تدرون وش مشتهيه مشتهيه مرقووق الله مع ليموون ياسلاااام
بقولكم ارهب واخووف لحظات حيااااتي
<< شطحت
يوم في الذااكره لاينسى لا ينسى بس ناسيه التاريخ كم كان
سلمكم الله يوم كنا بالثانوي ناسيه وش كان فيه بالضبط بس اتذكر مدرستنا طلعونا بدري
والبنات دقوا على بيوتهم وجاوا خذوهم هلهم
إلا انا وبش بش أهالينا ماردوا وكان ذاك اليوم حررر ححححررر حر رطوووبه وما أداراك مارطوبة الشرقيه
تحس نفسك معادله تحولت من ماده صلبه إلى ماده سائله ثم إلى بخاريه منصهره
وكنا ميييتتتتييييين عطش والمقصف مقفل
فقلتلها روحي البقاله إلي جنب مدرستنا واشتري ماي بنمووت
قالت معصصي تعالي معي قلت انا عندي أخوان لو شافوني بيسوون لي تحقيق ومحضر بالنيابه انتي ماعندك
قالت حلوه ذي وانا عندي اب وعمام وخوال
قالت تعاالي معي
بس قبل لانطلع شيكنا على الشارع لأن في مدرستنا ثلاث سيارات للهيئه
جمس الهيئه الأمر بالمعروف والنهي عن المنكر
حاطين عند مدرستنا ثلاث + شرطي ينظم السير حشى قلبنا مجمع مو مدرسه
وحده عند اول الشارع والثانيه عند نهايته والثالثه عند البقاله
يعني إلي في أووومها خير تحرك شبر من باب المدرسه
عاد بنات مدرستنا مع كل هالحوسه إلي قدام المدرسه عاادي مايخافون تتربع الوحده بالشارع
وتطقها سالفه هي وشلتها يعني يقلبونها ساحة المدرسه
المهم قلنا سررينا دربنا خضر مافيه احد قدامنا فاضي الشارع فنجيكم ررركض ركض
ونوصل البقاله بسلام وأمااان
البقاله ذيك نقدر نقول عنها سوبرماركت فيها رز ومكرونه ودجاج << يالبيه على الوصف
طبعاً ماكان معنا إلا ريال واحد فقط مُفلسين مادياً
قلنا بنشتري دبه ابو نص ريال
فقالت المودموزيل بش بش انها مع العطش جوعاانه
قلنالها يابنت الحلال ما معنا إلا الفلس
قالت والله ميته جوع بسرق
قلت اجل حتى انا بسرق معك نخربها مع بعض
طبعا كل هذا النقاش يتم في زاوية السوبرماركت داخل الثلاجه فاتحينها ونقرر هالقرارات المهمه
فقلت انتي روحي حاسبي على الماي
وانا إلي بخش إلي سرقناه
<< حشى مافيا
شلون خشيته اتذكر قسم اللحظات هذيك العنيفه وربي دخلت الفطائر بكمي
يعني , انا يزعم كنت اتفرج بس امسكها وافتح كم ثوبي واحشرها
خذيت لبنه بالزيتون وجبن هذي خشيته بكم واحد
الكم الثاني دخلت فيه واحد كت كات وواحد كندر فاااضين نحلي بعد
الزبده ماطلعت من المحل إلا وكأني مدرعه يديني تطلع خشخشه القراطيس
بس تمت السرقه ولله الحمد
الرعب وين صاار لما طلعنا من لقينا هاااااااه مين يفزر حزروا فزروا
صووووح عليكم لقينا جمس الهيئه
على يساار البقااله إزااي نعدي نعمل ايييه
بيقولون احنا طالعين مع شباب اسم الله علينا ونزلونا في مكان بعيد واحنا بنرجع المدرسه مشي
ماتتصوروون ولا تتخيلووون ولا مدري وش اقوول قسسم
مدري اي شجاااعه واي تبلد واي غباء جااني بس قلت مالي إلا كذا امشي بثقه
عشان مايشكون فيني وإن صادوني بعترف اني بس سرقت من البقاله ورجعت لا طلعت مع شباب ولا يحزنون
واطلع لهم الأغرااض عشان يصدقون
المهم انا شفتهم وقلتلكم مشيت من عندهم وامشي طبيييعي الوضع وهم ماقالوا شي
بش بش وينها
ياقلبي قلبااه تخيلوا لو تدرون االمشوار إلي طقته
درااااات على المدرسه كلها يعني مشت على اربع شوارع على رجولها كله خوف من الهيئه
ومادخلت من الباب الرئيسي لاا دخلت من باب الباصات
ي الله لو تشوفون المسافه وش طووولها خبله
اخر شي وصلت بسلام انا جلست احااتيها خفت ركبوها بجمس الهيئه
ماجاتني إلا ومعد تقدر تتنفس خلاااص
حرر وعطش وخووف وجووع وعمليات ارهابيه سرقنا وكل شي
إلي يضحك ان حنا بعد مابلعنا << بالعاافيه على قلوبنا
جاب لنا العطش الأكل إلي جايبينه كت كات ولبنه وجبن يعني ما أدري وين عقولنا يوم سرقنا
على الأقل نكمل جميلنا ونسرق مشروبات ومرطبات
وش سوينا راحت بش بش غرفة المعلمات وطلبتهم علبتين ماي باااارده وعطوها
وأنتهت القضيه سوينا انا وياها فلم مكسيكي مدبلج افغاني
ليييه ما أدري
كان اختصرنا السالفه وطلبنا من المعلمات بلا هالمشوره
ضحينا بشرفنا وسمعتنا وسرقنا ووحده بغت تموت من المشوار إلي طقته
بس ياااحلااة خباالنا ومغامراتنا انا وهي ياحيااة الحيااه بالأكشن والخووف والحبتيين وكذا شي
ملاحظه ترى بعدين سددنا إلي سرقناه انا وياها يعني مابذمتنا شي
على إلي صارلنا يعتبر تكفير ذنووب
