بسمه تعالي
السلام عليك والرحمه
اخوي انيس النفوس حبيت تفسر حلمي
كان حلمي اليوم الصبح تقريباً 7 وبعدها
انا من الحسا وعندي صديقة من القطيف
وهذي صديقتي الوحيدة وحيل احبها
الحلم ..
كنت حلمانة اني رايحة لدمام وكنت امشي بالشارع وكان الوقت نهار ..الا شفت سيارة شرطة تمشي جلست اناظرها الا لمحت فيها وحده و كني اعرفها .. كانت صديقتي .. الا فتحت باب السيارة وكانت تناديني بس بقلبها انا حسيت كنها محتاجتني .. وعرفتها وجلست اصرخ بصوت عالي واناديها باسمها
صديقتي اسمعت صوتي قالت حق الشرطي وقف السيارة
الشرطي وقف وركبت جنبها
اول ما ركبت مسكت ايدها وحطيت راسي على كتفها وانا اصيح
صديقتي سألت الشرطي ليش ماخذينها .. قال لها الشرطي لما نوصل القسم تعرفي لية
وانا كنت اصيح وانا مسكه ايدها وراسي على كتفها ما غيرت جلستي جلست ابكي واحس منقهرة اقول حق صديقتي انا السبب
وكنت اقول ما راح اتركها واذا بتدخل السجن بدخل معها ما راح اتركها
الشرطي تعجب مني
قال حق صديقتي منو هذي
قالت صديقتي : انا كنت تعبانة نفسيتي وكانت هي تعطيني العلاج وكنت احبها والحين هي تحبني
وطول وانا في السيارة ابكي واعاتب نفسي واقول انا السبب ولما صحيت احس اني حيل فيني صيحة