المشاركة الأصلية كتبت بواسطة ذكيه ميه بالميه

فعلاً الاخوان والاخوات كفو ووفوا ~~

لكن في شي محد عقّب عليه الا وهو انكم ما راح تلبسون هدفون الشريط راح يشتغل بمسجله ويحطون عند المسجله مايك وكلكم تسمعونه وكان جداً واضح للي جالسين بالامام اما اللي ورا يسمعون بشكل جيد ~~

عني انا كنت جالسه ورا وبصراحه المراقبات علينا مزعجات الله يصلحهم لكن الاختبار كان سهل ~~

لا تستصعبوا الماده ، هي فقط ع اساس انها جديده عليكم وطريقة اختبارها مختلف فتحسون بشوية خوف لكنها من اسهل واجمل الاختبارات بالمستوى الثالث كان فيها متعه ~~

الدكتور قسّم لكم اسئلة الاختبار حوالي من 3 الى 4 اقسام اذا ما خاب ظني ~~

الاولى كانت يقرا قطعه عليكم وبعدها يقرأ فقرات السؤال الاول بدون ما يقرأ لكم اختيارات الاجوبه رغم انها متواجده بالورقه امامكم ، بعد ما يقرأ عليكم فقرات السؤال الاول يرجع يعيد يقرأ القطعه مره ثانيه ع اساس تتأكدوا من معلوماتكم اللي سجلتوها واعتمتدوا اختياركم للاجوبه ~~

الثانيه اتوقع كانت عباره عن ريديوكايشن يعني كلمتين ممزوجتين بالنطق ولكن بالكتابه تكتب كلمتان منفصلتان مثل : Do you يصبح بالنطق d'ya فانتوا بالاختيارات تختاروا الجمله الصح الا وهي do you وهكذا ... فالدكتور بهالسؤال راح يقرأ لكم السؤال و الجواب الصحيح انتوا من استماعكم لهالجواب منه اختاروا يعني من اسهل الاسئله هالسؤال لأنه قاعد يقرأ السؤال والجواب الصح بقيّة الاجوبه الخطأ ما راح يقراها ~~

الثالثه كانت عن الكلمات ومعانيها ، الدكتور راح يقرأ لكم معنى الكلمه وانتوا اختاروا من الاختيارات وش هي الكلمه المناسبه لهالمعنى طبعاً هالكلمات ومعانيها متواجده بالكتاب اللي راح تاخذوه مع الدكتور من الوحدات الـ 6 ولكن فيه بعض الكلمات الدكتور جايب لها معاني جديده بس ما خرج عن الكلمات اللي بالكتاب فقط المعنى بعض الفقرات كانت من الخارج ، عالعموم كان سهل ~~

الرابعه كانت عن جمل بسيطه يقراها والجواب يكون متواجد بالاختيارات طبعاً راح اقول لكم كيف ، مثلاً راح يقرأ لكم معلومات عن مكان معين انه مثلاً جلس رجلاً ما على طاولة الطعام وطلب بيتزا و يكثر الفلفل الرومي و لا يزوّد الفطر وطلب انه يكون الحجم وسط ، انتوا مبدئياً جا ببالكم ان هالمكان هو مطعم بيتزا فبالاختيارات راح تبحثون عن شي اسمه مطعم بيتزا وهكذا ..


هذا اللي يحضرني الحين واتمنى اذا في احد تذكر شي يطرحه ~~

تحياتي لكم