ملتقى طلاب وطالبات جامعة الملك فيصل,جامعة الدمام - عرض مشاركة واحدة - مستوى خامس .. حياكم كلا بإسمه و رسمه .. متطلبات المواد المحدثه (ص8)...

فضيل · 2011- 9- 13

اقتباس:

المشاركة الأصلية كتبت بواسطة انقلش

السلام عليكم ورحمة الله وبركاته

اولا دورت على موضوع احد يكون فاتحه لمستوى خامس انقلش بس مالقيت فلو الموضوع مكرر السموحه

ثانيا حبيت اتسائل عن تسجيل المواد وشو رح تختارون؟

جدولي كالتالي

صوتيات ونظام صوتي ....روعه
مقال ... مقبوله
ترجمه.... لذيذه
قضايا معاصره... الله اعلم
حضاره اسلاميه.... مقدور عليها
قواعد بيانات .... حلو
مهارات التحدث.... ياسلاااااام مزاج هالماده
حاضر لعالم الاسلامي.... ماهي عاصمة البحرين ؟

كنسلت

الفكر الانجليزي .. حسيته مدري وش يبي في الحياه هالمنهج

ظهور الروايه ... الله يصلحهم ابتلشنا بها وظهرت لازم يبحثووووون ليش طلعت؟ عموما مالي خلق مناهج فلسفه الان...

واخيرا كنسلت ادب القرن 17 .. ضربتين في الراس توجع يا قدعان .. ترمين ورا بعض وادب !!

الان سؤالي وش بتختارون؟ لو شفت اغلبيه بتروح مع اللي كنسلتهم ممكن اجي معكم .. الحق ع الشروحات والتلاخيص منكم .. و اهو تنفتح نفسي بالدراسه الجماعيه

شغله اخيره ...

انتو شايفين ان من ضمن المنهج الصوتيات والنظام الصوتي

اللي استغربه بصراحه ... انه تم تدريسنا مادة اللغويات الترم اللي فات مع دكتور غسان الله يمسيه بكل خير ... والمفروض اننا ندرس هالمنهج قبل اللغويات ..

اتكلم معكم بصفتي طالبه سابقه في اداب الدمام انقلش و كملت فيها سنتين بنجاح

درسنا صوتيات سنتين اولى وثانيه ولغويات تجي في سنه ثالث ورابع .. هذا الترتيب الاصح لأنها تأسيس للغويات

تتذكرون الرموز اللي جابها لنا في اول اربع او خمس محاضرات والكل كان يتسائل وش هذي؟ ونحفظها او لا ؟ ( تلاقونها في بداية كل قاموس انقلش .. هي كأنها حروف انجليزيه مقلوبه وعليها نقط وبعضها غريب شكله ...بعض القواميس اذا مو كلها تستخدمها بعد كل كلمه انجليزيه لتبين طريقة لفظها الصحيحه .. لأن بعض الكلمات تتشابه رسما وتختلف نطقا )

الدكتور مجرد ذكر هالرموز فقط ولا الزمنا بحفظها فأعتقد انه فاهم الخطأ في اختيار المنهج ولكن مابيده حيله ... ما اقول الا الله يمسيه بالخير والله مافيه زيه

احتمال في هالترم نلزم بالكتاب اللي في الصوره والله اعلم... ويمكن يختارون لنا كتاب ثاني

للي حابب يتعلم صوتيات وبشكل عميق جدا ومحترف وكأنك من المتحدثين الأصليين للغه .. انصحكم بهالكتاب .. ( حتى للأطفال انصح فيه )

كتاب لطيف و مهضوم ويعتمد ع الاستماااااع تماما ... يعلمك النطق بشكل صحيح جدا وسهل وبسيط في شروحاته
مزود برسومات غنيه تعلمك بالمكان الصحيح للسان في الفم ... مزود بشريط كاسيت في زمن السي دي وهذا عيبه الوحيد ..

درست هالكتاب في السنه الاولى والثانيه من دراستي السابقه في الدمام ... وساعدني كثير كثير كثير كثير في القراءه الصحيحه للغه الانجليزيه وفي فهم الكلام ايضا ...

( الماده على ايامي لما درسناها كانت لذيذه لدرجة انه صرنا نكتب انقلش بالرموز نفسها .. طبعا حفظناها وصميناها زي اسامينا ... جربوا ... تكتبون جمله كامله بالرموز وادخلوا تحديات مع الباقين انهم يقرونها بشكل صحيح .. جو دراسي حماسي جدا ... حتى الدكاتره كانوا ينبسطون اذا دخلوا ولقيوا السبوره مليانه كتابات منها ويحاولون يقرونها احيانا

)

لو هالكتاب علينا هالترم اعتقد اني سأتكفل بالشرح للي يبي ...ولو مو علينا وفاهمه برضو رح اشرح

اموت بهالماده يارب ما نطيح بدكتور متفلسف

اعتذر عن الاطاله بس حبيت انبه ع الماده .. واسألكم عن جداولكم

في انتظاركم

والله انك صادقه : وانا أقول في شي غريب في المادة

يعطينا شي جديد وكأنا درسناه من قبل

والله حاله .....