|
رد: اختبار التوفل ... اللي عنده خلفية يدخل =)
اقتباس:
المشاركة الأصلية كتبت بواسطة Abu ali55
بالنسبه للشهاده اختي يمنح كل متقدم شهادة لاكن تكون بمستواه سواء جاب 3 او جاب 7 .
|
حلو هذا اللي بغيت أعرفه .gif "(204)")
اقتباس:
المشاركة الأصلية كتبت بواسطة Abu ali55
هذا من تجربتي انا مع الاختبار هذا اشوفه اسهل من التوفل واهم شي تكون الكتابه عندك اوكيه . لأنهم يطلبون كتابة essay وهذا بغض النظر عن مستوى اللغه عندك له طريقه لازم تمشين عليها عشان تحصلين درجات اكثر . واغلب الشباب عندنا يبداء يكتب الموضوع كله مع بعض وهاذي عندهم تخفس بدرجاتك حتى لو عبرت صح .
طبعا طريقة كتابة الاساي مو صعبه سهله جدا لاكن لازم تكون الافكار مترابطه وما تشطحين عن الموضوع وتتقيدين بعدد الكلمات المطلوبه منك . واي نقطه زياده او خارجه عن الموضوع راح تأثر على درجتك .
تقدرين اختي تبحثين عن طريقة كتابة الاساي في قوقل و والله مو صعبه بس يبيلها ربط الافكار ببعض وعدم الخروج عن محور السئوال والاجابه مباشره بدون لف ولا دوران وهاذي مشكلتنا حنا نقعد نلف نلف الين نوصل للمطلوب وهذا عندهم يسمونه كلام فاضي هههههههه وبالأخر الدرجات تنزل .
|
مشكلتي الأزلية بالانجلش هي الكتابة :/
ماعندي مشاكل بالجرامر ولا الاسبيكينج ولا الريدينج
لكن الكتابة ماني شاطرة فيها لا بالعربي ولا الانجليزي
عندي فكرة عن طريقة كتابة المقال كنت ادرس بمعهد برا وكانوا يركزون عالكتابة
ودايماً كنت أجيب درجات نازلة لإني أتفلسف وأكتب أشياء زيادة مالها داعي
كلام فاضي على قولتك 
أذكر آخر تعبير كتبته طلبوا منا نكتب عن المأكولات بالسعودية
وانا كتبت عن مطعم جنب بيتنا وكتبت كلللللللل شي بالتفصيل الممل
كتبت أشياء ماااااااالها داااعي بالمرة للحين أذكر فيس الأبلة اللي درستنا
كان أحمررر من كثر ماتقاوم الضحك وهي توريني درجتي وتقول لي عن الأخطاء
إحراااج قسم بالله والمصيبة إنها ورته كل المدرسين صار تعبيري نكتة الأسبوع هذاك اليوم
مدري مين ضحك علي وقال لي إذا شافوا كلام كثير بيقولون هذي بلبل بالانجليزي 
طيب الحين احترت بين التوفل والايلتس صراحة أفضّل باللي يركز عالجرامر أكثر شي
وشكلي باختبرهم اثنينهم وش وراي
اقتباس:
المشاركة الأصلية كتبت بواسطة Abu ali55
نصيحه من مجرب اللي يبي يجيب درجه عاليه بالايلتس لازم يهتم بالناحيه الكتابيه والقرائه اكثر من المحادثه . لأن شهادة الايلتس تعطي على ان لغتك اكاديميه بمعنى انك تقدر تدرس بالجامعه وتقراء كتب وتكتب مقالات مو بس محادثه .
بالتوفيق اختي واذا مو مستعده حضري له زين والله يوفقك ان شاء الله .
|
نصيحة قيمة إن شاء الله ألتزم فيها وأطور من مهاراتي الكتابية والقراءة
والله يوفقك أخوي استفدت منك بدرجة كبيرة وأثريت الموضوع من كل النواحي
ولا أنسى أخوي لاكوست وأختي انفجار و عيون المها
الله يعطيكم ألف عافية ويوفقكم لكل خير
.
|