دوام ريم ونوف
......
نوف : وهى اتوزع بطاقات عرس تركى
ريم : ان شالله بحظره انا وامى عاد من زمان عن الرقص خساره ما اقدر ارقص
نوف : ان شالله اتعوضينها بعرسى
ريم :شنو انخطبتى
نوف لاء كل اللى اخطبونى مو ذاك الزود
ريم :وان جبت لج الزوج اللى كل بنت تتمناه
نوف :منو
ريم : مالج شغل مو تبين واحد منصب ومفلوس واصل وفصل وولد ناس ومو اشوى بالديره
نوف :وهذى وين احصله
ريم : مالج شغل عندى

وردت ريم ولا تلقى خالتها قاعده ودخلت وما سلمت عليها ...........وتنادى خدامتها
\الخدامه اللى كانت متاذيه من الثنتين بس ريم كانت معذبتها اكثر لاتخليها اتنام ولااتخليها ترتاح وتمد ايدها عليها
ولا كانها ادميه
تعالى وراى والخدامه وراها
شيلى الكبت هذى وديه تحت ...كانت تبى تنقل غرفت خالتها الى غرفه ثانيه تحت اصغيره حيييل ما تصلح اتون غير
مخزن
الخدامه :ماما انا ما يقدر هذا كبير خل سايق يجى او احد مع انا ما يقدر يشيل
ريم :شنو انتى مثل البقره ما تقدرين ليش يالله يالله شيليه
الخدامه: ما يقدر
ريم :اقولج شيليه وصارت تظق الخدامه بشكل بشع وسحبها من شعرها يالله يالله لمى اغراضج وهى تسحبا
جات ام فيصل علا الصراخ ......اشفيكم
\ريم :انتى ما لج شغل .......... ودزتها الخدامه فى محاوله لالدفاع عن نفسها وطاحت من الدرج
دخل خالدج علا هالمنظر ...وشال ريم وراحوا للمستشفى
الدكتور : الحمد لله حاولنا ننقذ الام بس ما قدرنا ننقذ الجنين
ام فيصل : ياقلبى المهم الام والجاهل يتعوض
الدكتور سحب خالد بعيد عنه اشوى ...ابصراحه المدام احتمال كبير انها ما راح تحمل مره ثانيه لان اظرينا ان احنا
نستاصل جزء من الرحم
خالد : لاحول ولا قوة الا بالله
ادخلت ام سعود وهى تركض ...اشسويتو ببنتى اشسويتى فيها وهى توجه الكلام لم فيصل
خالد: خالتى خالتى هدى ريم ما فيها شى وامى شبتسويلها يعنى بنتج تهاوشت مع الخدامه ودزتها من الدرج
ام سعود : الله يعينج يا بنتى

***************************
مرت الايام وملاك كل يوم يزيد حجم بطنها اكثر من الاول وبشكل سريع ومتعب
خالد اللى يشوفه يعطيه اكبر من سنه بواجد
ريم :صارت اسوء من قبل بعد ما اعر فت انها ماراح تحمل مره ثانيه وزادت المشاكل بينها وبين خالد
ام فيصل : كانت تتحاشى ريم وامها وبس قافله علا عمرها بغرفتها وما تطلع الا لما تسمعت صوت خالد اللى ما
يدرى عن شى
اوصلت ملاك شهرها السا دس وكل من شافها يعتقد انها بالتاسع
ابو فيصل كان علا اتصال مستمر بملاك بس ما قالت له انها حامل
ملاك : عمى ابيك تجى ضرورى
ابو فيصل :ليش عسى ماشر
ملاك :عمى فيه موضوع وما اقدر اقوله لك الا لما اشوفك
ابو فيصل : خلاص ان شالله علا الاسبوع الجاى اكون عندج
وصل ابو فيصل وكانت ملاك بالمستشفى لانها كانت حيل تعبانه
ابو فيصل :وهو مصدوم
ملاك : بعد ما سلمت عليه عمى انا كنت خايفه انك اتقول حق اولدك
ابو فيصل :اكيد ملاك لازم يدرى
ملاك :عمى الله يخليك ما اتقوله
ملاك : عمى انا ما اظمنه يمكن يجى وياخذهم منى
عمها : يا خذهم
ملاك :اى انا حامل بتوام
عمها :وهو اشوى ويطير من الفرح ....ماشالله حرام عليج ما يدرى خالد بعد اللى ........
ملاك :عمى الله يخليك انا ما ابى اسمع اى شى عنه وما ابيه يدرى عن اخبارى واساسا مايهمه
ابو فيصل :ملاك خالد كل يوم يجى العياده والبيت وانا اطرده ولا كلمته من يوم طلقج
ملاك :لاء يا عمى تكفى هذا اولدك وللامانه اهو يحبك بشكل فظيك ويدارى خاطرك تخيل انه كان يقولى اقعدى علا
ذمتى
ابو فيصل: وانتى رضيتى بالهشى
ملاك :اكيد يا عمى انت ما قصرت معاى وعاملتنى وكانى بنت من بناتك وتبينى ارضى تتفرق انت وولدك بسبتى
عمها : اتصدقين كل يوم اكتشف فيج شى اروع من الثانى
ملاك :عمى انا صبرت علا اشياء كثيره بس عشان ما تتفرقون ومهما كان هذى اولدك ومع هذى تتفرقون يعنى ا
اللى سويته ضاع هباء منثورا سامحه يا عمى علشانى انا
ابو فيصل وهو ينزل راسه والله ما ادرى شقولج انا بحاول اسامحه
ملاك :عمى ما اوصيك ما ابى اى احد يدرى الله يخليك
ا
ابو فيصل : وعد ما راح احد يدرى ....
خالد : كل ما يدخل البيت يسبقه صوت الصراخ بين امه وزوجته هذى اتقول لو فيج خير ما انطردتى من بيتج وهذى
اتقول لو فيج خير احملى مره ثانيه وعلا هالموال
خلاص مهو قادر كان يجى بس وقت النوم
اقعدت ملاك وهى اتحس بالام فضيعه ااااااااه اااااه وهى اتصارخ يمه يمه ابى امى الم مو طبيعى
دكتوووور
وماكان عندها احد بالمستشفى وعلا طول دخلوها غرفت العمليات لاان صار عندها ولاده مبكره
وولدت بعمليه قيصريه وتعبت حيييل
وفى اليوم الثانى كانت حلا وساره زايرين ملاك وما لقوها
حلا :راحت للممرضه وين المريضه اللى اسمها ملاك مو بالغرفه
الممرضه :اى ملاك اتعبت امس واضطر الدكتور انه يولدها قيصريه
ساره :بفرح اولدت
الممرضه :اى وجابت ولدين
حلا :وملاك زينه ؟؟
الممرضه : تعبانه اشوى حاطينها بالعنايه المشدده
خافوا البنات واتصلوا علا ابوهم اللى جاء علا طول
كانت ملاك ما تدر عن شى وتبرعوا البنات بدمهم لملاك اللى انزفت كثير قبل الولاده وبعد ما حطوا الدم فيها
استقرت حالتها بس لى الحين ما صحت
اتصل صالح :علا ابو فيصل يبشره بعيال ولده
صالح :بالمبارك صرت جد من جديد
ابو فيصل :والله الله يبشرك بالخير وامهم اشلونها
صالح :والله امهم اتعيبينه اشوى ....
ابو فيصل :لاء ليش طمنى
صالح : الحين استقرت حالتها بعد ما عطوها الدم بس ما زالت بالعنايه المركزه
ابو فيصل :خير ان شالله اكلمك بعد اشوى (كان فيصل موجود ويسمع ومو فاهم شالسالفه ومنى هذى اللى اولدة
وهو مستانس بولادتها )
فيصل :خير يبه منو اللى يكلمك
ابوه : هذا واحد صديقى زوجته ما تجيب اعيال وولدت
فيصل :اى وكان شاك بالموضوع
ابو فيصل ما تحمل وحجز وسافر علا طول

