ملتقى طلاب وطالبات جامعة الملك فيصل,جامعة الدمام - عرض مشاركة واحدة

بـــو أحــمــد · 2007- 7- 8

اقتباس:

انزين الحين لما اختبر بحول الله يوم الأربعا

اقدر آخذ منهم النتيجة عشان اوديها حق مدينة الملك فهد الطبية؟؟؟

وشلون ؟؟؟ ومتى تطلع النتايج ؟؟؟؟ يعني بالعربي شسووي لما تطلع النتايج؟؟

بنت ثنوي
من تطلع نتائج الإختبار التحصيلي ...
كل جامعة و كل كلية تشترط الدخول في هذا الإختبار .. رايح تكون عندها النتائج
يعني بيرسلها لهم مركز القياس

و أنتي بإمكانك تطبعين النتيجة عقب ما تطلع من موقع قياس

حالياً .. فكري بس كيف تستعدين للإختبار التحصيلي و تجيبين نتيجة حلوووة
و البااااقي خليه بعدين

اقتباس:

وهل في مشكلة أنهم مسجليني تمريض

وانا بسجل في طب في مدينة الملك فهد

هل في مشكلة في هالشي ولا عادي ؟؟؟؟؟
يعني الأختبار نفسه ولا في فرق؟؟؟

ما فيه مشكلة ... الإختبار هو نفسه .. و لا فيه فرق و لا شي
أي مكان تسجلين و يطلبون منك نتيجة الإختبار التحصيلي ...
هي نفسها نتيجة الإختبار الي رايح تختبرينه يوم الأربعاء الجاي

اقتباس:

الأسئلة الي بتجي هل اهي من ممناهجنا في ثالث؟؟
يعني فيزيا كيميا واحياء ورياضيات وانجليزي ؟؟؟

وهل فيها اسئلة لغة عربية ؟؟؟؟

الإختبار عبارة عن جزأين ..
الجزء الأول هو أختبار القدرات العامة و هو مكوّن من قسمين .. أختبار لفظي ( لغة عربية ) و أختبار كمي ( مسائل حسابية )

الجزء الثاني هو الإختبار التحصيلي و مكوّن من ثلاثة أقسام ..
و رايح تجي أسئلة من المواد العلمية ( أحياء - كيمياء - فيزياء - الرياضيات ) و اللغة الإنجليزية

المطلوب منك .. لا بد تذاكرين كتب المواد العلمية في صف اول و ثاني و ثالث ثانوي ..
و تغطي الأسئلة بنسبة 20% صف أول ثانوي .. و 40% صف ثاني ثانوي .. و 40% صف ثالث ثانوي

اقتباس:

وشنو مطلوب نجيب ويانا يوم الأمتحان؟؟؟؟

هل مسموح بأستخدام الآلة الحاسبة؟؟؟

اتمنى انكم ما تبخلون علي بالأجوبة

وبالأخص بو احمد

الله يعطيكم العافية

اختكم

بنت ثنوي

أول شي مو مسموح تجيبين معاك آلة حاسبة .. لأن الأرقام في الإختبار رايح تكون سهلة

و بخصوص الأشيا ألي تجيبينها معاكِ للإختبار ..
أول شي بطاقة الدخول للإختبار التحصيلي الي عطوكِ اياها الجامعة و الي حطوا عليها صورتك الشخصية
و ثاني شي تجيبين معاكِ إشعار تسديد رسوم دخول الإختبار و مكتوب فيه رقم الإشتراك الخاص بك
و ثالث شي لا تنسين تجيبين معاكِ إثباتك .. بطاقتك الشخصية و لو ما عندك ...جيبي معاك ِ بطاقة العائلة
و رابع شي تجيبين معاكِ قلم رصاص نوعية HB2
و لو ما جبتي القلم الرصاص لا تقلقين .. رايح يعطونك واحد لجنة الإختبار

و لا بد تطلعين على نشرة الإصدار للإختبار التحصيلي الخاص بالطالبات علة هذا الرابط :
http://www.qiyas.org/issues/Female.pdf

لأنها رايح تفيدك كثييييير ... أنتظري أشوي لما تتحمل الصفحة عشان تفتح
و بالتوفيق للجميع