جامعة الملك عبدالعزيز == عندها برنامجين طال عمرك:
الأول انتساب = لا محاضرات مسجله ولا ولا بس تجي للإختبار --- ولازم تجاوب 60 سؤال من 100 سؤال هذا للي يبي يعدي وبس والقيمة تقريبا 3000 ريال ولازم تسافر جدة وتستأجر وتتعب حالك- وفيه رسوب بعد.
البرنامج الثاني التعليم عن بعد -- نفس برنامجنا وانا اطلعت عليه وعرفت اشياء كثير عنه من خلال رابط الجامعة نفسه وفيه محاضرات وتحضير وواجبات و و و و و ... والسعر 4000 ريال + لازم تسافر وتستأجر وتختبر وترجع باللي قدرت عليه من درجات او تحمل المادة.
نجي لجامعتنا الموقرة ----- الأسعار تقريياً منافسه لغيرها ونتمنى تنزل شوي في المستقبل الى النصف على الأقل .... الميزات :
فتح مراكز في كل مكان تقريباً -- بل تجد مثلاً في الرياض لوحدها اربعة مراكز للرجال ومثلها للبنات ( وفيها مصروفات كبيره جداً من أستأجار اماكن وتوظيف مدرسين راقبين وإرسال وأستلام اوراق و و و )
زائداً -- اعمال السنة الـ 30 درجة مهمة جداً عشان تكون على تواصل مع المواد نفسها والدكتور والزملاء من خلال النقاشات وحل الواجبات والإستفادة القصوى من كل درس. ويبقى في الإختبار للي يريد النجاح 30 درجة فقط من 70 درجة.
اذاً المقارنة غير منطقية وأنا أفضل هذا الأسلوب من التعليم --- ويعلم الله أن الجامعة تبذل جهود متواصلة خلال السنة وحتى خلال الإجازات.
وهذي طبعاً وجهة نظري ....
بالتوفيق للجميع وأقول ----- شكراً جزيلاً يا جامعة الملك فيصل لإتاحة هذه الفرصة لنا لنتعلم ونحن قريبون من أعمالنا وبين اولادنا.