وَقــَــــاحــَـــــــة ْْ شــَــبــَـــــــــاب ْ ..!!

http://www.perfumezilla.com/images_p...omen569131.jpg

اقتباس:

المشاركة الأصلية كتبت بواسطة SaD HeArT [ALIGN=CENTER][TABLE1="width:100%;background-image:url('http://www.up.qatarw.com/get-11-2009-6e46b2st.jpg');"][CELL="filter:;"][ALIGN=center] تـَـعـَالـوا إلـى كـَـلـِـمـَـةً سَــــواءْ .. و لــهذا إعلموا علم اليقين أنني لست ضد حوّاء و لست متحاملا عليها , و لست " عنصريا " لـ آدم , فـ كثير من " تفاهات و سخافات الشباب " لا تعجبني و لا أتفق معها , و سـ أكتب عنها بـإذن الله في مشاركه قادمه . [/ALIGN][/CELL][/TABLE1][/ALIGN]

لا أعلـم إن كان البعض يتذكـّر مشاركة " تفاهـة بنـات " التي كتبتهـا في هذه المدوّنـه قبل فترة ,

تلك المشاركه أذكر أنـّها ضايقت البعض , و أثارت سخط و زعل و عتب البعض الآخر ..

وعدت أن أكتب عن " تفاهات الشباب " و لكني إنشغلت و مضت الأيام و لم أكتب !!

و الله يجزاها كل خير اللي ذكـّرتني و طلبت مني أكتب عن الشباب ,

و السموحه منكم .. المشاركه شويء طويله ..




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ





كوني شـاب لا يعفيني من ذكر سلبيـات الشباب , و لن يجعلني أغضّ النظر عنهـا ,

فــ عالم الشبـاب حافل و مليء بـ كل ما يطري على البال و ما لا يطري من أمور غريبه و عجيبه , و أيضا تافهه و سخيفه !!

بعض الشباب لـلآسف الشديد ألغى الإحتـرام من قاموسـه , و عـوّد لسانه على البذاءه و الوقاحه ,

و بعضهم " إنقرض " من قلبه كل شعور و إحساس جميل , و إستبدلها بـ القبيح و السيء من الأطبـاع !!

و أكثرهم سوء ً و خطرا ً هم الـلاعبون و المتلاعبون بـ العواطف و المشاعر ,

و أرداهم و أسفلهم هو من يقـلّل من قدر المرآه , و يـُهينها , و يدوس على كرامتها , و يـُعاملها كـ أنها جاريه أو خادمه !!


بعض الشباب " نفعتـه " حق أهله قليلة و نادره ..

إذا طلبوا منـّه أهله يوّديهم مكان معيّن .. يتعـذّر و يتحجـّج إنه مشغول .. مع إنه ما عنده إلا " الدجـّه " !!

و لكن إذا صاحبه أو أصحابه طلبوا منـّه شيء .. يصير أنشط خلق الله , و أطيبهم , و أروعهم !!

و ينسى أن الأقربـون أولى بـــ المعروف ..


و شريحه كبيرة من الشباب يعتبرون البيت مثل الفندق .. يطلع و ما يرجع إلا إذا جاع أو بغى ينـام ,

و مطنـّش أهل بيته , و لا يدري عنهم , و لا عن حاجاتهم ,

إحترقوا .. ماتوا .. مرضوا .. طب عليهم حرامي !!

أهم شيء عنده يطلع و يستانس .. و الباقي مو مهم !!


نسبة ليست بسيطه من الشباب يكون شديد العقاب على خواتـه ,

و إذا خواته يبي يطلعون للسوق أو زيارة أحد من أهلهم , يصير هـ الشاب مثل " مفتـّش الجمارك " ..

و يدقّق في لبسهم و شكلهم , و يا ويلها اللي تحطّ مكياج أوفر .. ليلتهـا سوداء !!

و بعد ما يتزّوج تتغيـّر الشـدّه , و يتحوّل إلى " حمل وديع " , و يكون " غفـور رحيم " على كلّ ما يتعلـّق في زوجتـه !!

و خواته إذا طلبوه شيء .. يعصّب و يحمّق عليهم , و لكن إذا زوجته اللي طلبت .. لو الطلب في آخر الدنيا .. يروح يجيبه !!


و أما " المغازلجيـة " فــ عدّاد تقصيرهم في حقّ أهلهم لن يتمكـّن من مواصلة العدّ و الجمع ..

المغازلجي يبحث عن الكلام الحلو و المعسول عشان يقوله حق وحده يمكن تتركه و تهجره في أي لحظه !!

و يحرم أمـّه و أخته و زوجته (إذا كان متزوج) من كلمه أو جمله تتضمـّن كلام رقيق يعبّر فيه عن غلاهم عنده !!


بعض الشبـاب يعتبر نفسه رجلا .. و الحقيقه تقول أنه في جهـه و المرجلـه في جهـه آخرى ,

يعتقد بعضهم أن المرجلـه هي مجرد أن يكتـب في البطاقه أن الجنس : ذكـر !!

و تناسوا أن بعض النسـاء تفعل ما لا يفعله كثير من الرجال ..




ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ


من الواقـــع 1 ..


مبـارك العتيبي زميل عمل , و أعامله كــ أنه أخوي الصغير ..

هو أصغر مني بـ 7 سنين , و إنضم لنا بـالدوام في السنة اللي توفّى فيها أخوي خالد الله يرحمه ,

مبارك هذا " مدمن مغازل " و عنده 4 تلفونات , و أرقام تلفوناته كل فترة يغيـّرهـا ..

ما يمـلّ من المغازل .. كل كم يوم متعـرّف له على بنت جديده ,

أكثر من مرّه نصحته و قلت له يركد و يبطـّل هالحركات ,

و يطلب من أمـّه تزوجـه علشان " يهجع " و يترك هـ الطريق اللي ما وراه أي فايده ,

سمع الكلام و خطب وحده من بنات جماعتهم , و قبل الملكـه صارت مشكله و تفركش كل شيء !!

و رجع مبارك يغازل أكثر من أوّل .. و شال من باله نهائيا فكرة الزواج !!

قبل كم يوم كلمـّني و قالي تعـرّفت على وحده جديده و خلاص لقيت اللي راح تحبني و أتزوّجهـا !!

قلت له أنت صارلك 5 سنين تقول نفس الكلام مع كل وحده جديده تتعرف عليها ..

و سـألته : ترضى أحد يلعب في مشاعرك و يستغل حاجتك للعواطف و المشاعر ؟!!

قالي : أكيد لا ما أرضى ..

فـ قلت له .. طيـّب شلون ترضى تلعب في مشاعر البنات و تضحك عليهم ؟!!

سكـت ْ مبارك و أعلن الصمت و ما ردّ .. و إستأذن و سكـّر الخط !!


مبـارك هذا مثال لأمثلـه كثيره من الشباب يكون هدفهـا التسليه و " تضييع الوقت " ,

و وسيلتها اللعب على وتر المشاعر و العواطف ,

و الـ Legend عندهم هو اللي يتعـرّف على أكثر عدد من البنات ..!!





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ



من الواقـــع 2 ..

سعـد .. واحد من جماعتنـا , و يعتبر من عيـال عميّ بس مو القريبين ,

الــ سعـد هذا الله يهديـه ممّن ليس له من إسمـه نصيـب .. لأنه يضـرّ الآخرين أكثر ممّا يـٌسعدهم ,

يحـق ّ لي وصفـه بــ الأرعـن , و الأخـرق , و الأحمـق , و الخالي قلبه من العطف و الحنـان !!

تزّوج سعـد من بنت عمـّه قبل 10 سنوات , و صارت بينهم مشاكل و طلـّقها و هي حامـل ,

و لــ سوء الحظ صار أب لــ بنت , توقـّعنا يحنّ قلبه على بنته و يرجـّع أمّهـا على ذمته .. علشان خاطر الطفله الصغيره ,

و لكن اللي صار هو العكـس !! كلمنـّاه و نصحناه و لكن الأحمـق يبقى طول عمره أحمـق ..

لــلآسف تحجـّر قلب سعـد و ما طاوعته نفسه حتى إنه يروح و يشوف بنته اللي من لحمـه و دمـّه !!!

( بعض الناس تدمع عيونه وهو يشوف صورة جنينه في السونار , و سعـد عاطفته " خارج نطاق التغطيه " )

البنت الله يحفظهـا كبرت , و دخلت الروضه , و بعدها الإبتدائيـه , و الحين واصله ثالث إبتدائي ,

و ما شافت أبوهـا .. و أبوهـا ما شافهـا ..

أي قلب يملكـه البعض و يخلّيهـم ما يشوفون أطفالهـم و هم يكبرون قدّام عينهـم !!

سعـد تزّوج مرّه ثانيه .. و رزقه الله في 3 أطفال و صار يهتم فيهم و حصلت تغيّرات إيجابيه في سلوكه و طبايعه ,

و لكن بنته الأولى لا زالت بعيده عن إهتمامه !!

حتّى الحيوانات (الله يعزّكم) تستميت في الدفاع عن أولادهـا .. و عندها إستعداد للتضحيه من أجلهم ,

فيما بعض البشر قلبه من حجر .. لا يتحرّك و لا يتزحزح عاطفـة ً و إحساسا ً تجاه أولاده مهما حصل !!

سعـد هذا حاله فرديه .. و لكني أثق أن أشباهه كثيرين , و إن إختلفت الأوضاع و السيناريوهات ..

ما أقول غير الله يرحمنـا بــ رحمته .. و يحنّن قلب كل أبّ و أمّ على أولادهـم و بناتهـم .





ــــــــــــــــــــــــــــــــــــــــــــــــــ ـــــــــــــــــــــــــــــــ
هـَــمـْــــــــــــــــسْ الــــحـًـــــــــــــــــــــــــــــــرُوفْ
ــــــــــــــــــــــــــــــــــــــــــــــــــ ـــــــــــــــــــــــــــــــ




كـونـــوا بـخـيـــــــــر http://bnat4ever.com/vb/webaty_uploa...7902785681.png ..