2011- 9- 18
|
#1027
|
|
أكـاديـمـي
|
رد: تجمع المقبولات في كليه الطب للعام الدراسي 1432 - 1433 هـ
القلب الحنون
مرحبا خيتو , كيفك ؟
مبروك من جديد ع الترقية والله يوفقك ويكتب لك الخير
طبعاً هذي وجهة نظرك ولك الحق احنا مانجبرك او حتى نفكر نقنعك بشيء انتي شفتيه اليوم بنفسك
لكن انا احب انبهك على كم شغلة ^^
اقتباس:
|
بصراحة صايرة المسألة أحزاب هناك حزب يعرف أن يتكلم اللغة الإنجليزية بطلاقة ... ماشاء الله اللهم لاحسد , لأن الأغلبية أخذوا دورات خارج البلاد , واحنا اللي على قدنا في اللغة مخلينا طنازه لهم
|
كلنا نعرف ان كل بنت بالقروب لها مستواها الخاص بالانجلش مافيه وحدة مثل الثانية
لكن الأهم
الثقة , الثقة ثم الثقة .
خليكِ واثقة من نفسك وحاولي تطورين نفسك بالانجلش وتتكلمين مع الدكتورات وبيتغير مستواك
وبتكونين مثل البنات الي عندهم طلاقة او أفضل
وإذآ كان هذا السبب أو أحد الأسباب فراح تلقين هالشئ موجود بكل القروبات مو بس عندنا
لان مثل ماسبق وقلت لك مانقدر نقول ان كل البنات مستواهم واحد بالانجلش .
اقتباس:
|
وإذا إضطرينا وسألناهم سؤال مايعلمونا ( رافعين خشومهم علينا ) ماأدري على وشو الإنسان بأخلاقه وليس بهذه الطريقة الساذجه في التعامل مع الآخرين
|
انتي يمكن سألتيهم في وقت المحاضرة ؟
او فيه أكثر من سبب يخليهم مايجاوبون بنفس الوقت اللي تسألين فيه
فلازم تعذرينهم من حقهم ( بعض الطالبات ) انهم مايجاوبون لان قدرة كل بنت تختلف عن الثانية
يعني لازم تركز بالمحاضرة طول الوقت عشان مايفوتها شيء وبعض الطالبات ( مو الكل )
عندهم مبدأ انا أولى بنفسي وهذا شيء من أبسط حق كل وحدة فينا وانتي ماتجبرين أي وحدة فيهم
انها تترك الي بيدها وتجاوب
اول مرة مافهمتي سألي الدكتورة وبتعيد وتزيد لك لين تفهمين وحتى لو حد تطنز عليك لاتهتمين له
بأختصار " مع نفسهم " لان أيضاً ولاوحدة لها حق تمنعك من السؤال او تضحك
وبصراحة ماعمري شفت بنت تضحك على سؤال بنت ثانية بالعكس أشوفهم محترمات في هذي النقطة بالتحديد .
اقتباس:
|
ولا وكله كوم الطنازه عى البنات اللي ترفعوا من صيدلة للطب , بربكم هذا منطق إنسان أمضى في المدارس 12 سنة ولامنطق غاب القوي يأكل فيه الضعيف
|
البنات الي جاوا من الصيدلة رحبنا بهم وفيه بنات معي من الصيدلة عجبهم الوضع
لكن شكلي ماعرف من انتي او جلستي لوحدك او .. إلخ
لان بنات الصيدلة الي جاوا اليوم حيل حسيتهم حبوووبات ماشاء الله عليهم .
و ماميزنا بين طالبات الطب الموجودات او الي ترقوا وجاوا لنا
ترى انتوا مثلنا كلنا طالبات ومافيه داعِ للتفرقة
وعلى فكرة الي انقبلت بالدفعة الاولى والي انقبلت بالدفعة الاخيرة كلنا نفس بعض ندرس تحت نفس التخصص
" طب عام وجراحة " .
وانا مش فاهمة وش تقصدين بالقوي ياكل الضعيف ؟
ماني شايفة أحد يتقوى ع الثاني
إلا لو كنت انا أشوف بعض الأمور من ناحية وحدة وعيوني مسكرة ع النواحي الثانية
فياليت تنبهينا عشان نتجنبها .
و قولي كل الي بخاطرك لك الحق تتكلمين وتقولين الي تبينه عنا وتعلقين لان ممكن نكون أخطأنا بحقك او حق أي وحدة بدون قصد
ولو فينا خطأ نحاول ان نصححه ونتغير للأفضل لو نشوف انه بعض تصرفاتنا مو زينة وتحرج البنات الآخريات .
و ترى كلنا بشر وكلنا خطائون لكن الأفضل ان مانبقى بمثل هالوضع ونرضى فيه بل نطور من نفسنا
وجميل ان تكون عندك ملاحظات وتنبهينا عليها .
ونصيحة : حاولي انك تقدرين نفسية كل بنت وظروفها ولاتحكمين وبس ممكن تكونين ظلمتي هالبنات
بدون قصد ^_^ 
اقتباس:
|
أنا ماأقدر أعيش في هذا الجو المملوء بالمشاحنات , وهل هناك تبديل للشعب مش مرتاحة في هذي الشعبة .
|
بالأخير أقولك ,
حياكِ بينا من جديد وحياكِ بقروبنا لو حبيتي تبقي
ولو ماحبيتي هم بنقولك حياكِ بكل وقت وعلى راسنا أنتِ أخت وحبيبة
واحتمال انك تقدرين تغيرين شعبتك راجعي الدكتورة نورية لان هي الي بتقولك اكيد لو تقدرين
تغيرين شعبتك او لا .
وان شاء الله تقدرين تغيرينها اذا انتي مازلتي مو مرتاحة ,
الله يسعدك ويريحك قلبك وبالك .
موّفقة خير أختي .
|
|
|
|
|
|