من أول أفرح لا شفتك وأهلي بك
واليوم قربك يعذبني ويشقيني
خلاص وش لي على لومك وتأنيبك
كشفت قلبك وزلاتك تكفيني
العام دايم أسولف بك وأغني بك
هذه السنة انتهى مابينك وبيني
الله يهنيك مع ناس تغالي بك
وأنا على نيّتي مولاي يعطيني
مانيب أنا اللي إذا قفيت أضحي بك
قلبي عطوفٍ وذا طبع المحبيني
رغم الجفا لو تبي أحقق مطاليبك
وأعرف ترى آمرك على رأسي وعلى عيني
مليت يازين من كثرث عذاريبك
سبحان ربي سخر لي من يسليني
حبك من الله ياحيث إنّه بلاني بك
واللي من الله يا أعز الناس مرضيني