|
رد: قيادة المرأة السعودية للسيارة .... من يؤيدها؟؟!!
السلام عليكم
انا بعتقادي ان قياده المراه لسياره حق مواطنه .. يعني لو فكرت بالعقل للحظات .. وش اسباب المنع ؟ اذا القصد خلوه ! فالمراه السعوديه الان تختلي برجال اجانب والمجتمع متقبل هذي الخلوه! ليش طيب ؟!
و ياما صارت حوادث وقصص جراء التهاون بهذي الخلوه ونتج عنها جرائم واغتصابات و قصص كثيره؟ لان اغلب العماله هنا سائقين هنود وبنغالين وباكستانين وغيره ماتدري كيف كانت حياتهم قبل لا يجون البلد .. نأمنهم على اخواتنا وبناتنا .. لاكن ليه نوضع أنفسنا بهذي المواقف من اننا نتعامل مع الاجانب عشان يساعدونا على قضاء احتياجاتا و غير الميزانيه المخصصه لهم .. وش المانع اروح انا والوالده مثلا البقاله او المكتبه او المستشفى بدون ما نحتاج منه احد ولا رجال اجنبي مرتز معنا !! وليته لي صارت مشكله بيدافع عنا او يحمينا بلاه اول من ينحاش !!
انا استغرب اسباب المنع واحنا ناس عقلاء بالعقل لو في اجابه ترد على تساؤلاتنا لان الحلال والحرام مافيه نقاش ..
وبعدين وسائل التنقل قديما كانوا يستعينون بالابل والاحصنه وغيره .. والمرأه ما استثنت من ركوبها ؟ رغم ان تبرز مفاتنها ! وبرأيي السياره استر وعلى الاقل فيها قفل هذا لو حدها توهقت ..
.. ..
يعني انا برأيي لان المنع كان لفتره طويله الناس صعب تتقبل فكره سياقه المرأه هنا .. لاكن السعودين يتقبلون ويحترمون سياقه النساء برى المملكه ؟ ليه مايتقبلونها هنا ؟!
.. ..
و الشباب السعودين بالشوارع تفحيط وازعاج وغيره على الاقل لو صار الي يسوقون اخواتهم وامهاتهم .. مادري احس وجود النساء يضيف التهذيب لأي مكان ..
ياليت الي عنده رد واضح على تساؤلاتي يقنعني بسبب وجوب المنع و سعيده بتقبل الرأي الاخر وشكرا على الموضوع المميز 
|