|
مـــلاحظــات هــامــة بـخـصــــوص الملازم و الملخصـات
السلام عليكم و رحمة الله و بركاته
الأن بما أن البعض أنهوا تسجيل المواد و طلبة مستوى اول وصلكم الباسورد
بتبدأ مواضيع مثل ما كلنا نشوف عن الملخصات و الملازم و غيره
طبعـاً كـمشرفين علينا أننا نساعدكم و بنفس الوقت ننبهكم على موضوع مهم وهو
الملازم و الملخصات الي اتمنى تاخذون بالكم منها
عشان ما احد يجي بعدين و يحط اللوم على المنتدى و على المواضيع الخاصه بالملازم و غيره
السبب هو....
- في حال تغير الدكتور تأكدوا أن المنهج بيتغير .
- مرات فيه دكاترة يعيدوا تسجيل محاضراتهم و ممكن يحذف او يضيف اشياء للمحتوى
- الخطأ وارد في كل شي بعض الملازم ممكن يكون فيها نقص
و طبعاً الترم الماضي البعض توهق من ملازم اخذها بأنهم لقو اختلاف و غيره
الحـل ...
- أي ملف تاخذونه من شخص سواء بالمنتدى أو خارج المنتدى تطابقون بينه و بين الملفات المرفقة اللي هي نفسها الملزمه و اللي نسميها كمان بـمحتوى المقرر
- الحل الثاني أن كل طالب / ة من كل مستوى يمسك مادة و يحولها من باور بوينت إلى Word
مثلاً طالب او طالبة من مستوى أول او ثاني يستلم مادة و يسويلها موضوع متجدد يعني كل الملفات من المحاضرة الاولى الى المحاضرة الرابعه عشر تحولونها ألى Word بحيث يكون شكلها مرتب و افضل بالطباعه
بهالطريقه راح تعرفوا أن المحتوى هو هو نفسه يعني لا هي ملازم قديمه ولا راح تحتاجوا وقت بالطلب و البحث عنها
و أنا و ديما راح نثبت لكم هالمواضيع بالموضوعين اللي سويناهم للملازم و المحاضرات و الواجبات
انتظر رأيكم بالموضوع عشان بكذا نكون كمشرفين سوينا اللي علينا و ما احد يجي يتشره و يزعل لما يلقى ان الملازم فيها مشكله
بالتوفيق للجميع
|