ملاك تحسن وضعها وطلعوها للغرفه
وصل ابو فيصل وهو مستانس
حمد الله علا سلامتج يبه شهالمزايين سبحان الله ما خلو من ابوهم شى كانى اشوف خالد بصغره
ملاك :عاد انا احس انهم يشبهونك
ابو فيصل جان زين انا حلو جذيه ....كان فرحان فيهم وهو شايل واحد علا اليمين وواحد علا اليسار ويبوسهم
ابو فيصل :ملاك شنو تبين اتسمينهم
ملاك :واحد بسميه علا اسمك منصور عشان يصير مثلك ويحبنى ويحمينى من اى شى مثلك ....وواحد بسميه
ناصر عشان ينصرنى علا هالدنيا اللى اظلمتنى .....
ابو فيصل كان طاير من الفرحه منصور وناصر خوش اسامى


خالد :وهو بقهوت ستار بكس اللى بالسوق عند توب شوب بالسالميه وهو سرحان ولا يشوف
خالد :ملاك وراح سيده وراها ومسك جنطتها ملاك
التفتت البنت : شنو
خالد :انا اسف كنت مشبه عليج
البنت :صج ما تستحى وصدت وتركته
خالد :وهو يحط ايده علا راسه......... انا شفينى مانى قادر انساها صرت اشوفها بكل مكان كل ما اروح مكان
القاها بوجيه البنات كل ما انام لازم تطلعلى بالحلم...... كل ما اقعد ابروحى لازم تطرى على لى متى
خالد كان يقضى اغلب وقته بالشغل ويلهى عمره بالقضايا والجرايم عشان ينسى بس ما كو فايده مو قادر ينسها
خالد :خالد خلاص انسها هذى وحده خانتك ولى الحين اتفكر فيها .........بس مانى قادر ودى بس اشوفها لو من
بعيد ......وارتاح اشوى ...ليش يا ملاك ليش اتسوين فينى جذيه .....

ملاك كانت لاهيه بعيالها وحايسه
ام محمد : اف ياربى الواحد مو قادرينام بهالبيت اولدى اللى اهو اولدى ما ادرى عن اعياله عشان ادرى عن
اعيال خلق الله
ملاك كانت تسمع وهى منقهره ومنجرحه بس شتسوى
كانوا ما ينامون طول الليل سهارى وعانت ملاك منهم حيل واغلب الوقت وهى تبجى مو عارفه شتسوى فيهم
اوصلت فاطمه وميرى ...وارتاحت ملاك منهم كل وحده امسكت لها واحد منهم
واهتموا بملاك
ابو فيصل ما ترك ملاك ولا اعيالها ودفع تكاليف المستشفى وجاب لهم ممرضه اتزورهم كل يوم وتتطمن عليهم
ابو فيصل :وهو يسلم علا فاطمه عظم الله اجرج
فاطمه :جزاك الله خير وهذى الفرصه المباركه اللى خلتنا انشوفك يا ابو فيصل ومشكور وما قصرت علا رعايتك لملاك
ابو فيصل : تشكرينى علا انى مهتم ببنتى هذى ما يبيلها شكر
فاطمه : غز الله ان ملاك معتبرتك مثل ابوها
ابو فيصل : انا بسافر بس هالله هالله بملاك وعيالى واهم شى منصور لحد يزعجه
ملاك :لحد يزعجه هذا يزعج بلد
اضحكو كلهم وقبل لايطلع عطى ملاك بطاقه ملاك هذى لعيالى
ملاك :لاء عمى مشكور ما يحتاج
ابو فيصل :ملاك احنا اشقلنا ...هذولا اعيالى وانا المسؤل عنهم

