2011- 9- 12
|
#4
|
|
أكـاديـمـي ذهـبـي
|
رد: انجليزي قراءة ,, و انجليزي كتابة
مرحبًا أرجوان..
أنا درست المادتين مش السنة اللي راحت اللي قبل : )
اللغة الانجليزية كتابة:
مادة خفيفة وجدًا سهلة, أغلب المعلومات الي فيها دارسينها من قبل.
تتكلم عن كيف تكتبين تعبير, يعني الأمور الشكلية لكتابة التعبير مثلًا تتركين مسافة قبل البداية, ووين تضعين الفاصلة وهكذا, يعني المادة بشكل عام سهلة, فقط انتبهي مع الأستاذةمن البداية واحرصي على الاهتمام بالواجبات اللي تعطيكم الأستاذة لأني أشوفها جدًا مهمة بهذه المادة بالذات, لأنها عبارة عن مهارة ولازم تتقنينها, والمهارة إذا بنتعلمها لازم نطبقها..
/
اللغة الانجليزية قراءة:
أشوفها تختلف بشكل كبير عن اللغة الانجليزية كتابة من حيث المستوى, ما أقول أنها صعبة لا بالعكس هي مادة حلوة وتستفيدين منها كلمات كثير تساعدك, لكن يحتاج لها جهد طبعًا وتحضير, لأن المادة عبارة عن قطع وتدرسونها فلازم تكونين محضرة وقارية القطع في البيت علشان تقدرين تشاركين مع الأستاذة وتفهمين معها. والأشياء اللي تهتمين فيها في هذه المادة هي أنك تحضرين القطعة المطلوبة بأنك ترجمين الكلمات الصعبة وتفهمين القطعة حتى تقدرين تجاوبين على الأسئلة اللي تكون بعد القطعة. وأنك تحفظين الكلمات المطلوبة مع كل قطعة من البداية حتى ما تتراكم عليك بعدين. وبالنسبة لي أنا أستمتعت أكثر باللغة الانجليزية قراءة واستفدت منها كثير.
وموفقين جميعًا.
|
|
|
|
|
|