.





السلام عليكم إخواني أخواتي جميع مستويات إدارة أعمال

عاماً دراسياً سعيداً نتمناه لكم

وعليكم السلام ورحمة الله وبركاته ثانكيو ستر دي

قبل شويات قعدت أحسب كم باقي ونخلص من الجامعة

ان شاء الله 3 سنوات

قعدت أحسب لو سجلت كل سمستر أقصى عدد ممكن من الساعات في أمل أختصر حتى ولو ترم واحد عالأقل

ممكن لو الواحد في الترم ياخذ 18ساعه ع الاقل...... فممكن نتخرج خلال 3 سنوات او 3 ونص وممكن لو فيه ترم صيفي بعد يساعد على الاقل المقررات اللي محموله

وبينما أنا في وسط الحسبة قلت لحظة ستووب ياسيدة

بسم الله علينا خرعتينا

ليه انتي عارفة كم ساعة بالتخصص أساساً عشان تحسبين؟؟ يحيا الذكاء

ههههههههههه والله ذكية !!!

معقوولة لهالدرجة صعبة يطلعون الخطة الدارسية ؟؟

حكم القوي على الضعيف يكون الانسان مرغماً على تنفيذ أوامر القوي ورغباته ولو كان على حساب راحته وراحة باله ونفسه ...

يوم قلت لأخوي انصدم وقال اشلوون مافي خطة دراسية تدرسون على عماكم مثلا

فشلتينا !! عند اخوك ليش كذا ؟؟

المهم أنا فزعت لجامعتي العزيزة وقعدت أدافع عنها وأقوول توه القسم جديد

كفو هذي الهقوه

واحنا قاعدين نمشي ستيب باي ستيب وكل ما خلصوا المستوى الرابع قسم


تنزل المواد الجديدة وهكذا ..........

ستيب باي ستيب هذا وش مكوناتها ؟

بس صراحة الخطة الدراسية جداً مهمة عشان نعرف لو أخذنا عدد ساعات معينة متى بنخلص

وهو مسكين مصدق !!!

يعني مثلاً الحين الجامعة كل ترم تنزل لنا ساعات معينة واحنا ياناخذها كلها يانقلل منها

الله على الاسلوب واقتنع ؟

طيب السؤال اللي يدور في راسي هالساعات اللي تنزلها الجامعة كل ترم ..

هل تنزلها على أساس نخلص خلال أربع سنوات؟؟

نعم اكيد انهم حسبينها على اربع سنوات

هذا بالنسبة للي يلتزمون بالساعات اللي تنزلها الجامعة

طبعا

أما بالنسبة للي يأخذون أقصى عدد ممكن من الساعات كل ترم

يعني ياخذون مواد من مستويات أعلى هل يمديهم يخلصون بـ أقل من أربع سنوات ؟؟

اكيد

أنا محتاجة أخلص الدراسة تاريخ 7 / 2013 إذا ربي أحيانا

وش معنا ؟ <<< ملقوف

بس طبعاً مستحيل لأنو بيبقى لي سنة كاملة بهالتاريخ على اساس لو بنخلص بأربع سنوات

ليتني مستوى رابع ااااااخ يالقهر كان بيمديني بهالتاريخ أكون تخرجت

فأبي أعرف لو عالأقل بهالتاريخ يصير يبقى لي ترم واحد ؟؟ كم عدد الساعات اللي لازم أخذها كل ترم؟؟


مانقدر نجاوب على هالأسئلة بدون الخطة الدراسية وهنا المشكلة

ومشكلة عويصة بعد !!!

اطلعت على الخطة الدراسية إدارة أعمال للانتظام

مكتوب عندهم عدد الساعات الإجمالية 136 ساعة

قسمتها على 8 مستويات

طلع لو أخذنا كل سمستر 17 ساعة بنخلص بأربع سنوات

الحلو بالموضوع انو نقدر نأخذ كل سمستر أكثر من 17 ساعة

مثل السمستر السابق قدرنا ناخذ 18 ساعة مدري هالسمستر كم أقصى عدد ساعات ممكنة؟؟

حسب المعدل تقدرين تاخذي 18ساعة اذا المعدل كويس

طيب لما ناخذ كل سمستر 18 ساعة بيبقى لنا 9 ساعات فقط

غير الثلاث ساعات حقت المستوى الأول لأنه كان 15 ساعة مو 18

ما اتوقع اننا مثل الانتظام اتوقع برنامج الانتساب 128 ساعة دراسية للحصول على البكالوريوس وانهاء الجامعة
ولو فتحوا ترم صيفي نقدر نخلص هالتسع ساعات
ممكن
يعني بتاريخ 7 / 2013 بيكون باقي لنا سمستر واحد فقط
نفسي اعرف ليه محدده التاريخ هذا ؟؟؟؟

ولو أتاحوا الترم الصيفي أكثر من مرة بتقل هالمدة

طبعا
ولا ننسى انو الخطة الدراسية للانتظام فيها تخصص واحنا ماعندنا تخصص


يعني أكيد ساعاتنا أقل ونااااااااسة >> يا فرحة أمك


طبعاً هذي كلها أحلام لو تحققها لنا جامعتنا العزيزة سوف لن أنسى لها هذ المعروف

ابشري بقولهم

نناشد الدكتور الفاضل عبدالله النجار بإنهاء الخطة الدراسية بأسرع وقت

ومافي مانع بفتح الترم الصيفي ولو لمرة واحدة

يصير خير الله كريم
شكراً لطيب استماعكم وقبل أن أختم خطبتي


أريد معرفة أقصى عدد ساعات للمستوى الثالث

+
حسب معلوماتي 18 ساعة

هل مسموح لنا بأخذ مواد من المستوى الرابع مثل المرة السابقة ؟؟

اكيد مسموح ليش لا ؟

اتركوا الموضوع وجاوبوني على آخر سؤالين لاهنتم

للاسف مانتبهت ؟؟؟



.