استعادت ملاك وضعها وبدى الدوام بالجامعه
وبد اكشن جديد فى حيات ملاك

(((((((((((((الجزء التاسع والثلاثون )))))))))))


خالد وعيونه الذبلانه من التعب ووجهه الشاحب ولحيته المبهدله ........ خالد وهو يااس فوزى ابوى موجود قوله
انى موجود يمكن اتصير معجزه ويرضى يشوفنى
السكرتير فوزى :وايه رايك انه هو اللى قايلى لو جه خالد خله يدخول
خالد :وهو مو مصدق صج والله ....الله يبشرك بالخير يا فوزى واخذ اللى بجيبه وعطاه لفوزى
فوزى :متشكر يا خا لد بيه ده كتير وما رد عليه ودخل وهو ميييييت علا شوفت ابوه
خالد الميزه الحلوه الى فيه ومميزته عن كل اخوانه انه بار بوالديه بشكل رهيب وما يراتاح لو احد منهم زعل
عليه بيوم
ابو فيصل خالد عنده غيير عن اعياله من وهو صغير كانت شخصيت خالد غير عن اخوانه كان جريء وشجاع
وما يخاف من احد وهذا اللى مميزه عند ابوه وعمره ما صار بينهم اى خالاف الا لما اخذ ريم ومعاملته مع ملاك
هذى الخلاف اللى بين ابو فيصل و خالد انه فضل ريم علا رضاه وعلا ملاك
ابو فيصل بلا موبالات مبطنه و بشوق لشوفه خالد
اما خالد فكان الشوق واللهفه علا سماع كلمت رضى من ابوه باينه عليه
راح خالد لبوه وباس راسه ونزل علا ايده وباسها ....
يبه سامحنى
ابو فيصل اللى استغرب من شكل خالد ....خالد اذا عن انى اسمامحك بعد اللى سويته بملاك فانسى مستحيل
اسامحك الطلب السماح من ربك علا اللى سويته فيها
خالد :بخوف عفوى يبه ملاك فيها شى ....(كان وده يسمع اى شى عن ملاك اللى ما يدرى وين هى )
ابو فيصل :شى غريب انك تسال عن ملاك لاويخوف بعد اذا ملاك تاذت بدنياها من احد فتاكد انما ما تاذت الا
منك يا خالد فايذى تبى تسال اسال نفسك
خالد :يبه انا لى عذرى خل اللى فى القلب فى القلب
ابو فيصل :شنو عذرك اللى يخليك اتسوى اللى سويته بملاك اطقها وتطلها وتتهمها ؟؟؟؟
خالد :انصدم ان ابوه يدرى باتهامه لملاك معقوله قالت لابوى وبكل وقاحه عن فعايلها ........يبه انت تدرى يعنى
بسبب الطلاق
ابو فيصل :يعنى عشان امك مدرى زوجتك مدرى منوا قالولك اتصدقهم علا طول اذا علا جذيه اى وحده حاقده
علا الثانيه تتبلى عليها ويطلقها زوجها بكل سهوله .....بس انت كنت تتمنى اى عذر عشان اطلق ملاك
خالد :لاء يبه والله هالكلا م مو صحيح انا حبيت ملاك يبه حبيتها من كل قلبى ولاعمرى حبيت غير ملاك ملاك
كانت بالنسه لى روحى اللى راحت منى بعد ما راحت ومستحيل انساها بس ملاك اذبحتنى يبه اذبحتنى باللى
سوته
ابو فيصل :وشنو اللى سوته ملاك
خالد : ( وهو يبى يضع السالفه لانه ما يبى ابوه يدرى باللى صار بين ملاك وسعود وخيانتها له ) يبه انا الحين
ابيك ترضى على اضى
ابو فيصل : خالد انت اولدى وما اقدر اكرهك بس خل الرضى للايام يمكن تخلينى ارضى عليك
خالد وهو يوقف يالله يبه بروح انام اليوم لانى من زماااااان ما نمت
ابو فيصل :خالد وجهك موعاجبنى وشكلك منت خالد اللى اعرفه
خالد :كل يوم اسمع هالجمله من اى واحد يشوفنى
ابو فيصل :لاء لاء خالد باجر مر على خن ناخذ لك حاليل واتطمن
خالد :يبه انا عارف شنهى علتى وعارف شنهو دواى واول دوا رضاك على
ابو فيصل ....بعد ما طلع خالد ....اتعرف اشلون اتخلينى ارضى عليك يا خالد .....ااااه كله من امك محد ودرك
غيرها


ملاك اليوم اول يوم وكانت لابسه وكاشخه كانه اليوم عيد عندها وقبل لاتطلع قرت علا اعيالها واستودعتهم الله
ملاك :ميرى ديرى بالج عليهم انا بروح واذا فيه شى دقى على
ميرى ملاك انتى لايخاف
وطلعت ملاك وعيونها عليهم
ساره يالله ملاك ترى ما صارت بتاخرين من اول يوم
ملاك :والله مانى قادره اروح وهدهم
ساره :ماعليهم يالله بس تاخرنا ..البنات ينتظرونا
ملاك :ساره باطلب منج طلب
ساره :شنو حبيبتى
ملاك :ساره ما ابى احد يدرى انى عندى اعيال
ساره / ليش ملاك ما تبين احد يدرى
ملاك :ساره اخاف احدمن اللى يعرفهم خالد يدرى ويقوله ويدرى ويجى ويا خذهم
ساره :خلاص محد راح يدرى
وصلوا الجامعه وتجمعوا البنات الخليجيات صديقات ساره وعرفتهم علا ملاك اللى انهبلو عليها
واعجبتهم حيييل وعجبهك اسلوبها بالكلام واقدرت من اول يوم انها اتكون صداقات مع البنات
ساره :ملاك اعرفج
زهره من البحرين .....ناديه من الكويت ......ويسرى وياره من السعوديه
ملاك :فرصه سعيده اللى تعرفت عليكم فيها
زهره :واحنا اسعد ملاك

