ملتقى طلاب وطالبات جامعة الملك فيصل,جامعة الدمام - عرض مشاركة واحدة

احتواء · 2011- 9- 13

~

حبيبتي اذا نبي نتعلم ضروري نعمل بوش لأنفسنا ونبدأ نسمع ونقرى ونكتب ونحفظ . أساسيات
أربعه لتعلم اللغه وإتقانها .. راح نتعب بأول الطريق لكن نثق تماماً راح نرتاح في النهاية .وتعلم اللغه
مايتوقف على حد معيّنن .. انا زيكك بالضبط ابي اتعلم وبديت اجمع دروس واشياء مهمه . وصرت
ادخل اليوتيوب باستمرار عشان الدروس الانجيزية مررا روعه وشرحهم اكثر من رائع ..
وحملت ملف وررد فيه 500 كلمة .. تلقينهم في المرفقات .

ضرووري ضرووري نقرى . مكتبة العبيكان اللي بالأحساء مول اعشقها دائما أحوس فيها .
روحي قسم الكيدز ستوري وبتلاقين كتب قصصية جمييله , خلينا نعتبر نفسنا أطفال ونبدى
نشتري كتب قصصية جميله واذا انتي في بدايتك في القراءة حاولي تشترين قصص تعرفين أحداثها
واقري بصووت عالي عشان تسمعين كيف نطقك للكلمات . .

جامعة اكسفورد انتجت كتب قصصية وأراها مميزة وممتعه .. وانها مقسمه على حسب مستوى
القاريء الى 6 مستوايات .. وفيه مستوى ماقبل الاول وتتوافق مع حصيلتك اللغوية
.. جمييله وانصح فيها ومدعمه بصور
تلاقينهم بالعبيكان وسعرهم مررا رخيص ب 24 ريال . . قسم الكيدزز بوكس ..

وطوّري نفسك من ناحية التحدث لا تسمعين بس بدون ماتعيدين المسموع .. النت الحمدلله
متوفر فيه كلل شي .. حاولي انك تعطين الانجليزي جزء من حياتك وجزء من جلستك في النت
ووجربي تكلمي بالانجلييزي . اتركي اللي حولك لو احبطوك او خلوك اضحوكة . لاتهتمين ..

اذا انتي من محبّي الافلام . جربي وعوددي نفسك تشوفينهم بترجمة انجليزية . عشان تطورين
ننفسك من ناحية الاستماع و القراءة .. شوفي قناة ام بي سي فور . برامجها جميله .
او قنوات اجنبية لكن فيها ترجمة انقلش . . ومع التعويد راح تفرقين بين اللكنات الانجليزية
انا من عشاق اللكنة البريطانية احب اسمع كلامهم .

~

وفي النهاية اتمنى انّي وفّقت في الطرح , وارجووا اني ساعدتك ولو بالقليل ..
اي خدمه انا موجودة