|
رد: أجَمَل ابْيَات الْشِعَر
صباح الجرح وإجحافه وشمس تشهد ضياعي
وذكرى غيابه وعتابه ودقة خافقٍ موجوع
وشوق في السما حايم يشقّ غناه بـ أسماعي
ولوعه تسكن ضلوعي تلوّعني في بعده لوع
صباح الـ..(راح) .. وخلاّني لـ ضيقه مالها داعي
وأنا اللي كان لي صبحه يجيني بـ الوله منقوع
قسّم بـ الله يَـ غيابه مغيّر حيل فـ أوضاعي
أبد ماجا على بالي خفوقي من الغياب يروع
بكيت من القهر جمرٍ يزيد بـ حدة أوجاعي
وترى كل هالجمر هم تزاحم ثم طاح دموع
حسبت إن الزمن عاجز بيومٍ يلوّي ذراعي
أثاري هـ الزمن قادر يعيّشني بـ كدر وخضوع
وأنا وإن لنت لـ الدنيا مهو من زود أطماعي
ولكن خابره حظي .. بخيلٍ مايحب يفوع
لذلك بأدفنك حبٍ تشعّب في مدى أضلاعي
وأقول ان الوفا كذبه وبابي للهوى مردوع
|