اليوم مبارة الهلال ضد الشبااااب

واليوم بعد بيتم تدشين الالتراس الهلالي

مرره متحمسه اشوووفه الله لو أني ولد كان رحت معهم وانا مغمضه

الالتراس وشو يعني تكون فيه جماهير معينه مشتركين فيه في الالتراس ويجلسون بمكان ككلهم مع بعض

ويقعدون طول المباره بتشجيع الهلال بأهازيج وحركات وبركات وكذا يعني اشيااء كووشخه

زي المدرجات الأوربيه ومن دون مكبرات صوت

احسن من رئيس الرابطه البطاطي إلي مايهش ولا ينش

تذكرون الرابطه البحرينيه إلي جات يوم مبارة الهلال وبونيودكور الأوزبكي

ي رباااااااه عليهم بس قسم بالله ذيك لمباره ماتنسي

اتذكر كنت بالمقلط وقدامي دلة شاهي ويميني بطاطس حار نار ورافعه الصوت

وجالسه اغني مع الرابطه معيشه نفسي جو اني بالملعب

ترى هلي عاادي صاروا متعودين علي

مره كنت اشوف اهداف الدوري وجايبين مبارة الهلال والاتفاق قسم متحمسه كأنها لايف

المشكله عارفه النتيجه 3_2 للهلال بس لا إرادياً انقز

خالتي تقول لأمي ذاك اليوم وشفي بنتك تناقز والمباره قديمه

قالت لها أمي هي اصلا عندها ربع عقل ويوم راح ياسر راح عقلها الباقي كمل عليها لاتشرهين عليها

فدييت امي إلي فاهمت تركيب مخيخي

لحظه اجيبلكم اغاني الرابطه بذيك المباره ان ماتنكست عليها سديمو ما أكون حماتها

تخيلوا سديم ورت امها مدونتي الله يقطع ابليسها

اسمعوا هاازاا الشي القميل

http://www.youtube.com/watch?v=66Yf5...eature=related

يابو ثلاثه يابوثلاثه سرى الليل يابو ثلاثه

بالله عليكم لما تشوفون الهلال يلعب ماتحسون بشي كذا في قلبكم

مااتتنهدون وتبتسمون

ولااخسر تتضايقون ولا فاااز تفرحوون

وتحسون بإستمتااااع شديد لما احد يسولف معك بطاري الهلال

عاد انا خواتي كانوا هلاليات بس قالوا خلاص بطلوا والسبه انا

اول ما أصحى احب اقرأ الجريد الرياضيه الورديه ومقالات الروقي خنطنطره

عاد جستنيه وووووع كاتب مستفزز

وكاركترات رشيد السليييم تجنن تجنن تجنن كلها ذبااات أليمه للجاار

بالتوووفيق للزعييييم اليووم