المشاركة الأصلية كتبت بواسطة beauttty هلا فيك , بصراحه عشان نفسيتي كانت مو مره اخذت انطباع شين :/ لكن مع الايام راح اتعوّد عليها واحبها , واهم شي اعتمد على نفسي : ) - بس فيه أشياء ما هضمتها باليوم الاول !! هذا برنامج التهيئه اللي دخلناه احنا نبيهم يعلمونا عن مباني الكليه . . وين قاعات المحاضرات ووين دورات المياه ووين الكافتريا . . يعني عشان ما نضيع بس هم ما جابوا لهم طاري :( وانا صراحه جلست بالقاعه لين 11 ونص وبعدين زهقت وطلعت - عندي سؤال بالنسبه للتحويل : اللي فهمته من كلامكم اني لازم ادرس سنه كامله بكلية العلوم بعدين أحوّل . . طيب التحضيري عندنا بكلية العلوم ترم واحد فقط والترم الثاني نتخصص وانا ان شاء الله اني اقدر احول لقسم الانجليزي والاداب التحضيري عندهم سنه كامله يعني ترمين !! - كيف لو بأجي احوّل ؟ هل هذا الشي يمنعني من التحويل ولا ما يضر عادي ؟ - سؤال ثاني موقع الكافتريا حقنا وين جعنا ولا قدرنا ناكل شي وبعد ما شفت قاعات للمحاضرات هل هي في الدور الاول مو في الدور الارضي ؟ وبس شكراً وعطاكم ربي الف عافيه خواتنا الكبار

لاتخافين بس أول الأيام كذا بعدين كل شي بتعرفونه

بالنسبة للتحويل مايصير تحولين لكلية الآداب للأسف مع انهم قبل عادي يقبلون العلمي بس تغير نظامهم

بالنسبة للكافيتيريا حسب كلام المنتدى فيها صيانة وهي صايرة برا المبنى وفي وحدة تبيع
الفطاير والشوكلاتات وغيره بس ماأدري وين لأني مارحت الكلية هالأسبوع بس احتياط جيبي
معاك الماي و جيبي معاك فطيرة مشي حالك لين ماتلقين اللي تبيع

وبالنسبة لقاعات المحاضرات في في الدور الأرضي وفيه فوق طيب انتي في الصالة شفتي ممرات صح ؟ كل ممر احنا نسميه مبنى وكل مبنى فيه ثلاث أدوار وسطح
وفيها الأقسام والقاعات والمعامل وفيها دورات المياه وانتي بكرامة ،إذا رحتي الكلية تفرجي عليها

وأي سؤال إحنا حاضرين ياأخواتنا الصغار