2011- 9- 14
|
#5
|
|
أكـاديـمـي
|
رد: ارجو المساعده والنصيحه ، بخصوص السنه التحضيريه . .
السلام عليكم
انا عن نفسي كان عندي خلفيه بالانقلش بسيطه وكنت افهم كلام المسات بس مع الممارسه صرت احسن
واكتشفت ان فيه كلمات ننطقها غلط من الثانوي 
صح بالبدايه كلنا كنا خايفين كيف الاختبارات وكيف نفهم الاسئلة 
بس بعد اول اختبار بكل ماده فهمنا شسالفه , شوفي صح بتغلطين وممكن مرات ما تفهمين وتقولين انا ما اعرف ومدري وشو بس صدقيني مع كل اختبار تفهمين اكثر وتتحسنين تدريجيا
الانقلش *
اهم شي الحل بالكتاب مع المس مهم مهم  وانتبهي للسبلنق وصححيه مع المس او صديقاتك و الا اذا رجعتي البيت بقوقل اكتبي الجمل الي شاكه بالاسبلنق حقها ,لانك بتذاكرين من كتابك ولو نقلتي غلط بتحلين بالاختبار غلط , والتمارين تساعدك انك تفهمين اكثر بالانقلش
الرايتنق * تقريبا كلنا واجهنا صعوبه فيه عشان نكتب براقراف وزي كذا , بس الشاطره تقدر تعرف نفسها وتحسن نفسها , وركزو على القرمر بكتاب الرايتنق لانهم يجيبون لكم اسئله فيها قرمر وكلمات مو بس براقراف وهالاشياء تزيدك درجات.gif "(204)") , بس عموما مواضيعهم جدا سهله و نفس مواضيع الكتاب
الريدينق * كان عقدة البنات عشان كلمات كثيره ولخبطه , بس فيه بنات مشو فيه زي العسل , كلن وطريقته الي تذاكر اول بأول والي تربط الكلمات ببعض , واللي تقرا الجمله وتفهم وش معنى الكلمه وزي كذا
القرمر * مهم جدا تفهمين القاعده مو بس تحفظينها , واذا ما فهمتي روحي للمس مكتبها وعلميها , ترا الساعات المكتبيه حاطينها عشان الطالبات يسألون .
اللسننق * ماده خفيفه طينه وسهله بس لا تطنشينها .
نجي للحاسب (IT) قالو لنا صعب وكلن يعيده ومدري ايش  كلنا كنا خايفين منه , بس اكتشفنا العكس الشاطره الي تترجم اول بأول وتفهم بتمشي
لا تحفظين صم لا هذا غلط .gif "(177)") افهمي الزبده وترجمي الكلمات المهمه وركزي مع المس هذا اهم اهم شي وبتمشين بالراحه  والاختبار كله خيارات وصح وخطا ويمكن فقرتين فراغات يعني منتي كاتبه شي من مخك الا يمكن كلمتين , وركزو على العملي اكثر *
الماث* سهل وحلو ويهبل بس اختباراتهم لك عليها  يعني على حسب الاسئله تجيك مرات كنها لغز  بس مع هذا حلو ولازم تشغلين مخك وتحضرين كل المحاضرات لأن لو تفوتك محاضره وحده يفوتك شي كثير
الهيلث * حفظ x حفظ وترجمي صح والاختبار كله خيارات, اصلن عندكم بس اختبار واحد بنص السمستر واختبار الفاينل , لكن الباقي كله عملي , بتسسون لوحه بسيطه جدا عليها 5 درجات , وبتسوون عمل اعاده تدوير الاشياء وعليه 5 بعد , وبتطبخون طبق من اختيار المس وتجيبونه معكم وتذوقه المس
الكومنيكيشن *ماده حلوه مره مره , كلها لعب وسوالف ومافيها اختبار نهائي ابشركم  بس تسوون عروض بوربوينت كل اسبوعين عرض وعليه 20 درجه والاموضوع تصيرون ماخذينه مع المس وفاهمينه
الكيمياء والفيزياء * يعطونكم عروض بوربوينت تحفظونها وتختبرون كويزات من 5 درجات كله خيارات والا صح وخطأ احيانا , نفس الي اخذتوه بالثانوي بالضبط بالعكس مختصر اكثر بس مهم تعرفين وش المعاني والتعريفات
وتركزين بالكلاس
ستدي سكيلز * كأنها ندوه عن المذاكره والوقت وزي كذا تسولفون وتستانسون وتريحون من ضغط المواد  مافيها فاينل بس تختبرون 4 اختبارات من 20 وتعطونها باخر السمستر اسايمنت
واتوقع خلصنا
اي سؤال انا حاضره
|
|
|
|
|
|