2009- 6- 3
|
#7
|
|
أكـاديـمـي فـضـي
|
رد: اعتبرهااا ميااانه او لقافه اللي ودك
اكيد كلنا في هذي الفتره نمر في نوع من التوتر ما قبل الامتحنات ,, نحاول نهرب من مخاوفنا بكل الطرق الي تشد انتباهنا سواء بمشاهده البرامج او الطبخ و الاكل و الرسم و وضع المكياج .. الخ
لاكن الحل انك تواجهين مخاوفك وليس العكس لذلك انصحك و انصح نفسي كذلك باتباع هذي الخطوات 
- بالبدايه تختارين لك غرفه بعيده عن الازعاج والاشياء الي تشتت الانتباه
- اوعدي نفسك ببريك مثلا نص ساعه الصباح و ساعه باليل مع وقت العشاء عشان تتحمسين اثناء المذاكره ويفضل تذاكرين في الصباح اي "بعد ما تصحين من النوم " لانها تساعدك على تثبيت المعلومه اكثر من غيرها من الاوقات وكذلك بعد صلاه الفجر
- انا عن نفسي قبل ما اذاكر الصباح احس بنشاط اكثر بعد فطور خفيف وصحي و بعده رياضه خفيفه من 5 الى 10 دقائق لتحريك الدوره الدمويه والاحساس بالنشاط و الحيويه
- بعده خلي معك دفتر فاضي اعتبريه سبوره واشرحي ولخصي عليه
- استخدمي الوان فسفوريه او ملونه عشان تتضح لك التفرعات والنقاط "فالمعلوم ان الالوان تحفز الذاكره على استذكار المعلومات"
- ابدئي المذاكره بالاطلاع على عدد الفصول ومحاوله الفصل بين كل فكره يتحدث عنها كل فصل ع السريع
- ذاكري باستمتاع و حاولي تشوفي وش الطرق الي تشد انتباهك وتحفزك لتركيز و ثبتي عليها واعتبري المنهج مجرد لغز حاولي تركيبنه و تذكري ان مافي شي تعجيزي لذلك واجهي مخاوف بقوه وعزيمه
- وصدقيني في اخر اليوم بتحسين براحه حتى يوم الامتحان بتكونين متمكنه و مو متوتره
واخيرا
كلنا نمر بفس هذي المرحله و بشويه اجتهاد والتزام ان شاء الله بنعدي منها بالنجاح و تفوق :150:+:praying:=:066:
بالتوفيق جميعا ان شاء الله
|
|
|
|
|
|