كان فيه مجموعه شباب طلبه خليجيين قاعدين
طارق :الله الله الله شباب لايطوفكم الصاروخ اللى جايكم علا الارض
التفتوا وعيونهم معلقه باللى كانت تضحك علا سوالف البنات ولا تدرى عن العيون اللى تتابعها
(((واحد من الشباب ))) : شباب عيب عليكم خز بهالبنات ترى زميلاتكم فعيب هالحركات
الشباب محد رد عليه ولتفت يشوف شنوا هاللى جمدتهم .......وجمدت اعيونه معاهم
ياسر : عليها اعيون ادوخ
طارق : هى اعيون وبس انت لاقى فيها شى مو حلوا ...والتفت علا (((الواحد اللى من الشباب )))) اتهقى معانا
بالجامعه
(((الواحد اللى من الشباب )))) :اللى اعيونه جامده وما قدر يصد عنها
الشباب ماتوا ضحك عليه
ياسر :وهو يضربه علا كتفه هيه وين اللى يقول عيب ومثل خواتكم وما ادرى ايش
انتبه لعمره
((الواحد اللى من الشباب ))()اعوذ بالله من ابليس....اول مره احس انى مانى قادر اصد عن وحده )
وقاموا الشباب
ساره : هلا ياسر اشلونك وكل عام وانوا بخير
ياسر :وعيونه مره علا ساره ومرات علا ملاك .......هلا ساره انتى بخير وسلم علا البنات كل عام وانوا ابخير
وردو عليه البنات الا ملاك الى كانت كاشه من نظرات الشباب
طارق :ما تعرفنا علا الاخت مستجده معانا ولا زياره
ساره :لاء اعرفكم علا ملاك بنت عمتى ....ما اوصيكم عليها انا بتخرج وانتوا ديروا بالكم عليها

ياسر : لاتحاتين انتى بس تخرجى ....
(((الواحد اللى من الشباب)))) ما علق ولا حتى رفع عينه فيها كان صاد ومحترم نفسع عكس الباقين اللى كانوا
مبحلقين عيونهم فيها
استاذنوا الشباب ومشوا
طارق واسمها ملاك بعد سبحان اللى خلقها وسماها
ياسر :السنه هذى بتكون غير مع الملاك صج تفتح النفس
(((الواحد اللى من الشباب )))) شباب ما يصير تتكلمون عن وحده بهالاسلوب ترى ما يجوز
طارق :اى واضح من اعيونك اللى بغت تطلع من مكانها
ياسر : يا اخى لاتلومنا غصب الواحد ما يقدر يصد منها لا اسمها ملاك بعد

ناديه وهى اتكلم زهره من غير محد يسمعها ...شفتى طارق اشلون يخز ملاك ....والله كانت بموت من القهر وانا
حتى ما عبرنى
زهره :هو طارق بس الكل كان مركز عليها حتى وهم يكلمون ساره
ناديه : بس والله ما ينلامون انا انهبلت عليها اشلون هالشباب
خلص اليوم وساره ما خلت ملاك وحضرت كل المحاضرات معاها و
ملاك بعد ما ردت وهى اتحضن اعيالها
ساره : ملاك هاه اشرايج بالدوام بالجامعه عسى انبسطتى مع البنات
ملاك :اىوالله دمهم خفيف بس والله طول الوقت وانا افكر بهذولا وهى اتحضنهم اصدرها
ساره : اتصدقين البنات انصدموا لما اعرفوا انج مطلقه
ملاك : نزلت اعيالها مسرع اسالوا عن هالاشياء
ساره : ملاك انا اسفه اذا ضايقتج
ملاك :لاء حبيبتى ازعل من شنو وهذا هو الصج وعموما انا ماهمنى عادى عندى

0
اما (((الواحد اللى من الشباب )))وهو فى البيت وعلا السرير ويتذكر شكل ملاك .....معقوله معقوله فيه وحده
بهالجمال .....انا مانى مصدق انى انا افكر بوحده او ان اى بنت تقدر اتحرك فينى شى هذى هزتنى من راسى لى
اطراف اقدامى مو تحرك مشاعربى بس انسانه جمالها خيالى ولا اعيونها اللله يعيونها بس نا ارفعت راسها
عشان اشوفها .....متى يجى بكره واشوف اعيونها عدل

ريم : نوف باجر ابى تكشخيين عدل وابى تحطين مكياج حلو ابى اخذج معاى
نوف :وين
ريم : تذكرين الى وعدتج فيه
نوف :اى اذكر وتوقعت انج انتى اللى نسيتى
ريم : لاء ما نسيت بس تو جا وقته
نوف : بس شقةل لمى
ريم :قولى لها ابى اروح عرس محده من صديقاتى
نوف :بس خاف اتقول بروح وياج
ريم كعاد انتى ظبطيها وامشى ترى يالله قدر يفضى وانا مدحتج له وقال بشوفها علا الطبيعه وانا متاكده انج
بتعجبينه
نوف :بس والله خايف مايصير ياخذ صورتى
ريم :يالخبله يبى يشةفج علا الطبيعه ويسمع سوالفج وانتى بعد عان تتعرفين عليه وبعدها علا طول اليوم الثانى يخطبج
نوف ان شالله بحاول
ريم :لاء لاتحاولين تعالى
ريم بعد معاملت خالد لها واكثر الوقت يقضيه بر البيت ...ردت لسوالفها القديمه

((((((((((((((((الجزء الاربعين ))))))))))

