يـَــــــــــوْمْ خـَـــــــــــــــــاصْ ..









اليـوم / الأحـد 18 سبتمبـر .

الساعـه / 6 المغـرب .

المكـان / مقلـّط ديوانيـّتنـا .

المناسبـة / مبـاراة تشلسي × مانشستر يونايتد ,


اليوم راح يصادف يوم خاص بــالنسبة لي ..

ولدي خالد راح يتابع أوّل مباراة في حياتـه ,

جدّة خلـّود و أم خلـّود معارضين الشيء هذا ..

يقولون كافي علينا مجنون واحد , ما نبي زياده !!

بس مو على كيفهم ..

ع الأقل الولد تصير له هوايه , و يحبّ الكوره , و يتابع المباريات , و لا يهيت في الشوارع مع الداجّيـن ..

و إن شاءالله يكبر , و أعلّمـه شلون يحبّ الهـلال و تشلسي و بس .. النصر الشر برّا و بعيد ,

و أخلّيه يشوف لقطات حق يوسف الثنيّان و يمتّع عيونه في الفنّ الكروي لمّا كان الثنيّان " يحوس المدافعين حوس " ..


عم خلـّود (أخوي محمد) يشجّع برشلونه ,

و 3 من خوال خلـّود نفس الشيء يشجّعون برشلونه ,

و كل واحد فيهم شاري حق خالد فنيلة برشلونه ,

بس هم مو على كيفهم ..

قبل أمس رحت السوق و شريت له طقم كامـل حق نادي تشلسي .. فنيلة و شورت و ربطة راس http://www.ckfu.org/vb/images/icons/icon11.gif ..

الأزرق لون السمـاء ,

لون البحـر ,

لون التفاؤل ,

لون فنيلة منتخب الكويـت ,

لون فنيلة الهـلال ,

لون فنيلة تشلسي ,


إن شـاءالله يكون وجه خالد حلـو على تشلسي و يفوز في المبـاراة ..

و إذا فازوا .. راح أخلّيـه يتابع مباريات تشلسي كلـّها و هو جالس جنبي ,

و أما إذا الله لا يقوله خسروا .. راح أشيله هو ويـّا أمـّه و أوديهم حق بيت خواله ..

[/ALIGN][/CELL][/TABLE1][/ALIGN]