السلامْ عليكُم و رحمةُ الله و بركاتُه
عليك السلام اخت ميآر
كيفكم يا بنات كليتي 
احنا مناح انتي كيفك؟؟
كيف كان اول يوم في الكليه ؟!
عادي جدا
عن نفسي كان يوم عادي جدا مافي غير حولت عيوني وانا اشوف وين قاعات محاضراتي
اقلها استفدتي
و فوق كل هذآ للآن في قاعه لم أكتشفها 
سدحي رقمها و نقول لك موقعها افاا عليك
نسأل الله التوفيق لنا ولكم 
أمين يا رب
,
عندي كم أستفسآر
ممكن يفيدني و يفيد أي مستجده تحس أنها ضايعه مثلي 
كل ماافكر بأول يوم دراسه بالكليه أحس بتوتر غررريب و تجي في بالي عدة أفكار و تساؤلات قلت أحطها هنا 
اخذي راحتك
1- اول ماتحصلين على القاعه و تفتحي الباب وتدخلي .. أش تسوين ؟!
بعد السلام و الأستئذان اذا كان في دكتورة او دكتور تجلسين حيث تلقين لك مكان
اذا ما في دكتورة ولا دكتور سلمي و دخلي عادي
وجلسي المكان اللي بخاطرك
2- بالنسبه ليّ عندي اول محاضره دكتور أدخل لكلاس كذا عادي ؟!
أيون
< طبعا انا شفت القاعات الدراسيه الي فيها حاجز زجاج وكذآ , بس مدري كيف اتصرف وكذآ مابي اسوي شي اتفشل منه 
لا دخلي عادي بس في بنات مقتنعين ان الدكتور يشوف خشتهم
فيتغطون او يتحجبون
بس الواقع انه ما يشوف و انا بنفسي سويت تجربة و طلع ما يشوفنا
دخلي عادي كما انتي
3- باول المحاضره بكون في تعارف بيننا وبين الدكتوره المحاضِره ولآ بتخّش دوغري بالمهم ؟!
بتعرفكم على نفسها
و بتعطيكم نبذة عن المنهج و بتقول لكم اسم الكتاب اللي تحتاجونه و توزيع الدرجات
و بعضهم يتكلمون عن اسلوبهم و تعاملهم
و بعدين المايك مع البنات اللي عندها سؤال او اي شي
و بعضهم يعطون دروس و بعضهم يطلعونكم
و بعضهم ما يحضرون اساسا الا الأسبوع اللي بعدو و يبدأون محاضرة على طول
< ياكثر الأسئله الي كانت في بالي و طارت فجئه بس قررت افتح الموضوع .gif "(269)")
فَ الي ببالها أي سؤال تجي تحطّه هنآآآ 
يلآ بنات لآتكسفونّا 
افااا
اي سؤال سالي و احنا بالخدمة لك و لكل اللي تبغى