مرت الايام وصارو اعيال ملاك عمرهم سنه وملاك كانت منتظمه علا الدوام مع ان اعيالها ما يخلونها اتنام
واقدرت ملاك تفرض احترامها علا جميع الطلبه باسلوبها وما كانت تخلى اى مجال للحديث مع اى احد منهم فى
غير الدراسه وكانت جديه لاابعد حد وهالشى خلى (((الواحد من الشباب يزيد اعجاب فيها اكثر واكثر ))))
كانت ملاك تمشى ابروحها عندها محاضره ولا يعترضها طالب ايطالى
الطال الايطالى :ممكن اطلب منج طلب (طبعا بالانجليزى )
ملاك :بستغراب ....شنو
الطالب الايطالى :بما ان احنا زملاء اتمنى انج ترضين ارسم لج صوره
ملاك :لاء اسمحلى
ولمح ملاك((( والواحد اللى من الشباب))) وهى تتكلم ومبين عليها انها متضايفه ومن غير ما يفكر راح لها علا
طول
((الواحد اللى من الشباب ))): فيه شى والتفت علا ملاك اهومضايقج بشى
ملاك : باستغراب ((وانت شكو ))....لاء ما فيه شى
الطالب الايطالى وهو يعتذر من ملاك : انا اسف كنت اعتقد انه عادى عنكم وانا طلبت هالطلب من خلال الزماله
اللى تربطنا واكرر اسفى والتفت علا ((الواحد اللى من الشباب )) انا كنت ابى ارسمها وهى ارفضت
(((الواحد اللى من الشباب ))) احنا مسلمين ما عندنا هالسوالف وارجوا انك ما اتكلمها مره ثانيه
:ملاك : وهى منزله اعيونها ولا حطت اعيونها بعيونه ......وهو متلهف علا شوفت اعيونها ........ بعد ما راح
الايطالى ......اخوى انا ما طلبت منك تتدخل لانى اقدر اواجه اى موقف من دون مساعدت احد
((الواحد من الشباب )) انا اسف بس احنا عموما لما انشوف اى وحده من البنات فى موفق ما ننتظر طلبها لان
بعض البنات وخصوصا الجدد يتعرضون لمواقف محرجه مع بعض الاجانب وانا اكرر اسفى وراح وترك ملاك
ملاك :صج ما استحى هذا بدال ما اشكره احرجه والله فشله

فى الكويت
خالد وهو بالدوام وكان عنده خفاره بالليل
ولا يسمع اصوات البنات اللى مدخلينهم النظاره وكان ممدد ارجوله الطوال علا المكتب وحاط كبوسته علا وجهه
وشبه نايم
فز من مكانه الصوت هذا مو غريب على والبحه هذى انا اعرفها وطلع من المكتب وعيونه اتراقب مجموعه البنات
وراح وراهم علا طول

*****
ابو فيصل كان يرتب جنطته وهو يكلم ملاك
ابو فيصل : ان شالله بكون عندكم باجر الصبح
ملاك : عاد عمى ما تدرى اشكثر ولهانه عليك انا والعيال
ابو فيصل : والله وانا اكثر ما تدرين حاط صورهم داخل درج المكتب وكل اشوى اشوفهم
وصل ابو فيصل لندن وكان مستانس باشكال احفاده وهم ينتظرونه بالمطار وكانت هذى اول مره اتطلعهم ملاك من
البيت
ابو فيصل وهو يحضنهم ويبوسهم صايرين احلى من اول
ملاك : اى احلا انا احس انهم ظعفانين من التسنين
ابو فيصل : ملاك اذكرى الله ما شالله اشمتنهم لاء لاء خليهم جذى احلى لايمتنون اكثر
ملاك وهى تضحك يعنى اسوى لهم رجيم
ابو فيصل : ملاك ....لى متى وانتى خاشتهم عن خالد
ملاك : عمى الله يخليك لاتطرى اسمه عندى اصلا اهو ما يدرى عنهم وهتى لو يدرى ما اعتقد انه يبيهم الحين
اهوا لاهى بعياله من ريم وحياته ...وبعدين عقب اتهامه لى بالخيانه وبشرفى تبيه يصدق ان هذولا اعياله لاءيا
عمى مستحسل اخليه يدرى ويهينى ويهينهم اكثر وبصراحه انا خايفه من ردت فعله تجاهم اخاف ما ينسبهم له اول
يا خذهم وفى كلا الحلتين انا اللى بتضرر
ابوفيصل : ملاك انتى غطانه خالد حياته لو تدرين اشصار فيه
\ملاك : عمى الله يخليك ما ابى اعرف وقعدت تبجى
ابو فيصل : (وكسرت خاطره ملاك ()انزين الحين ليش تبجين ابى اعرف
ملاك : عمى احس انك تبى اتقول لخالد انا ما وثقت باحد كثرك وما ابى تخذلنى
ابو فيصل انا اخذلج يا ملاك ا نا مجرد اقترح عليج بس لاان خالد حاله يصعب علا الكافر بعد اللى صارله
وانت الحين غسلى وجهج وتعوذى من ابليس ويالله لبسى العيال وخن نطلع نتمشى بالسوق اشوى انا بخاطرى
اشترى لهم اشياء
وهم بالسوق ولا اتشوفهم وحده من صديقات ام فيصل وما كانت تعرف ملاك لاانها ما شافتها لكن كانت تعرف ابو
فيصل عدل ولما شافته يتسوق اهو وملاك والجهال معاه وسمعت واحد منهم يقول له بابا ما كذبت خبر ودقت علا
صديقاتها كلهم
ابو فيصل ومتزوج ومعاه وحده من كبر بناته ولا جايبه منه توام واللى اكدلى انهم يشبهون واحد من اعياله اللى
بالكويت( تقصد خالد)

