|
رد: ^^السنة التحضيرية و تجارب الطالبات ^^
مقدمة في الحاسب الآلي
جدا سخيفه كيف تستعملين الكمبيوتر والماوس وشرح ومعمل سهللل
جدا بيكون سهل عليكم
فيزياء عامة
لااازم تنتبعون للمعامل زيييييييين وتدرسوووونها اول بأول حذرتكم ! اول بأأأأول النهائي تسوين التجربة بنفسك
وتكتبين النتايج والخطوات وكل شي ! حذرتكم .. اكلناها بيوم كنا نحفظ !
وبنات يدعون تجيهم التجربه الي حفظوها وبالحظ ..
الاسئلة سهلة غالبا من العرض والكتاب مايطلع منه
حاولوا تبحثون عن الاسئلة القديمة .. تعبنا بدراسته صراحه
رياضيات عامة
الرياضيات المنهج حلو وسهل ! لكن الاختبار لحسه مخ ! تجيك الاسئلة بتوسع !
يعني تبسيط متباينات من شقين بتجيك بالاختبار بتوسع .. من ثلاث شقوق ..
يعني بالمحاضره اي مسأله حطوا ببالكم ممكن تجي بشكل اوسع او صياغه ثانيه ..
فأسألوا عن كل شي دكتورتكم .. محظوظين الي استاذتهم عنود او معالي مره حبوبات
الدكتورة شيخه ؟ .. ماتفهم ..
وفيه معمل رياضيات الي هو محاضرة تحلون تمارين مع استاذة ثانيه الافضضل والعسسل فاطمة الخالدي لباها
مبادىء علم نفس
علم النفس درسته مع منال محروس ههههههههههه ظريفه هالدكتورة المصريه
وتخلي الكلاس ممتع الاسئلة موضوعيه اختياري
يعني حاولي قلم بيدك وتسمعين شريحها وتخططين لجل وانتي تدرسين تتتذكرين شرحها
تعرفين الي معك والي مو معك من الكتاب مادة سهله لا تضيعون درجاتها
مبادىء التربية
هالماده الكل درجاته عاليه فيها كانت مع دكتور ماهر رهيب
كانت شبكة .. يعني تجلسون بكلاس وتحطون القناة على شرحه وهو فاتح اللاب يشرح ..
بتشوفون البنات دجة ! ماينتبهون يلعبون يسولفون ...
انتبهوا معه ! مارح تتعبووون بالدراسه ! دايم يقول اسئلة وكذا تجي بالضبط ..
شاركوا لا تستحون وتتكاسلون من الجهاز الي معلق جنب الباب بيسألكم اسئلة
تضغطون الرقم وتجاوبون ويسال عن اسمكم ..
اذا تسمعون الشرح بيكون سهل عليكم قرايته اخر السنه وتاخذون الزبده لانه موضوعي مايحتاج حفظ
مبادىء الأحصاء التربوي
استاذتي كانت العنود وفيه بنات درستهم الدكتورة رائده
رهيبات طبعا .. وسهله قوانين تحفظونها المهم تتدربون كويس وتحفظون اول باول
لانه مترابط والقهرررررررر يجي النهائي وانتي مراكمة قوانين ..
بالاختبار بتغلطين غلظ فادح لانك ملخبطة بين قانوون وقانون ويخترب حلك كامل !
قلت لكم مترابط .. فاحفظوا أول ب أول !! لا تضيعون ..
مدخل للثقافة الاسلامية
مافي اسهل .. كانت محاضرتي مع نادية عياد رهيبه هالدكتوره
وهي رئيسة شؤونكم ياتحضيري علمي
صحيح اسلوبها بالشرح تقرا من الكتاب وتعلق الي هو نوعا ما ممل
لكن تفاعلوا معها ! اسمعوا لها كويس موسوعه علميه ماشاء الله عليها بمعنى الكلمه دكتورة ..
والاسئلة تلخبط شووويه لكن سهله ! ذاكروا بتركيز
اما الترم الثاني
تطبيقات الحاسب في التعليم
مادة سههههههههله لكن اسئلتها ! صعبه .. مو صعبه ! لكن ماتخطر عالبال بين السطور بين الفواصل !
يعني اختصرات الكمبيوتر تحفظينها كااامله تحفظون مهمات الويندوز والبويربوينت والاكسل والاكسس
كان اصعب حاجه الاكسس والاكسل ..
يعن ادرسوها بعد اول باول لان اذا تراكمت تتلخخبط المعلموات حاولي كل شي مرتب وملخصص
لكل برنامج لجل حفظك لها سريع
الاسئلة موضوعيه وتلخببببط تعتمد قلت لكم عالحفظ اول باول
كثير خسروا درجات بالرغم من تفاهتها ..
