حياك الله أختي هدى بيننا معاشر الفيزيائيات

بالعكس سؤالك حلو حتى لو كان عن لعبة

المحرك الكهربائي مافيه عجلات مسننة اللي يتحرك فيه ملف هو اللي يدور بسبب المجال المغناطيسي اللي يأثر عليه عشان كذا المروحة تتحرك

وبالنسبة لسؤالك كيف الكترون يحرك عجلات طبعا اتفقنا انها مو عجلات هذا ملف

البطارية الجافة يصير فيها تفاعلات كيميائية معينة تخلي يكون فيه فرق جهد بين أقطاب البطارية لأن الإلكترونات

تتجمع على قطب البطارية السالب فيكون جهده أكبر من جهد القطب الموجب فتتحرك الإكترونات داخل البطارية من الموجب إلى السالب

وإذا وصلنا البطارية بدائرة كهربائية الإلكترونات تتحرك من القطب الموجب عبر الأسلاك وتمر بكل شي موصل لين ماتوصل للقطب السالب وتكرر العملية هذه بنفس الأسلوب

وصلنا خير البطارية لها فرق في الجهد يعني ان الإلكترونات اللي فيها لها طاقة وهذي الكترونات كثيرة جدددددا

فطاقتها بتكون كبيرة وإذا مرت عند المحرك تتحول الطاقة الكهربية إلى طاقة حركية تخلي الملف يتحرك وبالتالي

تتحرك المروحة

هذا باختصار شديد جدا عشان لا أطول عليك وبإذن الله لي عودة عشان أشرح اللي يصير يالضبط بالتفصيل الممل وبالصور والفيديو


وبالنسبة للإختراعات صحيح ان فكرة وتصميم الإختراع يكون عندنا بس السبب حق الإختراع مو شرط يكون عندنا ممكن يكون عند التخصصات الثانية

مثلا الساحبة اللي في المعامل تسحب الأبخرة من المحاليل المركزة لو مافيه محاليل مركزة حضروها الكيميائيين أكيد مابتكون لهالساحبة فايدة ولا أتوقع ان أحد يفكر انه يسويها

ونفس الشي المجهر اللي يستخدمونه الأحيائيين فكرته فيزيائية عن التكبير وغيره بس مااخترعه الفيزيائي الا لما الأحيائي اكتشف ان فيه أجسام صغيرة ماقدر يشوفها بعينه

الكلام اللي بالأزرق ما أخذته من مصدر يعني مابحثت عن الساحبة ولا عن المجهر هذا تحليلي الخاص وأحسه منطقي والله أعلم

وانتوا معاشر الكيميائيين لكم دور في صنع المواد اللي الفيزيائيين يستخدمونها في اختراعاتهم
وغير كذا اذا حضرتوا مواد جديدة واستافادوا منها الناس هذا بحد ذاته اختراع

حتى انا أحب اني آخذ معلومات في كل العلوم واحس ابي أعرف عنها أشياء كثير

لأنها سبحان الله مترابطة مع بعضها

إن شاء الله نشوفك احسن مخترعة ونستفيد من اختراعك