خالد وهو يلحق الصوت اللى مسك وحده منهم ولفها عليه وانصدم من اللى شافه
ريم
مسكها من شعرها وسحبها لى طلعها منهم وطقها وتوطاها برجوله ولو ما امسكوه اللى معاه كان ذبحها من الطق
وما كان عارف لحد الحين شنهى تهمتها
دخلوه المكتب وهو يبى يفلت نفسه عشان يمسكها وطلعوها لما اعرفوا انها زوجته من المخفر والباقى تحفظوا
عليهم واكانت نوف بنت عم ملاك من بينهم
ريم كانت ماخذه نوف معاها لشقه والشقه هذى وكر للدعاره مسوينها لصطياد البنات وبعدين يصورونهم ويخلونهم
غصب يجون بعدين ويجيبون معهم بنات جدد
دق التلفون علا ابو تركى ورد كان المخفر يبونه يستلم اخته
ابو تركى: كان يسحب نفسه سحب من وقع المصيبه الا الكارثه اللى حلت عليه بنتى بالمخفر
نوف اول ما شافت ابوها رمت نفسها تحت ارجوله اتبوسها
نوف سامحنى يبه سامحنى كله من ريم
ابو تركى وهو يرفسها لين كسر اسنانها ومسكها من ايدهاا امشى امشى حطيتى راسى بالطين
نوف وهى اتصارخ وتبوس ايدينه ورجوله والدم يسيل من حلجها سامحنى يبه سامحنى
اخذها ودخلها السياره وراح البيت
ام تركى : يمه بنتى اشفيج
ابوها : بنتج المصون كانت بشقه وماسكينها الشرطه وانا جاى استلمها شفى الشرف العظيم اللى نلته من تربيتج
ام تركى :لاء لاء مستحيل بنتى انا اتكون جذيه
نوف :كله منج انتى انتى اللى تبليتى علا ملاك انتى اللى اتهمتيها وهذا حوبتها
ام تركى وهى اسكتى ولج السان تتكلمين
ابو تركى انا بتصل علا تركى يجى ياخذها يذبحها مانى طايق اشوفها خله يجى يغسل الغار
ام تركى لاء لاتقول له تذبحه من القهر
ابو تركى انتى مالج شغل وما ابى اسمع صوتج ويالله برى البيت ما ابى اشوفج انتى طالق طالق طالق

\
اما ريم فاخذتها امها
ام سعود : حسبى الله عليج يا جليلت الحى سودتى وجيهنا بالجلبه
ريم : وعينها قويه بعد ....شتبينى اسوى بعد ...عاد كلش مو متعودين علا المخافر اولدج وزوجج
ام سعود والله ليذبحج اسعود ذبح
ريم :بخوف لايكون بتقولين له بس

وصل اسعود من السفر علا اول طياره بعد ما اوصله الخبر
ودخل اليت وهو يصارخ ريم ....ريم ...ريم
امهم علا اسعود هلا حبيبى ودز امه وخرى عنى وينها وينها بنتج المصون وينها
امه :شتبى فيها
سعود :شبى فيها بعد ابسوى اللى ما سواه زوجها................... طلقها ورمى لنا العار
ام سعود :جذب ابتلى عليها ريم مالها شغل مالها شغل
سعود : يمه خلى السواف هذى اللى انا عارفها وكاشفها .....انا بغسل عارى بيدى وصعد لغرفتها ....لاكن هى
كانت اسرع منه وراحت للصطح ولحقها ومن الخوف منه زلت رجلها وطاحت
وماتت
ا
اما نوف ما قدر ابو تركى يذبح بنته ...بس زوجها لواحد شايب وساكن بعمان وخلاها اتموت بالبطيىء
خالد اخذ له اجازه سنه كامله من دون راتب من كثر ما هو ماله وجه يواجه زملاءه بالدوام بعد الفضيحه
ام فيصل  ( وهى اتحس انها اتموت كل يوم الف مره لما اتشوف شنو وصله خالد والفضيحه اللى صارت له ) يا
ولدى ما يصير اللى اتسويه بنفسك ما تاكل وهالتك حاله
خالد: ........................
ام فيصل : خالد شرايك اتسافر وترتاح لك كم يوم ..........
خالد :اشوف يمكن اسافر
وقبل لا يقوم من مكانه ولا تلفونه يدق
المتصل : الو
خالد : هلا
المتصل انت خالد ال
خالد : اى نعم من معاى
المتصل : ابصراحه انا واحد ما اتعرفه بس انا اعرفك ابى اواجهك بامر ضرورى
خالد : ممكن اعرف ليش
المتصل لما نتواجه اقول لك منو انا
خالد : خلاص انا فاضى الحين اذا تبى تعال عندى بالبيت حياك الله
المتصل خلاص انا بجيك الحين
خالد :ما تبى تاخذ العنوان
المتصل : اعرفه العنوان

فى لندن
ملاك وهى اتودع عمها ...عمى لاتطول علينا
ابو فيصل :اول فرصه ان شالله اكون عندكم وودعهم
وردت ملاك البيت
ساره ملاك تخيلى منو راح يجى
ملاك : منو
ساره :يوسف ( زوج ساره اللى مالج عليها )
ملاك :صج
ساره اى وبيسكن جمبنا
وصل يوسف وساره كانت وكانها عروس كاشخه وملاك اللى حاطه لها المكياج
سلمت عليه والكل سم ما عادى ملاك اللى ما حبت انها تطلع وفضلت انها تقعد مع اعيالها بالغرفه
يوسف : اشتقت لج
ساره : وهى منزله راسها ......وانا بعد
يوسف : ترى ما صارت وابوج مجمدنى جذيه خلصى ابصرعه ترى زهقت
ساره :خلاص هذى اخر كورس لى وان شالله بخلص
يوسف : متى يجى ذالك اليوم اللى يجمعنا مع بعض
ساره : ان شالله قريب يا يوسف
وطبت عليهم الزين.ادرى اكيد اتقول ما صارت متى تتخرجين
ساره : بسم الله انتى من وين طلعتى
يوسف من الارض
ا
الزين صج عاد دمك خفيف
ساره : الزين عيب ويالله روحى داخل عند ملاك
يوسف هذى الزين :هذى المفروض اتسمونها الشين اللزقه
ساره :حرام عليك

