|
رد: أجَمَل ابْيَات الْشِعَر
خذاك الوقت .. وش باقي سوى حزن وألم احساس
مشاعر تسكنك ..صارت غريبه / حيـل مختلفه
.
شعور أقسى من الغربه .. يخالط فيني ذي الأنفاس
وترحل ؟ ياعسى الحاضر .. يلـم دروبنا صدفه
.
طلبتك .. والخطا ..مرمر ضلوعي بكل ساس وساس
تمر أعذاري تتسابق .. تــــزف الروح متأسفـه
.
أحسك في متاهاتي .. دفا ..ألطف من / النسناس/
وصمت البوح يسندني قهر ..وانساب من كتفه
.
بظل أرسم تفاصيلك .. / مرايا / في .. وجوه الناس
وأتنفس رياحينك . . شذاك العذب .. أرتشفه
.
عرفتك شاعــــري طبعــك .. وكلك طيبه واحســاس
نسيتك ؟ .. لا نساك الموت .. أنا النسيان ما اعرفه
.
تذكّرنـــي .. خضر دربك .. إلا منــه .. طغـــاه يْباس
وعيّشني الفرح لحظه .. وسكّن داخلي لهفه
.
تذكرني .. قمـــر ليلك .. تلحّفنـــي .. فــرش ولباس
كفيف العشق .. في نبضه .. هموم كثار ملتفه
.
تذكرني .. في جلساتك .. تخيلني معـك .. (جلاس)
عيوني من سبب ظنك .. عليك الدم .. وتذرفـه
.
تمنيتك .. حلم أغبر .. وأطوف بعالمك .. وســواس
اهو ذاك الأمل يفصل..مابين / الموج والضفّه /
.
تعبت أتقمص الضحكه .. أضحّـــي واعتذر (لاباس)
تغادر كوكبي .. واصبح كما (الأطرش وسط زفّه)
.
تعاقبني مثل طالب .. نسى في حصّتــــه ( كـــرّاس )
يثور بــ (غيض ).. فـــي وجهه .. يخليّه .. يقفي عن صفّه
.
(وانا شحّات في بابك) .. رصيدي في الوصل افلاس
متى مريتني .. ارمــي .. عليه / الرحمه/ في كفّه
|