يــارب سـتـرك مــن قضـايـا الإبـتـزاز
ومـــن عـلــةٍ مـايـنـشـرب مـشـروبـهـا
اتْـجـيـز شـــيٍّ فالشـريـعـة مـايـجــاز
وبْـهـا الـبـلا مــن راسـهـا لْعرقـوبـهـا
أوّل بـدايـتــهــا عـــلاقـــه بِــاحْــتـــراز
وَاتْـلـى الليـالـي ينكـشـف ملعوبـهـا
ويـاكــم فـتــاةٍ خِـلّـهـا بـالـحــب فــــاز
وِاتْخَطّـبَـتْ لــه لــو مـهـو مخطوبـهـا
وغرّر بها وِمْن الجهل تبغـى النِّجـاز
وقامـت تـراسـل بالـصـور محبوبـهـا
ومن عقب ماهو للهوى المسموم حاز
وصارت تشوفـه فـي جميـع دروبهـا
يـبــدا مسلـسـلـه الـدنــي بالإنـتـهـاز
وِيـفَــرِّغِ امْـــن الــمــال كــــل جـيـوبـهـا
ويخدش حياها مثل تخديش القـزاز
ويـكـبـر بـخـدشـه اثـمـهـا وذنـوبـهــا
وهـذي مصيـبـة تـهـدم بـيـوتٍ عــزاز
وِتْــــزوِّد الـكـربــة عــلــى مـكـروبـهــا
أكبر على العاقل مـن جبـال الحجـاز
وامضى من حـدادٍ صخـاف جنوبهـا
يكفيـك صـاب المجمتـع منهـا اهـتـزاز
والنـاس تبغـض نهجهـا واسلوبـهـا
اقـولـهــا والــحــق مـاعـنــه انـحـيــاز
بعـد القضيـة ماانكشـف محجوبـهـا
وامسـى خطرهـا نـار والمحظـور قـاز
رغــم اخـتـلاف انسابـهـا وشعوبـهـا
والـشـعــر دوره مِــحْــوَريّ الارتــكــاز
ولــه طـاقــةٍ ماينـخـفـض منسـوبـهـا
وان كــــان مـامـثـلـت دوره بـامـتـيـاز
وش عـذر نفسـي لَتْركْـت ماجوبـهـا
وقولوا لمـن حطّـت صورهـا بالجهـاز
جـوالـهــا الـمـحـمـول أو حـاسـوبـهــا
تَـحْـذر قـبــل تـاقــع بـحـبـل الإبـتــزاز
وتشرب ذحـاح السـم مـن مشروبهـا