2011- 9- 19
|
#374
|
|
أكـاديـمـي ألـمـاسـي
|
رد: صفحات من حياتي
صباحكم عسل صافي توه جاي من النحلة (زينهة وصديقها نحول)
طبعا امس ونا اقلب بذكرياتي من ملفات دراسة وملابس وادوات دراسية وصور
جالس اشوف صوري يوم كنت صغير صراحة تحس اننا شحاذين يعني الطاقية مطرزه بجنيهات ذهب والقميص اخضر مخطط والبنطلون اصفر مع كوحلي  مافيه تنسيق ولا ذوق نهائي والثوب قصير والاكمام قصيره تحس ان الثوب مسوي رجيم
وحدة من الصور كنت مصور عشان ملف الدراسة الابتدائي قسم بالله مصور ونا اشرب لبن خخخخخ يخرب بيت المصور الي صورني غريبة ما قال لا تشرب والي يقههر ان الوالد الله يغفر له ويرحمه ما قال شي 
والشي المضحك ان الي توهم متزوجين اهم شي عندهم ان الطرف الثاني ما يشوف صوره وهو صغير الا بعد الزواج بكم سنة قالك يستحي وباذات البنات   صور البنات معروفة جبهتها كشة وجدايل فيها شريط احمر قالك انيقه يعني وقميص نوم فيه صور ورد يابس من الشمس مدري من الغسيل
يعني بكره لو يطلع قرار ان الي بيتزوج لازم يجيب صوره وهو صغير كان زادة العنوسة والعزوبية بالبلد  تحس اننا عيال حفارين قبور ...
والله اني اشوف الصور يوم كان عمري تقريبا اقل من سنة في بيوت الطين والمساند (التبن) بوجه العدو تكرمون يازين ذيك الايام وبساطتها كنت اطلع مع جدي نروح المسجد بالقرية وكان ما فيه حمامات تكرمون كانت فيه زي البركة او حوض بجانب المسجد كنى نتوضى منه وكنى نلقى حوله الضفادع الصغار وكنى نلحقها ونصيدها ونحطها بقوارير الماء ولا نروح المزارع ونسبح في بركة الماء عند طرمبة الماء من يذكرها الي صوتها (تك تك تك تك ) الي على الديزل تشتغل
ونرجم راعين النخل الي يخرفون التمر عاد لايصيدك بالمسجد ولا تروح فيها
بالله عليكم ما حنيتو لذيك الايام بنسية لي والله قلبي يتقطع عليها
ايه يا الذكريات للجميع
|
|
|
|
|
|