|
مـن يـسـاعـدنـي فـي تـنـظـيـم الـوقــت
السلام عليكم
طبعا في البدايه انا طالب مستوى اول اداره اعمال سجلت في الجامعه لتطوير النفس وتغيير وضع
كنت في البدايه متحمس ومازلت ان شاء الله خلال الفتره الماضيه حاولت ابحث عن طريقه تنظيم الوقت
ومالقيت قرأت موضوع في المنتدى ونفس الشئ ماقدر استفيد منه لان المشكله
انا موظف ورب اسره ولله الحمد فمادري في احد يقدر يساعدني انا بكتب لك يومي يمكن
احد يشوف اللي انا ماقدر اشوفه ويترتب
اكون خارج البيت للعمل من 7 صباحا الى 6 المغرب بعدها اخذ لي غفوه تنتهي 8 الى 9:30
اكون مصدع وحدي تعبان ورايح فيها يعني صعب اطوفها ومستحيل اركز من غيرها
يبقى عندي من الساعه 9:30 تقريبا الى الساعه 12 بعد منتصف الليل طبعا الفتره هذه
تكون متنوعه بين مسؤوليه البيت والعائله ويوم في الاسبوع يكون مخصص لبرشلونه
يعني يوم في الاسبوع هذا محذوف من الدراسه ولو فرضنا الخميس والجمعه اعتقد راح
انضغط اكثر بخصوص البيت لان الكل شايف وقتي ضيق فايتعوض بالعطله فكرت بعد
اخذ معي شويه مراجع في العمل لكن المشكله انو عملي جمهوري يعني في مقابله الجمهور
وصعب كل دقيقه اقرأ حرفين والثالث اقطعه صراحه المفروض الجامعه تراعينا المنتسبين
عطونا ملخصات نحفظها ونرتاح . لان حياتي محصوره في سويعات معدوده
واجازه للدراسه ماقدر اخذ لانها راح تكون
خاصه للاختبارات لان عملي لايعطي اجازه للاختبارات خارج الاجازه السنويه
فاذا اخذ اجازه مهما كان عدد ايامها
ماقدر بعدها اخذ اجازه للاختبارات خاصه ان جدول الاختبارات وقته مع عملي ولااقدر استأذن
فا ياليت اذا احد عنده طريقه للتنظيم او احد حياته مقاربه يساعدني
|