الزين :اف انا ما احب هالادمى اكرهه ما ادرى ساره شعاجبها فيه
ملاك : وهى تضحك عيب عليج
الزين اى والله ما احبه حتى شكله استغفر الله
((الواحد من الشباب )) ابصراحه هالبنت كل يوم يعجينى فيها شى غير مع ان اسلوبها كان زفت
بس اهى ما اتعرفنى عشان ارز وجهى عندها
ملاك بعد ما راح يوسف
ساره تعالى بقولج عم موقف صار وياي اليوم
ساره :شنو عسى ماشر
ملاك ......قالت لساره عن الموقف كامل
ساره : وهى اتحط ايدها علا فمها ليش ملاك عاد الشخص هذا بالذات انسان محترم وعمره ما بدر منه اى شى
مخجل بالعكس له كلمته واحترامه مع كل الطلبه لو قايله لى اى واحد ثانى اقولج بس هذا بالذات لاء انتى غلطانه
وغير هذا يا ملاك انتى اسلوبج حييييل ناشف مع الكل
ملاك :ساره الزمن علمنى اكون جذيه انا ماصرت اثق باى انسان واخاف اى كلمه تطلع على بالردى انتى
اتعرفين انا مالى الا سمعتى وهذا الشى ما راح اسمح لاى شخص يستغله لو ابحسن نيه
ساره : والله ما ادرى شقولج لاكن هالانسان انتى غاطانه بحقه وانا اقترح باجر اتروحين وتعتذرين منه
ملاك :ما ادرى خليها لوقتها
فى الجامعه
ملاك : مرت ولا تلقى ((الواحد من الشباب)) السلام عليكم
((الواحد من الشباب )) :وعليكم اسلام
ملاك : اخوى انا اسفه علا الموقف اللى امس ترى ما كان قصدى انت اتعرف انا
((الواحد من الشباب )) :حصل خير ما صار شى ...
ملاك: اكرر اعتذارى ويالله عن اذنك ومشت
((الواح اللى من الشباب )) يس يس يس جايه تعتذر لى اااه بس لو رافعه راعيونها شوى ا ومخليتنى اشوفها
ملاك: وهى مرتبكه وتفرك ايدينها : اف موقف محرج

فى الكويت

خالد بعد ما دخله الديوانيه وكان شكل الشخص اللى جاى يوحى انه صاحب دين كان مطلق اللحيه ولابس دشداشه
قصير ووجهه مبين عليه الهدايه
الشخص : انا ادرى انك مستغرب ...ونزل راسه ابصراحه انا كنت انسان ضال وطول عمرى وانا اتبع الملذات
والشهوات والفساد لاكن الله هدانى والحمد لله
خالد : انزين اخوى ممكن اعرف انا شنو علاقتى بالموضوع هذا كله \
الشخص : الله يخليك لا تقاطعنى وانا جايك بالكلام
انا سويت اشياء بحياتى غلط كثيره لاكن حاولت اكفر عنها كلها واليوم انا جاى اريح ضميرى وكفر عن ذنب
ارتكبته فى حق زوجتك الاولى
رفع راسه خالد ابسرعه وكان قارصته حيه .....شنو زوجتى وانت شنو علاقتك فيها
الشخص : جايك بالكلام .......انا كنت من اعز اصدقاء سعود ولد خالتك وكان مكلفنى انى اصوره مع زوجتك
والمسكينه ...كانت ما تدر وكل مره كانت اتزفه وتهدده انها راح اتقولك عن عمايله بس ما كان يهمه ومتاكد انها
ما راح اتقولك اما اهى فما كانت تدرى ان فيه احد يصورها.......................... ماخلاه خالد يكمل ومسكه من
جيبه يالسافل يالحقر يالكلب
الشخص :قول اللى اتقوله انا اصلا ما انام من ذنبها......
وهده خالد حرام عليكم اللى اتسوونه ببنات الناس وين عقلك وقتها
الشخص اللى قام يبكى والله انى ما انام ولا ذقت طعم النوم من اللى سويته
خالد اطلع برى برى حسبى الله ونعم الوكيل ....
ودخل وهو مو قادر يمسك نفسه
امه : خالد اشفيك يمه ومنو هذا اللى عندك هالحزه
خالد : كسر كل اللى جدامه وكسر الكراسى وعفس البيت
وهو يبجى وهذى اول مره اتشوفه امه وهو بهالحاله ليش يمه ليش اتسوين بملاك هالشى ليش يمه ما خفتى من
عقاب ربج ...وانا اقول هالعالم شصار فيها واولهم انا انا اللى جفانى النوم وهذا انا قاعد عندج مثل الحرمه من
سواد الوجه وسوات بنت اختج اللى نزلت راسى جدام الناس واللى صار بريم واللى صار بسعود كل هذا منكم ومن
قذف المحصنات ليش يمه ليش وانتى انسانه مصليه ومسميه ...وابوى قالى راح تندم بس ما صدقته وما توقعت
انى راح اندم لهالدرجه .
ام فيصل وهى تبجى والله يا ولدى انا ما شفت شى علا البنت بس هذا كان كلام ريم وامها وكلام مرت عمها
ولا انا شدرانى عنها قبل الزواج
الحين صرتى ما اتدرين وين كلامج انها وانها وانها وكلام منو سمعينى خالتى اللى ما اعرفت اتربى بنتها ولا مرت
عمها اللى بنتها ماسكينها مع الزفته الثانيه ...وملاك ملاك الملاك الطاهر ايلبسونها كل هالبلاوى وانا الغبى
مصدق قلبى كان حاس انها برياه من هالاتهامات بس بعد الصور وكلامج انتى بالذات صدقت علا مضض
ام فيصل :وانا اشدرانى بعد حالى حالك
طلع وترك امه
وركب السياره وقعد يبجى علا راحته وكانه طفل صغير .....ااااه يا ملاك شنو سويت فيج اشلون صدقت كل هالكلام
وانا اكثر واحد المفروض يوقف معاج ......
.وراح لبيت عمت ملاك
ودق الباب ....وطلعت له الخدامه
خالد :وين ملاك
الخدامه الجديده ولا تدرى حتى منو ملاك .......منو ملاك انا ما يعرف
خالد :وين مدام ناديها
وراحت ونادتها
مدام فيه رجال يبى ملاك ولا ما ادرى شنو
عمت ملاك : منو يبى ملاك منو هذا وطلعت
خالد : مساء الخير
عمت ملاك : ( وهى منصدمه من شكله ) خالد
خالد : وهو محرج حده اى خالد
عمتها : خير
خالد : ابى ملاك ابى اكلمها اشوى
عمتها : الله بكل بساطه جاى ابى اكلم ملاك ملاك مو اهنيه واذا تبى نصيحتى انساها احسن
خالد : انا ادرى انى علطت علا ملاك بس فيه موضوع ابى اكلمها فيه
عمتها : ابصرااحه انا ما ادرى وين ملاك ملاك اطلعت وصار لهااكثر من سنه وما ادرى عنها وين وبعدين لو
اتموت ما راح ترضى بعداللى حصل لها منك
خالد : الله يخليج ترى اللى فينى مكفينى انا ما ابى منها الا كلمتين وبس
عمتها : وما ادرى وسكرت الباب
وراح خالد لبيت جدتها مع انه متاكد انها ما راح اكون موجوده فيه ووقف عند الباب ولا يلقى محمد طالع مع
زوجته وهم يضحكون وركب السياره من غير حتى لا ينتبه لخالد
واخر شى راح لبوه
فوزى السكرتير : خالد الدكتور مش موجود عنده عمليات اليوم
خالد انا بقعد انتظره لين يجى

