ملتقى طلاب وطالبات جامعة الملك فيصل,جامعة الدمام - عرض مشاركة واحدة - السنة التحضيرية |[.. لـکل طالبـہ مستجده ..]|لكل آسئــلتكم وآستفسآرآتكم هنــآ

الروح المفقودة · 2011- 9- 12

هذا رد نزلته بموضوع تجارب التحضيري
وفيه رد طويل عن موادكم يالعلمي القوا نظره هناك

او انسخوه هنا ..

هذا شرح الكليه ههههههههههههه

اقتباس:

بالنسبه للكليه يا اني جلست شهرين اعاني العام لجل ادل
وكل يوم اكتشف لي ساحه ّ ! واكتشف مدري ايش ..
فهذي رسمه لتصميم الكليه سهل جدااا ..

سامحوني غبيه ومستعجله بس كانت بخاطري ارسمها

تدخلون من البوابه الكبيره يمينكم غرفة الارشاد لما تخالفون باللبس رح تدخلونها :P

وجنبه بوابه توديكم للكافتيريا والمصلى

وسيده تدخلون يمينكم الكافتيريا ويساركم القاعة الزرقا الي لو تدخلون توديكم عالمسرح بعد نسيت ارسمه

نجي للمبنى افصله لكم اكثر

سامحوني ع غباء الالوان والترتيب ههههههههه

رجعت رسمت الجزء الامامي الي هو الكافتيريا والامن والقاعة الزرقا

والكافتيريا لها 3 ابواب ..
1 الي تحت يوديكم للمصلى وتقدرون تطلعون من الباب الصغير للخروج
2 الي جنب الامن تدخلونه من باب المبنى
3 الي فوق تطلعون من الكافتيريا بيكون على امتداد الممر
المكتبة للملازم والتصوير والنسخ والسيدي والطباعه كل اشيائكم هنا
وتمشون بعد قدام درج للجناح ألف هناك قاعات بعض محاضراتكم

وتكملون تجيكم معامل الحاسب ومعامل الانجليزي

وبعدها درج جناح ب

وتكملون سيده منطقة "المطار " تؤدي الى جناح جيم الي فيها التخصصات الادبيه
ممكن محاضرات علم النفس والانقلش تكون فيه

شارع الرياض المذكور اعلاه مزدحم دائما .. اذا ديلتوه انتم بخير ههههههههه
-=-=-=-=-=-

نجي للمر الي لما تدخلون من بوابة المبنى ..
تعدون الامن وتدخلون يسار
هنا بتلقون رئيسة الاقسام التحضيرية علمي د . ناديا عياد . .لأي مشاكل بالجدول الاختبارات وكذا
وفيه بعد مكاتب سكرتيريات الاقسام كنا نسأل عن حضور المعيدات والدكاتره من عندهم
وتلقون في اخر هالممر يسار بوابة المسرح .. نسيت ارسمها "=_=
وباخر الممر يمين فيه شؤون الطالبات تدخلون لأي مشكله عندكم وورقة البنك والخ

وبنفس الي فيه الشؤون كملوا سيده

يجي يساركم درج ثاني لجناح ألف ..
وبعده فيه معامل الكيميا والاحياء والفيزيا ..
وبعدهم درج ثاني لجناح باء ..

لفو يمين ههههههههههههه المكتبه العاديه للقراءة والدراسه والخ

وجنبها معامل فيزيا وانقلش اعتقد ..

ويبقى الممر الي فيه غرفة العميده .. ويقابله غرفة المعيدات والاستاذه حقينكم كلهم

--------------------

بس ركزوا وتحفظونه من انتوا جالسين بالبيت تكونون محترفين افضل مننا ههههههههههههه

وعساه مفهوم
اي سؤال انا بالخدمه

نسخه من هالرد لموضوع المستجدات