اللغه الانجليزية
الانجليزي علمي اخدناه الترم الثاني .. روعونا منه بنات ادبي لانهم حملوه بالهبل
لاتخافون اذا كنتوا حريصين ! كانوا يقولون لنا اساتذه الانجليزي انهم كانوا مستهترين
كلاس 60 طالبه 20 منتبهين
مصير الباقي يحملونها طبيعي انتوا لاتشيلون هم سهل مره الاختبار لكن الدرجات عالفقرات عاليه
يعني فراغات عليها 6 درجات وكذا انتبهوا بهالناحيه
وتدربوا عالقطع لانها لحسه خارجيه وتجي شوي متعبه انا مستواي كويس وتعبت فيها ممو واضحه تعتمد عالفهم
وبس ولا المنهج سهل وحبوبات الاساتذة
خصووصا مها العجمي وعايشه بهاتي رهيبات اساتذتي وطيووبات
كيمياء عامة
ياإلهي كان المصيبه حقناااااا 
الشرح مع الدكتوره ماينفهم هههههههه واللاسئلة لحسسسه لازم تاخذون فكره عنها قبل الاختبار
تجيب جدول دوري فاضي وتحط رمز بمكان فيه وتقولك الرمز ايا كان الي هنا من خصاصئه السالبيه عاليه او الفته الكهربايه كذا والخ يعني افهموووووووا اي احد يشرح لكم
والدكتورة شيخه .. تنقص درجاااااات عالعلك !!!!!!!! ممكن تنقصين بكل محاضره ..
تنقص درجات عالكلام .. عاللبس الي كتفك طالع حتى لو كل شي مغطططى > مسكينه كان طالع شوي انا
تنقص درجه عالي تغفى او ترمش بتثاقل ! ههههههههه صديقتي فيها نوم ! مانامت ونقصتها انتبهوا
المعمل كله يتكلم عن الاملاح واكتشافك لاسم الشق الحمضي والقاعدي لكل ملح بدايه بتاخذون
الكشف عن الاملاح وبعدها الكشف عن القواعد استاذة المعمل امل رااائعه مره
الاختبار بيكون كذا بعد يعطونك ملح مجهول وتكتشفين بالتجارب
متعب كان الاختبار ملحي ماهو واضح لاني فاهيه في تجارب تسخين وبراده حديد كنت اتكاسل اسويها
واخمن بغت تروح مني 20 درجه لولا الاستاذه العسل امل
يعني لا تفوووتوا عليكم ولا محاضره وحده ! رح تضيعييون احضروها كامله
علم نفس النمو
هذي متعبببببه طوووووووووووووويله خططوا وادرسوها اول باول خل الافكار تكون بعقلكم
لكن الاسئلة سهله التعب بالمذاكره اذا كنتوا منتبهين مخطيين واول باول تدرسون
بتجيبون A+
مهارات البحث
اتوقع تاخذونها الترم الاول
بداية تكون فيها دورة مهارات الدراسه الجامعيه
عن الفرق بين المدرسه والجامعه واساليب الدراسه وكذا
مدة اسبوع
وبعدها اختبار من 20
وبقية الماده تختارون بحث وتشتغلون عليها محاضره بمحاضره ! وركزوا تشتغلون بالوقت المناااسب لا تتاخرون
وبعدها الاختبار سهل ! لكن مذاكرته بتكون عجيبه لان شرح للعملي الكتاب
فانتبهوا مع شرح البنات نصيييييحه لجل الدراسه تكون سهله وتدخل عقلكم
وبتجيبون الدرجة الكامله
تحرير عربي
بالنسبة للعربي ترى لما كنت اقرى العنوان للمحاضره دايم افكره سياسه وفلسطين
تراه املاء وكتابه بنات الهمزات و ال التعريف وكذا
وبالنسبة للي يحذرون من متى اسماعيل
بالعكسسسسسسسسسسس من اروع الدكاترة
انسانه ذكية عبقريه بالعربي تحسسك بان عربيتك مازالت لاشيء وانك لازم ترتقين بمستواك
البنات الي بيكونون مع منى اسماعيل الاختبار بيمر عليهم سهل ..
لانها تركز على اشيا مايركز عليها الدكاتره الثانين
وتكون الاسئلة موحده !
اهم شي رتبوا صفوفكم وكراسيكم لا تجلسون من ثاني صف ترا بتنقصكم املوا الصفوف كامله هههههههههه
لكن بجد رهيبه ماعليكم من الاشاعات تكون شخصيتها قوية الايام الاولى ومخيفه
لكن عسل
أحياء عامة
مره سهل مره جميل مذاكرته طويله بس
نصيحتي لخصوه اول بأول ! بتحبووووووووونه مره تافه منهج سبق ودرسانه
التصنيف للحيوانات والنباتات والخلايا حقتهم واشيا سهله
والمعمل اختبار رسمات وانك تتعرفين على شرايح مجهريه
احرصوا بكل معمل تسجلون بنوت شكل الخليه اوصفووووه لانفسكم وارسموه بشكل مقارب بالملزمه
لجل وقت ماتدرسون عمياني بالبيت تتذكرون شكل الشريحه انتبهوا لادق التفاصيل
ووقت الاختبار بتحلون بالراحه
بتطلب منك ممكن تشوفين شريحه تتعرفين ايش هي مثل خليه عضلية
وتكتبين اسمها بالورقه وترسمين رسمتها التوضيحيه بكذا يكون سؤالين بواحد
ومادة صحة ولياقه بالمثل
لخصوا اووول باول وانتبهوا مع الدكتوره ناهد متعبه طلبات زي ماقالت حبيبي ام علوك
لكن نادرا يجيب احد اقل من بي
شاركوا معاها بكل الي تطلبه ولا تتاخروووون
لكن ! لخصوا هو والاحياء درسوني اياهم ناهد
لخصوا وانتبهوا ترتاااحون
وبس بالنسبه للمواد الي رح تدرسونها
وممكن دكاترتي تكون مختلفه عند البعض فخذوا المفيد  
|