|
رد: ,!,!,!.!.! أقول لك شي !,!,!,!,
السلام عليكم شكرا اخوي نايف على الموضوع
اعجبتني ابيات شعرية ل ممدوح بن زايد الشمري
في قبيلة يام يقول ممدوح......
هذه القصيده إهداء مني ومن قبيلتي قبيلة شمر إلى قبيلة يام العزيزه كبيرهم وصغيرهم
لما لهم عندي من معزه وتقدير
وعند قبيلة شمر كافه
إليا تكى شعري على ضلع شمر
وعينه تخايل ضلعكم يابني يام
*
أنا أشهد إنه بالجزاله مضمر
وأنا أشهد إنه ممتلي صدق وهيام
*
ومن كثر ماهو هايم ٍ صدق جمر
ومن سرعته حتى آخره صار قدام
*
واللي وقف دربه خطير إيتدمر
لأنه على وصل المشاكيل عزام
*
يلفي لكم يالابة ٍ ماتذمر
لاجاء نهار ٍ للمراجل به إقدام
*
ربع ٍ على الجزلات ماهي تقمر
طبيعة ٍ فيهم على مر الأيام
*
يام العريقه للطويله تأمر
يبنون للعليا فعل ماهو أحلام
*
كبيرهم فيه المراجل تعمر
وصغيرهم للطيب والعز مقدام
*
بأيمانهم فزعه وطيب ٍ مسمر
مقرون بأيمان المطانيخ الأكرام
*
فزعاتهم يم النخاوي تطمر
وبصماتهم تبقى على مر الأعوام
*
تاريخهم بالعزم والفعل ثمر
ياسعد منهو حطهم درع وحزام
*
قلته وأنا من لابة العز شمر
تهدى لذربين الفعايل بني يام
|