روحي بلقاك إتفزّ فزّة حمامة
وتحوم حولك من غلاك وأملها
يا لين من نظرة غلا وابتسامة
إترد روحي الغالية في محلها
°•.ღ.•° !!..ღ°♫╣╠ღ °] .!~
لك في فضى صدري فؤادن غرامه
يحمل محبة انسى تلقى مثلها
يعني إذا قلت احصى شوقه وهيامه
تقدر تقول بكثر هالدنيا كلها
°•.ღ.•° !!..ღ°♫╣╠ღ °] .!~
أهواك وأرسم للتعجب علامة !!!
كلما بنورك عيني خطت كحلها
وأسأل هواك اللي عظيمٍ مقامه
هل خلا فيني ذرةٍ ما وصلها
°•.ღ.•° !!..ღ°♫╣╠ღ °] .!~
رح للقصيد ودور أعذب كلامه
ون جبت كلمة توصف إحساسي قلها
دامي عجزت ألقالي وصف ومدامه
حبك يسد بلاد ويكفي أهلها
°•.ღ.•° !!..ღ°♫╣╠ღ °] .!~
أشكر هواك اللي غمرني اهتمامه
وأشكرها روحك يللي من طيب أصلها
سوت على عمري وعمرك غمامة
تمطر أحاسيسي وينبت غزلها
°•.ღ.•° !!..ღ°♫╣╠ღ °] .!~
مثلك على راسي أشيل احترامه
وأعطيه من أيام عمري عسلها
لني مدام انته في خير وسلامه
ما ريد أي حاجة من الدنيا كلها