عمت ملاك :الو اشلونج ملاك
ملاك :حلا اعميمه شفيه صوتج يقول عنتدج شى
عمتها : فعلا انا عندى لج خبر
ملاك :شنو قولى
عمتها : توقعى منو كان عندى اليوم
ملاك :اعميمه لاتوترينى منو
عمتها :خالد
ملاك : وكان صاعقه فجرت اذنها ...خالد ..وشنو يبى هذا
عمتها : مارضى يقولى يقول فيه موضوع ابى اكل ملاك فيه
ملاك : يا حسرتى لايكون عمى قاله عن العيال
عمتها :والله ما ادرى بس لو اتشوفين شكله يخرع
ملاك : وكان قلبها رد حن عليه ....ليش اعميمه اشفيه
عمتها : يخرع و جهه اسمر حييل ولحيته مبهدله ...يعنى مو خالد الاولى
ملاك : احسن عساه علا هالحاله واردى اللى سواه فينى مو اشويه بس الله يستر لايكون عمى قايله شى
عمتها : ما ادرى انتى اتصلى علا عمج وشوفى
ابو فيصل بعد ما رد من المستشفى علا العياده ولا يلقى خالد ينتظره من اكثر من ثلاث سا عات
ابو فيصل : خالد عسى ما شر
خالد : يبه تكفى ابى اشوف ملاك
ابو فيصل بستغراب : منوا ملاك ليش
خالد وقال لبوه عن كل شى
ابو فيصل : حسبى الله ونعم الوكيل فيهم واتلومنى فيهم انا مالى شغل فيك تذكر لما قلت لى هذا اختيارى ومحد له
شغل فينى
خالد : تكفى يبه اللى فينى كافينى انا الحين بس ابى ملاك ابيها اتسامحنى وابى ابرر موقفى لها ...يبه انا اتعذب من
بعدها بشكل ما تتصوره حتى وانا ادرى اتها غلطانه اشلون الحين وانا ادرى انها برياه وانا اللى ظلمتها يبه تكفى
ساعدنى انا متاكد انك اتعرف وينها لانها اتحبك
ابو فيصل : اى اتعرف انها اتحبنى والدليل انك خليتها علا ذمتك عشان تقدر تدخل البيت ومحد يقولك شى وانت
متزوج اللى التحبها وميت عليها
خالد :صحيح انا قلت هالكلام عشان اجبرها انها تقعد عندى وادى انها اتحبك وراح تقعد عشانك
ابو فيصل : انا ما راح اكذب عليك واقولك انى ما ادرى وينها بس اسمحلى ما اقدر اقولك وهذ طلب منها انك ما
تدرى عن مكانها
خالد : انزين بكلمها تلفون بس اسمع صوتها علا الاقل او اشوفها لو من بعيد وهى ما تدرى
ابو فيصل :مستحيل .....بس انا بحاول مع انى متاكد انها راح ترفض
واثناء حديثهم ولا يدق تلفون ابو فيصل .....وكان المتصل ملاك
ابو فيصل : هلا والله بالغلا كله
ملاك : هلافيك عمى : عمى ابى اسالك سؤال
ابو فيصل :امرى
ملاك : عمى خالد جاء اليوم عند عمتى ويقول انه يبى يكلمنى عمى اخاف عرف شى عن العيال
ابو فيصل : لاء لاء الموضوع غير عن منتى فاهمته
ملاك :اشوه عمى طمنتنى
ابو فيصل : انزين انا برد اتصل عليج بعد اشوى لاان خالد عندى الحين
ملاك : يالله مع السلامه.....( خالد عنده وعند عمتى اكيد السالفه جايده )

,,,,,,,,,,,,,,,,,, يتبع