع الاختبار هذا اشوفه اسهل من التوفل واهم شي تكون الكتابه عندك اوكيه . لأنهم يطلبون كتابة essay وهذا بغض النظر عن مستوى اللغه عندك له طريقه لازم تمشين عليها عشان تحصلين درجات اكثر . واغلب الشباب عندنا يبداء يكتب الموضوع كله مع بعض وهاذي عندهم تخفس بدرجاتك حتى لو عبرت صح .
طبعا طريقة كتابة الاساي مو صعبه سهله جدا لاكن لازم تكون الافكار مترابطه وما تشطحين عن الموضوع وتتقيدين بعدد الكلمات المطلوبه منك . واي نقطه زياده او خارجه عن الموضوع راح تأثر على درجتك .
تقدرين اختي تبحثين عن طريقة كتابة الاساي في قوقل و والله مو صعبه بس يبيلها ربط الافكار ببعض وعدم الخروج عن محور السئوال والاجابه مباشره بدون لف ولا دوران وهاذي مشكلتنا حنا نقعد نلف نلف الين نوصل للمطلوب وهذا عندهم يسمونه كلام فاضي هههههههه وبالأخر الدرجات تنزل .
نصيحه من مجرب اللي يبي يجيب درجه عاليه بالايلتس لازم يهتم بالناحيه الكتابيه والقرائه اكثر من المحادثه . لأن شهادة الايلتس تعطي على ان لغتك اكاديميه بمعنى انك تقدر تدرس بالجامعه وتقراء كتب وتكتب مقالات مو بس محادثه .
بالتوفيق اختي واذا مو مستعده حضري له زين والله يوفقك ان شاء الله .