ليلــة البارحـة مـا بيـن ضـرسٍ ونـاب
صمت بوح المشاعر مثل صمت القبور


كـل مــا قـلّـت ابفـتـح للأحاسـيـس باب
طاح قدر المعانـي مـن عيـون الشعـور


الشعـر غصـن مـا يرقـى عليـه العقـاب
يستـريـح الحـمـام وتسـتـريـح الـطـيـور


بين كشف الحضور وبيـن كشـف الغيـاب
اشطبـونـي غـيـاب وسجّلـونـي حـضـور


جيت مثل الهبوب اللي يســوق السحـاب
لـو تشّـب القلـوب ولـو تفـوح الـصـدور


شابت احلام عمـري فـي ربيـع الشبـاب
وضاعت احلى الأماني بين ظلّمى ونور


يـجزع مـن الحقيقـه مـن يحـب السـراب
ويآمن الوقت مـن صلّـى وقلبـه صبـور


صاحبـي لا تعاتـب وانـت صمّتـك عتـاب
فـي عيونـك كـلام وفــي خفـوقـك يـثـور


كــان للـشـوق سـيــره للمـحـبّـه كـتــاب
وكـان للبـغـض طــاري للمشـاريـه دور


لا تظـنّ الخطـأ يمسـي ويصّبـح صـواب
تحّـسـب الـوقـت ثـابـت والليـالـي تــدور


اعتبرنـي بحبّـك شخـص مـذنـب وتــاب
تـدري الحـب كذبـه واكثـر الشـعـر زور



{ نآيـلْ ألظفيري }